KUKAMI ATUGHIU 8:20 - Sumi Naga CL (Re-edited) Bible (BSI)

²⁰ Ikehu Ampeu no Pa shoqhi shikupuvae. Kughengu I no I pu züqhulo Israelmi kükau shive no Ampeu no piqhike toi Israel kükalakhü lo iqaluvae, eno I no Israel Lhou Ampeu je ghenguno aki shivae.

BAIBEL (BSI)

²⁰ “Ike AMPEU no pa shoqhi pipuae. Ino ipu zuqhushi Israilmi shou akukau shiluvae eno Israil Lhou AMPEU mllape nikeu Kumllaki shiqhive tsuae.

KUKAMI ATUGHIU 8:20 Referans Kwoze

FILIPIAMI 1:6

I no mtsüqhei hi pi ani, khuu no nongu lolo akümla kivi huthutsü keno Pa no ti pekibewo Jisü Khristo ikighi Tsala lono kupukülai kishekha tsü nani.

Rommi 4:21

eno Alhou no kiu piqhi püa keno shilu nanie pi thebei ithive.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

EZEKEL 37:14

Eno I no I Ghungu nongu shou lepuku nani, nongu ye xüluve nani, eno I no nongu yeghi lo nongu qhinani. Tileno nongu no Ni ye Ampeu kepi ithi nani; I no piqhivae, eno I no tipau shi nani ipi Ampeu no asheshu.”

EZEKEL 12:25

Kughengu Ni ye Ampeu ke; I no pinikeu tsa I no pi nani, eno tipau ye shikupu nani. Tipau ye munuve monani, ikemu O hekibide laghami, nongu ghuloki lono I no atsa pi nani eno tipau shikupu nani, Ampeu Alhou no asheshuvae.”

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

NEHEMIA 9:8

Pa mlo no O shou pükhükulupu shikeu Nono ithulu kehu Canaanmi, Hittimi, Amorimi, Perizimi, Jebusimi, eno Girgashimi yeghi pesü pa lagha tsüniye pa sasü puloshoqhi shike. Eno Nono Ow pikiqhitsa papeke, kughengu No ye amikucho ke.

KUKAMI ATUGHIU 8:15

Pa no pi, “Israel Lhou Ampeu sheqhelo! Pa no I pu David lau tushoqhi püakeu, Pa u no ti shikupuvae; Pa no hitoi piqhi püake,

Apostolmi 7:47

Ikemu Solomon no Alhou ki mlatsüe.

SAMUEL AKINIU 7:12

Kughou o tsala tove no nono o puasüqo gholo züuveni keno, I no o shelo o polo kughuko o phi lono ighikeu saputhu nani, eno I no pa kükaqha puthuphe tsü nani.

JOSHUA 21:45

Ampeu no akivipu tsa piqhi keqo lakhimu tomla keu shimono kümtsü shikupu.

KUKAMI ATUGHIU 1:48

Akükau no highi pi, ‘Israel Lhou Ampeu sheqhelo, Pa no ishi tsala lono I kükalakhü lo iqani keu pekithi tsüno I nhethi no ithulu peke.’”

LESHELE 138:2

I no O kimthe chineki küdau juno itsaqi no Ow iqemokeu kikimiye ngo pükhükulu ghenguno O je shikimthi cheni, kughengu Nono O je eno O tsa pesü thokha kümtsü nguno akiqheu lo qhike.