KUKAMI ATUGHIU 19:17 - Sumi Naga CL (Re-edited) Bible (BSI)

¹⁷ Hazael zütakikihi lono pokalu keqo no Jehu no pithive nani, eno Jehu zütakikihi lono pokalu keqo no Elisha no pithive nani.

BAIBEL (BSI)

¹⁷ Hazael ulono pokaluve aghimu Jehu no pithivetsu nani eno Jehu u lono pokaluve aghimu Elisha no pithivetsu nani.

KUKAMI ATUGHIU 19:17 Referans Kwoze

KUKAMI AKINIU 13:22

Jehoahaz ghuloki lo Syria kükau Hazael no Israelmi ghime che.

KUKAMI AKINIU 13:3

Ampeu no Israelmi shou amlo ideve no Syria kükau Hazael eno pa nu Ben-hadad pama u lo ishokibe Israelmi phesüve tsü.

KUKAMI AKINIU 8:12

Hazael no pi, “I mpeu ye kushiye qa ani kea?” Pa no khochile, “Kughengu nono Israelmi lau akümla lhoksa shiniye akeu I no ithivae. Nono pano liwo pitive tsü nani, azütakikihi no panow apumiqo ghiqhive nani, itimiqo aleqhi shi vedaqhive nani eno topumi mishipu akeqo kive ghixüve tsü nanie.”

HOSIYA 6:5

Tighenguno I no tungkupmi vecheo panoqo michevae; I kichi lo tsa pesü I no panoqo ghiqhivae, eno Iw küghakütha ye aküvü toi ipeghi nani.

KUKAMI AKINIU 10:32

Tipa ghuloki lo, Ampeu no Israel kijetha thuve. Hazael no Israelmi yeghi kutomo leluve tsü:

Piyeküsü 19:21

Eno panow ghüshimi achili thaqhü ye khuu khurshi shou iqa akeno pa kichi lono azütakikihi ipeghi keu pesü ghiqhi khave, eno aghauqo no pano po sünhei tipaqo shi mighive.

AMUS 5:19

milakhi no abongshuu launo poche kelaye ava sholu ketoi, momu aki lo ilo pa u no atozü bu kelaye apighi no mighi ketoie.

AMUS 2:14

Akümthümi no pomlave nani, akumtomi no pa küka kühave eno aghütomiu ghi pa küxü xamlave nani;

JEREMIYA 1:10

I no ishi tsala lono o pesü shiye eno kükaqhaqo shou süsüvae, nhüve eno hephove penike, kütsaleve eno haleve penike, shiqhe eno shosü penike süsüvae.”

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

KUKAMI AKINIU 9:14

Ikehu Nimshi nu Jehoshaphat nu Jehu no Joram pithive nike küsüqe thuve. (Joram ye Israelmi kümtsü sasü Ramoth-gilead süsho ghi Syriami kükau Hazael sasü kumjo ae,

KUKAMI AKINIU 8:8

akükau no Hazael vilo pi, “Agho pesü wuno Alhou timi pütsalo eno pa vecheo Ampeu vilo ighiju lo, ‘Ni ye aküsü hipau lono viluve nanima?’”

KUKAMI AKINIU 9:2

Nono ti tokelo Nimshi nu Jehoshaphat nu Jehu phulo. Pa lau wuno pa küsami gholono pa kütashi sasü achebo alou ilolo.

KUKAMI AKINIU 9:20

Itaghi aghukheu no kütüghü, “Atsapeu ye panoqo kusholu kemu idewo chemoe, eno khurkulu sache keu jukelo Nimshi nu Jehu no toi ani, kughengu pa ye alhoaye lono khurkulu mqhumzai sachenie.”

KUKAMI AKINIU 9:25

Jehu no pa gholo kicheu Bidkar vilo pi, “Pa kumo ikhipe Jezreelmi Naboth lu lo vesüve lo. Kughengu nikujo kümtsa papu Ahab gholo chekelo Ampeu no kishi Ahab shou atsa pipuku keno kümsülu lo:

KUKAMI AKINIU 12:17

Tipa ghuloki lo Syria kükau Hazael no Gath sasü aghü shino leluve. Ikemu kughou Hazael no Jerusalem küdau pa gi kugho puwo keno,

JEREMIYA 48:44

Aküighüpu lono pove keu no aqo lo ikiqi ilove nani, eno aqo lono ipeghilu keu no alichhe lono meluve nani. Kughengu I no Moab ghimeke mpe lo hipaqo süghi nani, ipi Ampeu no sheshu.

EZEKEL 15:7

I no I gi kughope panoqo lachile nani. Panongu no ami lono pokaluve namu, ami no panoqo pitiqhive nani, eno kughou I no I gi kughope panoqo lachileni keno panongu no Ni ye Ampeu kepi ithi nani.

KUKAMI AKINIU 9:24

Jehu no pa kumto kümtsü süno paw shexilika kapuwu no Joram bighi dolo vesüve tsükelo apiji no pa mlo vepilive tsü eno pa ye paw khurkulu lo ikiqive.