KUKAMI ATUGHIU 2:6 - Sumi Naga CL (Re-edited) Bible (BSI)

⁶ Tighenguno kiu shikepu keno o lokütsü kiqi lono shilo, ikemu pa pelo asa mpave no Kithigha lo aloino wupe kevilo.

BAIBEL (BSI)

⁶ Kiu shikepukeno nono ithi ani tighenguno pa pelo alhoayeh kithi thipekevilo.

KUKAMI ATUGHIU 2:6 Referans Kwoze

KUKAMI ATUGHIU 2:9

Ikemu itehi pa ye akipimi küha kepi kihi kevilo, kughengu no ye alokütsümi ke. Nono pa lau kiu shikepu keno ithi ani, aji no pa sa kümpa küxape Kithigha lo piqilo.”

ISAIAH 57:21

Alhou no piani, Kixikilami ghenguno aloino keu kühae.”

ISAIAH 48:22

“Kixikilami ghenguno aloino keu kühae,” Ampeu no pi.

YETSAPIU 8:11

Küsakügha kümla shou ke-i xakütha tsümoke ghenguno timi mlo lono alhoksa shinike kughuuve cheni.

AHOLE 28:17

Timi küxü luvetsü keu kipimi xapu chekemi ye akithi kutolo poche nani, khunomu pa kuphu kevilo.

AHOLE 20:26

Alokütsü kükau no kixikilami küghape amuu toi fuleve no munuqhi cheni.

LESHELE 37:37

Tukutiye küha kemi amichi shilo eno akümzümi ju püalo, kughengu külakishimi ghengu ye hithiu tsala kivi ani.

ISAIAH 65:20

Angaqo ye akughunu aphi lono khilemu thivemo nani, eno kitemi no axüshu no thi nani, kughengu lhothemiqo no ampe aqhe shino thi nani, eno axinemi no ampe aqhe lono thive aye, ti ye müsüinive kehu ke.

ISAIAH 57:2

pa ye aloino keu lo wuvae; achipiu laghi lo cheche kemi ye pano lüpa lo ihozü acheni.

KUKAMI AKINIU 22:20

Tighenguno julo, I no o puasüqo gholo o hekütsü nani, no ye aloinoqhiyi o kumo lo ilo nani, eno o nhethi ye I no a-a hipau shou kütsakungo süghini ye akeu ithulumo nani.’” Panongu no akükau lau atsa hipau pesü ighi.

AKIKIHI 35:33

Nongu no küghüna akeu yeghi shipixi moni, kughengu aji kichijive keu no ayeghi shipixive cheni eno ayeghi lo aji kichijive keu ye timi hekiqhiu ji no kumo aye kiunomu lochile mlae.

BOTHUBO 42:38

Ikemu Jacob no pi, “I nu ye nongu gholo iqimo nani, kughengu pa mu ye thivae, eno pa likhive ake. Nongu no kicheghüzü lo wuniye akeu lo tsala pa lau küsakushopu shive aye, nongu no ni asa kümpau pelo amlo ghimeshi Kithigha lo wuve peae.”

BOTHUBO 9:6

“Khuu no timi ji peleni keno, timi ghi pa ji pele masa nani, kughengu Alhou no Pa ampi julho lono timi lhoke.

KUKAMI ATUGHIU 2:7

Ikemu Gileadmi Barzillai nuli lau kikimiye piyelo eno o gholo chusholu kemi shipelo, kughengu I no o thiküzüu Absalom launo poche kelo panongu no I kimiye püani.

BOTHUBO 9:5

Eno nongu küxü ji luve tsükeu ye I no kihikülai keu avehupu shi nani: tüghashi eno timi kümtsü launo I no kihikülai keu avehupu shi nani. Timi küxü ghenguno I no pa küsau launo kihikülai keu avehupu shi nani.

SAMUEL AKINIU 3:39

Eno akükau lakhi shi nukishe püaghimu ishi tsala lo ni ye aghüthi süvae. Zeruiah nuli, timi hipaqo ye I nguno alau mkamihi ke. Ampeu no küsakügha kümlami lau paw küsakügha kiqi lono tsüchile peniu!”

KUKAMI ATUGHIU 3:12

julo, I no o tsa kiqi lono shitsüni. I no alokütsü eno kimchi kulupu o tsüni, eno o züu o thiu khunomu o toi ipeghimo nani.