KUKAMI ATUGHIU 2:3 - Sumi Naga CL (Re-edited) Bible (BSI)

³ Moses Yezah lo yepüa ketoi Ampeu o Lhou khuaye, Pa zakütsü, pimheye, Pa no ghutu keu kümtsü pelu lo, tishianguno no ye khila khila wuna kiukiu shinamu ikoishelu nani,

BAIBEL (BSI)

³ AMPEU oLhou no kiu shilopi ahza tsunikeno tipau mlalo, Muse yezahlo yepuakeutoi pa yezahqo eno ahza kumtsu gholulo, tishiaye nono khilekhile wumu, nono mlakeu thime kumtsulo kupukuno shilu nani.

KUKAMI ATUGHIU 2:3 Referans Kwoze

ZAKINIU 29:9

Tighenguno puloshoqhi hipau lo akeu tsa kümtsü papelo, eno nongu kümla thokha lo tolu nani.

LESHELE 119:2

Khunono Pa yezahqo pape lucheni, pano mlo kuchopu no Pa phucheni keno alokivipue,

YEKIKITHI ATUGHIU 29:19

I nu Solomon pelo amlo tsüqhiyi O zakütsü eno ayezah kümtsü pekupulu pelo, tishianguno aki khipau shinike I no kutope qhivetsü akeno, pa pelo ti shiqhilu penike pulo tsülo.”

LESHELE 119:111

O zakütsüqo ye lhokta kutolo I mheghi ke, kughengu tipaqo no I mlo lo alokivi süghi tsü cheni.

MALAKI 4:4

“I qeu Moses Yezah, xaküthaza eno akhuayeqo I no Horeb lono Israelmi kümtsü lau tsükeu kümsülu lo.

LESHELE 119:138

O chipiu mikucho eno thokha lo pükhükulu lono Nono O kükütsüqo kutope qhie.

SAMUEL ATUGHIU 18:14

Eno pa no shikeu kümtsü lo tokulu shilu, kughengu Ampeu no pa gholo ake.

JOSHUA 22:5

Nongu no shinikeu ye hi likhie, Moses no azah tsükeu kutokughoi papelo; ti ye, nongu mlo kümtsü eno angulho kümtsü pesü Ampeu nongu Alhou kimiye lo, Pa laghi lo chelo, Pa zakütsü papelo, Pa phe kevilo eno Pa huthu alo.”

LESHELE 19:7

Ampeu yezah ye kupukülai, angulho püxü kithetsü cheni; Ampeuw thopi ye mtsüqhei, azükütütüi kemi pelo alotsü lupe cheni;

KUKAMI AKINIU 18:7

Tighenguno Ampeu no pa gholo ae eno pa no kiu shikeno ti kümtsü lo tokulu shilue. Pa no Assyriami kükau sasü kumgho eno pa huthumoe.

SAMUEL AKINIU 8:14

Pa no Edom lo ghüshimi ghazü qhiwove; Edom qha kümtsü lo pa no ghüshimi ghazü qhive, eno Edommi ye David qemi shive. David no khile wu keno Ampeu no tokulu tsüe.

SAMUEL AKINIU 8:6

Tithiu David no Damascus Aram lo ghüshimi ghazü qhive, eno Syriami ye David qemi shive no zame süghitsü. David no khile wu keno Ampeu no tokulu tsü.

SAMUEL ATUGHIU 18:30

Tithiu Philistiami zatsümi no aghü shinike ashou ipeghi, ikemu panongu no khije ashou ipeghi keno David no Saul qemi nguno alau itaghi tokulu shilu, tishikeu lono pa ye shishe agigihu ithulu.

SAMUEL ATUGHIU 18:5

David ye Saul no khile pa puwu keno tokulu shi, ikehu Saul no pa pesü ghüshimi shou atou shive. Eno hi ye timiqo eno Saul qemi zülo akivi shilue.

ZAKINIU 5:1

Moses no Israelmi kümtsü kukumqo no pi, “O Israel, ishi tsala lo I no akhuaye ngo pimheye nongu vilo pikeqo inilo, tipaqo shikalu no kutokughoi pelulo.

ZAKINIU 4:45

Israelmi no Egypt lono ipeghive kethiu, Moses no panongu vilo pikeu ashepe, akhuaye, eno pimheye hipaqo ani.

ZAKINIU 4:8

Eno ishi I no akhuaye eno pimheye nongu tsü akeu toike amikucho yezah khuno shiye no ani kea?

ZAKINIU 4:5

Julo, nongu no ilo niye akeu yeghi lo pelu peniye Ampeu I Lhou no azah I tsüke toi I no akhuaye ngo pimheyeqo nongu shikavae.

ZAKINIU 4:1

“Itehi I no nongu shika akeu khuaye ngo pimheye papelo, tishikeu lono Ampeu no puasü Lhou no nongu tsü akeu yeghi lo ilolu nani.

ACHINE 8:35

Ampeu no hakite keu kiqi lono nongu ye kuposhukulu phiki kulaghi lo putho pucho atsala tsüni ngono shilopi keqo mlaithani, tishikeu lono nongu ye thimo nani, azah I tsü püakeu ye hipau ghenguno ke.”

KUKAMI ATUGHIU 3:3

Solomon no Ampeu kimiye eno papu David pimheyeqo papeche, ikemu pa ye qhemghaike-a lono aghashipe mlla che.

ZAKINIU 29:8

Ningu no pama yeghi luvetsü no Reuben ngo Gad laghami eno Manasseh lagha tüxa kijeve tsüe.

JOSHUA 23:6

Tighenguno ighono mtotoi lo eno Moses Kaku lo yepüa keu kümtsü papelo, tipau lono ajeumu piyiumu tsüghüve kevilo,

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.