KUKAMI ATUGHIU 8:11 - Sumi Naga CL (Re-edited) Bible (BSI)

¹¹ ikehu achinemi ye khüngküsü no nhaluve no akümla shimlave, kughengu Ampeu juküvü no Pa ki nhapho luve ke.

BAIBEL (BSI)

¹¹ ike achinemiye khungkusuno zumoi nhaluve kehu chini mlave; kughengu AMPEU jukuvuno AMPEU kumllaki nhapholuve ke.

KUKAMI ATUGHIU 8:11 Referans Kwoze

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

EZEKEL 44:4

Tishino pa no ahuu khagho, achineki zülo akeu laghi lono I saighi, eno julo, Ampeu juküvü no Ampeu chineki chhitoive. I no I gi pishiqho luve.

ACHINE 9:23

Moses ngo Aaron pama kuposhukulu phiki lo ilove no ipeghi kelo timiqo kümghatsü, eno Ampeu juküvü timi kümtsü lau ipeghi.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

EZEKEL 43:2

Eno julo, Israel Lhou juküvü no kipelau no cheghi. Pa no ighikeu sütsa ye azüghi ghügha toi eno ayeghi ye Pa juküvü no yevüqaive.

Piyeküsü 21:11

ti ye Alhou juküvü no chhitoi, akughupu tu toi yebide, eno jaspertu toi tsüghükhüi ke.

Apostolmi 7:55

Ikemu pa ye Aghungu Kimthe no chhitoipe atsütsü lo jupuku no Alhou juküvü ithulu, eno Alhou u ajeu Jisü puthugho akeu ithulue.

ACHINE 9:6

Moses no pi, “Hi ye Ampeu no nongu vilo shilo pikeu ke, tishianguno Ampeu juküvü nongu lau ipeghi peniye ke.”

Rommi 9:4

Panongu ye Israelmi, eno hi kümtsü panoqo saje shitsüe: Alhou nuli shi saluve keu; ajuküvüpu; puloshoqhi; Ayezah; akümlla; eno pikiqhitsa.

IPEKULU 40:34

Tithiu khüngküsü no kuposhukulu phiki küzüluve, eno Ampeu juküvü no Ampeu kungo phiki chhitoive.

IPEKULU 40:35

Eno Moses ye kuposhukulu phiki lo ilokulupu shimove kughengu khüngküsü no tipau nhachhive ke, eno Ampeu juküvü no Ampeu kungo phiki chhitoive.

KUKAMI ATUGHIU 8:10

Achinemi no Akimthe-a lono ipeghi kemtsa khüngküsü no Ampeu ki nhaluve,

KUKAMI ATUGHIU 8:12

Tileno Solomon no pi, “Ampeu no Pa ye ighono aküzü lo anani pike,

YEKIKITHI AKINIU 5:14

eno tipa ghenguno achinemi ye puthughope huthu mlave, kughengu Ampeu juküvü no Alhou ki chhitoive ke.

LESHELE 90:16

O qemi lau O kümla piye tsülo, eno pano tianuli lau O juküvü küka piye tsülo.

HAGAYI 2:7

I no shiye kümtsü süküthü nani, tishikeu lono shiyeqo küakini kümtsü ighi nani, eno I no ajuküvü pesü aki hipau shepichhi nani, ipi aqokitikhi Mpeu no piani.

IPEKULU 29:43

Tileno I no Israelmi sasü kusho nani, eno tipau ye I juküvü no shikimtheve nani.

ISAIAH 6:1

Akükau Uzziah kithi mpe lo Ampeu no chuqumghaike-a lo Pa kükalakhü lo iqa aghikeu I no ithulu; Pa phishe no achineki nhape ae.

EZEKEL 10:4

Ampeu juküvü cherub launo ikuve no achineki kulaghi küdau wuve, achineki lo khüngküsü no chhitoive, eno achebo ye Ampeu juküvü yevüqai keu no chhitoive.