KUKAMI ATUGHIU 18:37 - Sumi Naga CL (Re-edited) Bible (BSI)

³⁷ I khochile lo, O Ampeu, I khochile lo, tishikeu lono timi hipaqo pelo No ye Alhou kepi ithi pelo O Ampeu, eno Nono panongu sachile ighi ani kepi ithi pelo.”

BAIBEL (BSI)

³⁷ Ikhochilelo, AMPEU, ikhochile tsulo, tishikeu lono timi hipaqo pelo noye AMPEU Alhou kepi ithikulupu shitsulo eno hipaqo sachilesu olau ighikulupu shitsulo.”

KUKAMI ATUGHIU 18:37 Referans Kwoze

KUKAMI ATUGHIU 18:24

Tishino nongu no nongu lhou vilo inikhuni, eno ni ghi I Mpeu vilo inikhuni, Alhou khuu no ami pesü khochile tsüni keno, Pa no Alhou ke.” Timi kümtsü no khochile, “Ti ye achipi shi ani.”

Luke 11:8

I no nongu vilo piani, timi huno ithughi no kiumu tsülu moae pi aghi namu aküsami shi aghi kehu kumo püzü pa no ighümo no tsüikhomo khu ighive kehu pa ye ithu kiu kiumu avehupu shi akeu tsüve nani.

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

KUKAMI ATUGHIU 18:36

Avela kümllagho do lono tungkupu Elijah no akümlla-khache phivilo ighi no pi, “O Ampeu, Abraham, Isaac eno Jacob Lhou, No ye Israel Lhou, ni ye O qeu eno O zakütsü lono hipaqo shi ani kepi ishi tsala lono panongu pelo ithilu pelo.

KUKAMI ATUGHIU 18:29

Puchomta hecheve eno avela kümllagho do kutolo, panongu no alezüphoi ighamku akemu khunomu khochilemo; khunomu jutsü moe.

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

BOTHUBO 32:26

Timi huno pi, “I puwuve lo, kughengu atsala ye vü ipeghivae.” Ikemu Jacob no pi, “Nono I kümghatsü moaye ni ye o puwumoe.”

BOTHUBO 32:24

Eno Jacob ye pa likhi ngove. Eno milakhi no atsala vü ipeghi moke kutolo pa sasü kükhae.

KUKAMI ATUGHIU 18:38

Tileno Ampeu no ami piqi tsüno akipti kümllagho ngo asü, atu, ayeghimkhu, eno azülaki lo azü akeu kümtsü piti pühave.

SAMUEL ATUGHIU 17:46

Ishi tsala lono Ampeu no o pesü I u lo süvetsü nani, eno I no o ghiqhive no o kütsü micheve tsü nani. I no Philistiami aqokitikhi sükumoqo pesü aghau ngo tüghashiqo tsüve nani, tishikeu lono ayeghiqha no Israel lo Alhou anie pi ithi peni,

SAMUEL AKINIU 7:26

Eno O je ye alholo kije shikithe pi nani, ‘Aqokitikhi Mpeu ye Israel Lhou ke,’ eno O qeu David lagha ye O zülo mtotoi nani.

KUKAMI ATUGHIU 20:28

Alhou timi huno ighi no Israel kükau vilo pi, “Ampeu no ishi piani, ‘Syriami no, “Ampeu ye atoghiqo lhou kethono akhila lhou kumoe,” ipi kehu I no hi aqokitikhi kümtsü pesü o u lo süve tsüni, eno nono Ni ye Ampeu kepi ithi nani.’”

KUKAMI AKINIU 19:19

Ikehu O Ampeu, ni Lhou, kimiyeno pa u lono ni xaphe tsülo, tishianguno ayeghi lo kükaqha kümtsü no O likhi no Ampeu Alhou kepi ithi nani.”

LESHELE 109:27

Hi ye O u kepi panoqo pelo ithi pelo; O Ampeu, Nono hipau shive ake.