KUKAMI ATUGHIU 20:28 - Sumi Naga CL (Re-edited) Bible (BSI)

²⁸ Alhou timi huno ighi no Israel kükau vilo pi, “Ampeu no ishi piani, ‘Syriami no, “Ampeu ye atoghiqo lhou kethono akhila lhou kumoe,” ipi kehu I no hi aqokitikhi kümtsü pesü o u lo süve tsüni, eno nono Ni ye Ampeu kepi ithi nani.’”

BAIBEL (BSI)

²⁸ Tungkupumi lakhino akukau Ahab lau wuno pi, “Hiye AMPEU no pi ani: Siriyamino niye atoqo lhou eno aqa lhouye kumoe ipi anike ghenguno, pano wu ghushimi kutomo shou opelo toluvepeni eno tishikeu lono noghi eno iwu timiqo ghi niye AMPEU ke ipi ithilu nani!”

KUKAMI ATUGHIU 20:28 Referans Kwoze

KUKAMI ATUGHIU 20:13

Tile tungkupu lakhi no Ahab lau ighi no pi, “Ampeu no ishi piani, No ye ghüshimi aqokitikhi ithulu anima? Julo, ishi tsala lono I no hipaqo o u lo sütsüni, tishianguno o pelo Ni ye Ampeu kepi ithi penie.”

KUKAMI ATUGHIU 17:18

Li no Elijah vilo pi, “O Alhou timi, no ye I shou kiu shi ani kea? No ye I pelo I xine kümsüchile luno I nu pithive niye I lau ighi anino lae!”

EZEKEL 12:16

Ikemu I no panoqo dolo khami ye azütakikihi, püqümiye eno püsa lono pojo lupe nani, tishikeu lono panongu no panow aphikümqhüpu pesü shiye khunoqo lau wu keno tipaqo lau asheshu nani, ti ye Ni ye Ampeu kepi ithi peniye ke.”

LESHELE 79:10

Kushiye shiyeqo pelo, “Pano Lhou khile ani kea?” ipi apeni kea? O qemiqo ji pele keu mkhükulu ye ningu nhethe lono shiye kümtsü pelo ithi pelo!

EZEKEL 39:7

“I je kimthe pesü Iw timi Israelmi pelo ithipe nani, eno Ni ye I je kimthe pesü shikitiqe kithe pemo nani. Shiyeqo no Ni ye Ampeu, Israel lo Akimtheu kepi ithi nani.

EZEKEL 36:32

I no mla niye akeu ye nongu ghenguno ke kumoe pi ithilo, Ampeu Alhou no asheshu. O Israel kibolomi, nongu laghi ghenguno kujo eno ighü alo.

EZEKEL 20:14

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno panoqo saipeghi keu vecheo panoqo pelo Ni ithipe ke.

EZEKEL 20:9

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno Egypt yeghi lono panoqo saipeghi keu vecheo panoqo pelo Ni ithipe ke.

EZEKEL 11:12

eno nongu no Ni ye Ampeu kepi ithi nani. Kughengu nongu ye I kükütsü lo cheche movae momu Iw pimheyeqo gholu movae, ikemu shiye nongu homxape akeqow pimheye kiqi lono mlaitha cheni ke.”

EZEKEL 6:14

I no panoqo shou I u chhopuwo nani, asayeqha lono Riblah kutolo panongu no küghüna akeu kümtsü küghüküghalei shipüsave tsü nani. Tileno panongu no Ni ye Ampeu kepi ithi nani.”

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

KUKAMI ATUGHIU 13:1

Ampeu tsa vecheo Judah lono Alhou timi lakhi Bethel lo ighi. Jeroboam ye akümlla-khache lo akümllagho tsüniye puthugho ae.

ZAKINIU 32:27

ikemu tino pano ghümi tsabo shiveni keu ighüve ke, tikumo aye pano ghümi no vetha pimive no ishi piuve nosae, “Hi ye nino tolu kethono Ampeu no kumoe.”’

ZAKINIU 29:6

Nongu ye asho chumphi, atsaizü momu aji kümka shomphi, tishikeu lono nongu no Ni ye Ampeu nongu Lhou kepi ithi peniye ke.

IPEKULU 8:22

Ikemu tipa tsalani, I no Goshen yeghi, khile Iw timi küghüna ani keno, tipa-a ye pakütashi qhive nani, tishianguno amiyi loji ye tilau ighimo nani, ti ye nongu pelo ayeghi kümtsü shou Ampeu ye Ni kepi ithi peniye ke.

IPEKULU 7:5

Kughou I no Egypt shou I u süqhe no panoqo launo Israelmi saipeghini keno, Egyptmi no Ni ye Ampeu kepi ithi nani.”

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

IPEKULU 16:12

“Israelmi kumchho I no chiluvae. Panongu vilo pilo, ‘Tsüküzü lo nongu ye ashi chu nani, eno inaqhe no nongu ye asho pesü aghapiqilu nani. Tileno Ni ye Ampeu nongu Lhou kepi nongu no ithi nani.’”

KUKAMI ATUGHIU 20:29

Atsala tsüni kutolo panongu küghüngü pe pütüta ghazü lo ngoae. Eno atsala akütsüniu lono aghüshi thuve, eno tipani no Israelmi no Syriami lakh lakhi ghiqhive tsü.

ISAIAH 36:20

Aghakhu hipaqo lhou dolo khuu no I u lono pano yeghi hakholu püanie pi Ampeu no I u lono Jerusalem xaphelu nanie piani kea?’”

SAMUEL AKINIU 10:13

Ikehu Joab ngo timi khunoqo pa gholo akeno panoqo no Syriami sasü aghü shiniye kupunu wu kelo panongu no pa zülono pove.

KUKAMI ATUGHIU 18:36

Avela kümllagho do lono tungkupu Elijah no akümlla-khache phivilo ighi no pi, “O Ampeu, Abraham, Isaac eno Jacob Lhou, No ye Israel Lhou, ni ye O qeu eno O zakütsü lono hipaqo shi ani kepi ishi tsala lono panongu pelo ithilu pelo.

KUKAMI ATUGHIU 18:37

I khochile lo, O Ampeu, I khochile lo, tishikeu lono timi hipaqo pelo No ye Alhou kepi ithi pelo O Ampeu, eno Nono panongu sachile ighi ani kepi ithi pelo.”

YEKIKITHI AKINIU 32:19

Panongu no ayeghi lo ashiaye kütami lhou, timi u no mla keqo, pütsa aketoi Jerusalem Lhou pütsae.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.