KUKAMI ATUGHIU 18:44 - Sumi Naga CL (Re-edited) Bible (BSI)

⁴⁴ Eno akütsüniu loye pa no ideighi no pi, “Julo azüghi küdau no timi u pahi khüngküsü phoipe cheni.” Pa no pi, “Wuno Ahab vilo pilo, ‘Tsütsüghu no o vekhave nosake ow khurkulu kuto no iqive lo.’”

BAIBEL (BSI)

⁴⁴ Akutsuniu pano ide ighino pi, “Azughi kudauno timi u pahi khungkusu pho ipecheni.” Elija no pa qeu ahza tsu, “Akukau Ahab lau wulo eno pa vilo pawu khurkulu lo ilono mtazu akilo idewolo pilo, tsutsughuno pa vekhaluve nosake.”

KUKAMI ATUGHIU 18:44 Referans Kwoze

Luke 12:54

Jisü no aqokitikhi vilo pi, “Kughou nongu no kulolau no khüngküsü ikughi keu ithuluni keno tipamtsa nongu no, ‘Tsütsüghu cheni,’ ipi kelo kuchono tishi cheni.

JOB 8:7

Eno o küxü bothu no kitila lono ithughi püaghi namu, athiu o tsala chekeu ye ighono kije shinani.

ZEKHARIA 4:10

Kughengu khunono akikishi lo ajuichemo kepi aghüthisü akeno alovive nani, eno Zerubbabel u lo akimghitu ithulu nani. “Akulu tsüni hipaqo ye Ampeu nhethi ayeghiqha kümtsü shou jupuku achekeu ke.”

MICAH 1:13

Lachish lo küamiqo, khurshi pesü khurkulu lo tsüghada lo; kughengu tino Zion limi shou axine hukuthu ke, kughengu Israel xine ye o launo ithulue.

SAMUEL ATUGHIU 6:10

Timiqo no titoi shi, akichhizü kütsü mishi kini saighi no mishikulu lo phedave eno atiqo ye aki lo puwove.

SAMUEL ATUGHIU 6:7

Ikehu itehi mishikulu akithe lakhi eno akichhizü kütsü mishi kini khiküma shou kuokhasü khilemu puku mphi keno kutolo, eno amishi shou mishikulu xapipe lo, amishi küma tiqo ye aki lo sawove lo.

KUKAMI ATUGHIU 18:43

Pa no pa qeu vilo pi, “Wuno azüghi küdau jupuwo julo.” Aqeu no juve no ideighi püzü pi, “Ni ye kiumu ithulu amoe.” Pa no ghuthu tsüni kutolo, “Itaghi wujulo,” ipi.