KUKAMI ATUGHIU 4:25 - Sumi Naga CL (Re-edited) Bible (BSI)

²⁵ Pa no xüake tivilo Judah ngo Israel yeghi Dan lono Beersheba kutolo sükusho lo ache eno timi kümtsü no pütüta tsailu eno mububo pighilue.

BAIBEL (BSI)

²⁵ Pano xuake kutolo Juda eno Israil yeghiqha kumtsulo sushokulu qholo ache eno Dan lono Beersheba kutolo akibo kumtsu no pututa tsayilu eno khughuthibo pighilukha.

KUKAMI ATUGHIU 4:25 Referans Kwoze

MICAH 4:4

ikemu kümtsü no pütüta tsaibo eno mububo qholo nani, eno khunomu panongu shikümsa monani, kughengu aqokitikhi Mpeu kichi lono piqhivae.

ZEKHARIA 3:10

Tipa tsalani, aqokitikhi Mpeu no asheshu, nongu kümtsü no pa kisüghüu kusü no pa tsaibo eno mububo qholo ighipe nani.”

KUKAMI AKINIU 18:31

Hezekiah tsa ini kevilo, kughengu Assyria kükau no ishi piani: ‘Nongu ye I sasü külashi luve lo eno I lau ighi lo. Tishi aye nongu no pütüta tsaibo eno mububo lono chulu nani, eno pütüta zükhe lono azü yelu nani.

XAKUTHAMI 20:1

Tithiu Israelmi kümtsü no hekütsü, Dan lono Beersheba kuto, eno Gilead yeghi ghi Ampeu zülo lakhi shi Mizpah lo kumqo.

EZEKEL 38:11

eno ishi pi nani, ‘I no aliwo kühakeu yeghi lo wuno aphuqo lewuni. Timi khunoqo aliwo kühakeu lo küghüna cheni, eno akhadu momu khagho kiumu kühakeu lo iqüghai sükusho qholo acheni keno, tipaqo leni,’

ISAIAH 60:18

Ghiqhi heqhikeu sütsa ye nongu yeghi lo chilu kithemae; eno shiküpsa ngo kütsakungo keu ye no lughi lo chilu moae; nongu no now aliwoqo pesü Xakuluu ipi ku nani, eno now khaghoqo pesü Shekiqhe ipi nani.

SAMUEL AKINIU 24:15

Ikehu Ampeu no püsa pesü inaqhe no wo kihikütha do tomoke kutolo Israel lo puwuve. Tile Dan lono Beersheba kutolo timi qhethonhe lhotsüni thive.

SAMUEL AKINIU 17:11

Ikemu I kükümsü ye Beersheba lono Dan kutolo Israelmi kümtsü azüghi lo asaye toi o lau hekütsü pelo eno no ampi no aghüshi lo wulo.

SAMUEL ATUGHIU 3:20

Dan lono Beersheba kutolo Israelmi kümtsü no Samuel ye Ampeuw tungkupu kuchou kepi ithive.

YEKIKITHI ATUGHIU 22:9

Julo, anu lakhi khuu vecheo iqüghai keu yekipe süghi nani keno, o lau punutsü nani. Pa hokümxa lo aghümi akemi kümtsü launo I no pa lokughunotsü nani. Kughengu pa je ye Solomon ipi ku nani, eno pa ghuloki lono I no Israel lo külakishi ngo iqüghai keu süghitsü nani.

ISAIAH 36:16

Hezekiah tsa ini kevilo. Kughengu Assyria kükau no ishi piani: Nongu u peqhepe ipeghi no I sasü visho shivelo. Tishiaye nongu no pütüta tsaibo eno mububo lono xochulu nani eno pütüta zükikhe lono yelu nani,

EZEKEL 39:26

Panongu no pano kukujo eno I pishiqhi ighikeu kümtsü kümsümave nani, panongu ye khunomu pano shikümsa mlano pano yeghi lo sükusho qholono xülu nani,