KUKAMI ATUGHIU 18:15 - Sumi Naga CL (Re-edited) Bible (BSI)

¹⁵ Elijah no pi, “Ampeu xü ani eno I no Pa qe acheni ke ni ye kuchou no ishi ye ni ampi pesü pa piyeni.”

BAIBEL (BSI)

¹⁵ Elija no khochile, “Akughushu MPEU ino khuu qe-huthu chenikeno pa jeku pi anike ishino ikutoshino wuno akukau zulo piyeni.”

KUKAMI ATUGHIU 18:15 Referans Kwoze

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

KUKAMI ATUGHIU 18:10

Ampeu o Lhou xü anike shiye eno kükaqha lakhi lomu I mpeu no I pelo o phuwu pemo keu kühae. Panongu no, ‘Pa ye hilau kühae,’ ipi aye, pa no kükaqha momu shiye tipaqo pelo no ithumla kepi ashoqhi shipe.

Luke 1:19

Kungumi huno pa khochile, “Ni ye khuu Alhou zülo puthugho cheni keno, Gabriel huke, eno atsakiviu hipau pesü o lau süghi no o pütsa penike I puwue.

JEREMIYA 8:2

Tipaqo pesü panongu no kimiye eno huthu chekeu, panongu no pape eno mlla nike phu chekeu khetsünhe, aqhi, eno ayepuqo zülo ikhiphe nani. Tipaqo ye xukumqo momu qhove monani, ikemu amishiba toi ayeghi chhigha shou anani.

ISAIAH 6:3

Panongu dolono ighamku pi: “Aqokitikhi MPEU ye akimthe, akimthe, akimthe ke; ayeghiqha ye Pa jekipi küka no chhitoi ani!”

LESHELE 103:21

Ampeuw aqokitikhi kümtsü, Pa qemi khunono Pa pulou shicheni keno, Ampeu sheqhelo!

JOB 25:3

Paw ghüshimi kikihi ye phikha kulupu keshea? Khuno shou Pa küvü yepuku mo keu ani kea?

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.

ZAKINIU 1:38

O kukuphuu Nun nu Joshua no ilo nani, Pa shikumto lo, kughengu pa vecheo Israelmi no ti ighilu nani.

BOTHUBO 2:1

Ikehu atsütsü ngo ayeghi, eno tilehi akeu kümtsü mlaqhive.

KUKAMI ATUGHIU 18:14

Eno itehi no ye I vilo piani, ‘Wuno o mpeu vilo pilo, “Elijah hilau ani”’; pa ye I pithive nani.”

KUKAMI ATUGHIU 18:16

Ikehu Obadiah no Ahab lau wuno pa vilo pi, eno Ahab no Elijah sasü kusholu.

KUKAMI ATUGHIU 22:14

Ikemu Micaiah no pi, “Ampeu xü anike Pa no kiu I vilo pi keno ni ye ti pi nani.”

JEREMIYA 39:17

Ikemu tipau tsala lo I no o xaphelu nani, ipi Ampeu no sheshu ani, o pesü nono msa akemi u lo süvetsü monani.