KUKAMI ATUGHIU 8:23 - Sumi Naga CL (Re-edited) Bible (BSI)

²³ eno pi, “O, Ampeu Israel Lhou, atsütsü qholo eno ayeghi shou khumu O toike kühae, Nono O qemi no amlo kuchopu ikhiphepe aghokulu shi ake thaqhü lo Ow timiqo sasü puloshoqhi shikeu pape eno O kikimiye panongu lau pephe piye ke.

BAIBEL (BSI)

²³ hitoi inikhu, “Israil Lhou AMPEU, tsutsu qholo eno yeghi shou khumu otoikeu Lhou kuhae! Nono owu timiqono amlo kuchopu ikhiphe pesu aghokulu shi ake thaqhulo owu timiqo sasu puloshoqhi shino okikimiye panongu lau pephe piye.

KUKAMI ATUGHIU 8:23 Referans Kwoze

SAMUEL AKINIU 7:22

Tighenguno No ye kije ke, O Ampeu Alhou. Ni kini lono chilu keu kiqilo O toi keu khumu kühae, eno O nguno alau ye Alhou kütau kühae.

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,

DANIEL 9:4

I no Ampeu I Lhou lau inikhu eno axine piphe no pi, “O Ampeu, akughushu eno agigihupu Lhou, khunono Pa kimiye eno Pa yezah pape cheni keno tipaqo lau Paw puloshoqhi ngo iqemokeu kikimiye chekeu,

NEHEMIA 1:5

Eno I no pi, “O Ampeu, kungugha Lhou, No ye akighiche eno akughushu Lhou, khunono O zakütsü pecheni keno Nono Ow puloshoqhi eno iqemokeu kikimiye piye cheni.

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

SAMUEL ATUGHIU 2:2

“Khumu Ampeu toi akimthe kühae: kughengu O nguno alau kütami kühae; ningu Lhou toi atuqu khumu kühae.

IPEKULU 15:11

“O Ampeu, alhouqo dolo khuu no O toi kea? Aküka kughushu, ajuküvüpu kümla lo sheqheküzü, akümzapu mla chekeu, Khuu no O toi kea?

Luke 1:72

Tishikeu lono ni puasü lau piqhi püakeu kimiyekini piye, eno Pa kimthe shoqhi kümsüchile luniye ke,

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

JEREMIYA 10:6

O Ampeu, O toike kühae; No ye kije, O je ye aküka kije ke.

ISAIAH 40:25

Imaye, I sasü kimhe kepu I toike khuu ania? Akimtheu no pi.

LESHELE 113:5

Ampeu ni Lhou khuu kungugha lo ani keno Pa toike khuu ani kea?

ISAIAH 40:18

Imaye nongu ye khuu momu kiu pesü Alhou kimhe tsüni kea?

LESHELE 86:8

O Ampeu, O toikeu lhou kütau khumu kühae, O kümla toike kiumu kühae.

LESHELE 35:10

I ghi kümtsü no pi nani, “O Ampeu, O toi khuu no kumlhomi eno aveküsami pükaqhi chekemi, pano nguno akumtomi launo panoqo xaphe cheni kea?”

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

KUKAMI ATUGHIU 6:12

“Nono aki hipau mla akeu vehu lo, nono I yezah lo cheche, I khuaye lo gholu, eno I zakütsü kümtsü pelu aye, I no o pu David lau piqhi püakeu, o vecheo shikupu tsüni.

KUKAMI ATUGHIU 3:6

Solomon no khochile, “Nono I pu David o qeu lau iqemokeu kikimiye kije piye, kughengu pa no O zülo pükhükulu eno mikucho lono, eno müzüchoi xüche ke. Nono O kikimiye kije tipau pa ghenguno qhitsü eno ishi ye pa kükalakhü lo iqalu penike anu pa tsüe.

KUKAMI ATUGHIU 2:4

eno Ampeu no I ghenguno pikeu tsa shikupulu nani, ‘O nuli no pano kümla lo kutokupui shino I zülo amlo kümtsü, angulho kümtsü süno cheche aye, no ye Israel kükalakhü lo iqani keu timi püqümo nani.’

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

BOTHUBO 33:20

Tilehi pa no akümlla-khache shiqhe eno tipa-a pesü El-Elohe-Israel kuvetsü.

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

KUKAMI ATUGHIU 8:24

Nono I pu David lau piqhi keu shikupue. O kichi lono piqhi eno O u no ishi tsala lono shikupu tsüe.

EZRA 1:3

Nongu gholo Paw timi aghi keu ye pa Lhou no pa gholo apenike pa pelo Jerusalem, khikhi Judah lo ani keno, tilau iqho pelo, eno Ampeu, Israel Lhou, khuu Jerusalem lo ani keno, Pa ki shiqhe kithe pelo.

ZAKINIU 7:12

“Nongu no pimheye hipaqo tsaqüi ini no pelu aye, Ampeu nongu Lhou no nongu lau Paw puloshoqhi ngo iqemokeu kikimiye no puasüqo lau tushoqhi püakeu peche nani.