KUKAMI ATUGHIU 4:21 - Sumi Naga CL (Re-edited) Bible (BSI)

²¹ Solomon no Euphrates lono Philistia eno Egypt lughi kutolo ayepe luve. Tipaqo no sükusho süqha pa tsüno pa küxü tivilo pa qeche.

BAIBEL (BSI)

²¹ Solomon kukaphu huno Eufrati ghoki lono wo Filistiya eno Ijip lughi kutolo ashiayeh khijehi anikeno ti kumtsu qhachho wove. Panonguno zahme patsu eno pano xu ake kutolo pawu timi shilu khave.

KUKAMI ATUGHIU 4:21 Referans Kwoze

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

JOSHUA 1:4

O ghuthu ghiphi ye apeu asayeqha lono ahuu Lebanon naghuto kuto eno kipelau Euphrates ghoki lono kulolau Hittimi yeghi kümtsü vechesü Azüghi Kije kutolo ke.

LESHELE 68:29

Jerusalem lo O chineki ghenguno kükami no agho O lau xapughi nani.

KUKAMI ATUGHIU 4:24

Kughengu pa ye Euphrates kulola qha kümtsü Tiphsah lono Gaza kutolo, Euphrates kulolau kükami kümtsü pa no qhasüpe ache. Eno pa hokümxa kümtsü lo külakishi auve.

IPEKULU 23:31

Akuhu Züghi lono Philistiami Züghi kutolo eno asayeqha lono Euphrates kutolo, I no nongu ghuthu shitsü nani, kughengu I no aghakhu lo küxümi pesü o u lo süvetsü nani, eno nongu no panoqo hapheve nani.

LESHELE 76:11

Ampeu O Lhou vilo kiu shinie pi püani keno shilo; akupunu lo akeqo pelo khuu sümsa masa keno Pa lau agho süghi pelo,

EZRA 4:20

Kükami kumtomi no Jerusalem shou ayepe ighiva, eno Aghoki Kukuu phughi lo ghi ayepe no zame ngo asüqha pesü pano tsü ighivae.

YEKIKITHI AKINIU 32:23

Timi kutomo no Jerusalem lo Ampeu lau agho peighi tsü, eno akughupu thimeqo pesü Judah kükau Hezekiah tsüno tinguno tilau ye shiye kümtsü no pa süqhe.

YEKIKITHI AKINIU 17:5

Tighenguno Ampeu no pa kükaqha iqhikumto tsü. Judah timi kümtsü no sükusho süqha pa tsü, eno pa ye küakini ngo ajuaje auve.

ZAKINIU 11:24

Nongu pukhu no khile nesüni keno nonguw shive nani. Nongu lughi ye asayeqha lono Lebanon kutolo qhawo nani, eno Euphrates ghoki lono kulola züghi kuto shi nani.

KUKAMI AKINIU 17:3

Assyria kükau Shalmaneser no pa sasü aghü shinike ighi, Hoshea ye sükusho süqha Shalmaneser tsüche.

SAMUEL ATUGHIU 10:27

Ikemu ameküküha timi khami no pi, “Timi hipau ye kishino ningu xaluni kea?” Eno panongu no pa thogha no agho kiumu pa lau peighimo. Ikemu pa ye inaqhoive.

SAMUEL AKINIU 8:2

Pa no Moabmi ghi theqhive. Pa no panoqo pelo ayeghi lo ikiqi züvepe no akighi lakhi pesü panoqo mighive. Akimghi kini shi aghi keqo thaqhü pithive, eno akimghi aküthüu ye xüluvepe. Ikehu Moabmi no David qholo xüuve eno zame süghi no tsüche.

SAMUEL AKINIU 8:6

Tithiu David no Damascus Aram lo ghüshimi ghazü qhive, eno Syriami ye David qemi shive no zame süghitsü. David no khile wu keno Ampeu no tokulu tsü.

KUKAMI ATUGHIU 3:13

Nono khumo keu ghi I no o tsüni, o küxü tivilo kükami kütami khunomu o toi kinikülü ngo agigihu ithulu pemoni.

KUKAMI ATUGHIU 4:22

Solomon no atsala lo avehupu shikeu ye ashomkhu ahu 9,000 eno achuqupu no ahu 18,000,

KUKAMI ATUGHIU 12:4

“O pu Solomon no ighono ni ghime püani. Tighenguno itehi o pu ghime kümla ngo paw kuokhasü kimshi ni launo kümthü tsülo, tishi aye nino o qeni.”

AKUMLO 1:1

Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

EZEKEL 16:13

Ikehu no ye ameshoyi ngo ghükayi no ananu shipuve, phepheike phi akivi, müdüniyike phi eno aye shisükeu phi no o phimini shike. No ye ashomkhu, akhingozü eno thazü akivi chue. No ye shishe ajukivi shi ipeghive eno kükaliu shive.

YETSAPIU 2:25

kughengu Pa launo kumo aye khuu no chulu momu alopivilu nani kea?