KUKAMI ATUGHIU 17:18 - Sumi Naga CL (Re-edited) Bible (BSI)

¹⁸ Li no Elijah vilo pi, “O Alhou timi, no ye I shou kiu shi ani kea? No ye I pelo I xine kümsüchile luno I nu pithive niye I lau ighi anino lae!”

BAIBEL (BSI)

¹⁸ Lino Elija vilo pi, “Alhou wu timi, noye kushiye ilau hi shivetsu kya? Noye hilehi ighino Alhou pelo ixine kumsuchile lukithe peno tipau ghenguno inu pithive tsukesha?”

KUKAMI ATUGHIU 17:18 Referans Kwoze

Luke 5:8

Kughou Simon Peter no ti ithulu keno, pa no Jisü pukhu philo ikiqi no pi, “I launo wuvelo, O Ampeu, kughengu ni ye axinemi ke.”

Luke 4:34

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu.”

KUKAMI AKINIU 3:13

Elisha no Israel kükau vilo pi, “Ni ye kiu lono o vehupu shikepu ipeghi kea? O pu ngo o zaw tungkupmiqo lau wulo.” Ikemu Israel kükau no pa vilo pi, “Moe; Ampeu no kükami hi pano küthü ku phepe Moab kükau u lo süve tsüniye shi ani.”

John 2:4

Jisü no li vilo pi, “Totimio, Ni ye kiu shitsü lopi kea? I do tomphie.”

SAMUEL AKINIU 16:10

Ikemu akükau no pi, “Nongu Zeruiah nuliqo, ni ye nongu sasü kiu shikepu ani kea? Tsala Ampeu no pa vilo, ‘David ghusholo,’ ipike ghenguno pa no ghusho aghi aye, khuu no pa vilo ishi piluni kea, ‘No ye kushiye tishi kea?’”

Luke 8:28

Pa no Jisü ithulu püzü ighamku pa zülo ikiqive no asütsa kuloghi lono pi, “O Shishe Akiqheu Alhou Nu Jisü, no ye I lau kiu shikepu ani kea? I no o qhüiniju anike I shikughuju kevilo.”

Mark 6:16

Kughou Herod no ti chilu keno, pa no pi, “John, khuu kütsü I no micheve tsü keno, pa ye xüputhuve akena lae.”

Mark 5:7

Eno asütsa kuloghi lono ighamku pi, “O Shishe Akiqheu Alhou Nu Jisü, no ye I lau kiu shikepu ani kea? I no Alhou je lono o qhüiniju ani, I ghime tsü kevilo.”

JOB 13:26

Kughengu Nono kukhukimji tsa I shou yepuku no I pelo I lhothe lo kipimi ighilu anipe.

JOB 13:23

I kipimi I xine ye khije aghi nani kea? Iw hekibide ngo I xine pesü I piputo tsülo.

YEKIKITHI AKINIU 35:21

Ikemu Neco no Josiah lau asütsa ishi pi puwu, “Nikujo dolo kiu shikepu ani kea, O Judah kükau? Ishi tsala hipau lo ni ye o mjonike chemoe, ikemu I sasü aghüshi akemi kumjoni ke cheni. Eno Alhou no I vilo mtazü lopi azah tsüke. Ikehu no ye Alhou khuu I gholo cheni keno, Pa lachile kevilo, tikumo aye Pa no o kütsave nosae.”

KUKAMI ATUGHIU 18:9

Obadiah no pi, “Ni ye kishi küqüve keno no ye o qeu pesü Ahab u lo süvetsü no I heqhive peniye ani kea?

KUKAMI ATUGHIU 13:1

Ampeu tsa vecheo Judah lono Alhou timi lakhi Bethel lo ighi. Jeroboam ye akümlla-khache lo akümllagho tsüniye puthugho ae.

SAMUEL AKINIU 19:22

Ikemu David no pi, “Zeruiah nuliqo, ni ye nongu lau kiu shive pi ishi tsala lo I külami shi ani kea? Ishi tsala lo ghi Israel lo khuana pithive kepu keshea? Ni ye Israel kükau ipi ithi move ani keshea?”

SAMUEL ATUGHIU 16:4

Ampeu no azah tsüke toi Samuel no tishi nike Bethlehem lo ighi. Mishiphu tipau lo layemi no pa sasü kushoni ye msa khokhoshi ighi no pi, “No ye külakishi lono ighi anima?”

BOTHUBO 50:17

‘Joseph vilo pilo, “Kimiyeno o mu noqo kipimi eno axine qhive tsülo, kughengu panongu no o lau küsakügha shive ke.”’ Itehi kimiyeno o pu Lhou qemiqo kipimi qhive tsülo.” Kughou panongu no pa pütsa keno Joseph no qauve.

BOTHUBO 50:15

Joseph pamu noqo no panoqo papu thive kethiu pi, “Joseph ye ningu mithive luvi eno nino alhoksa pa lau shikeqo kümtsü ningu tsüchile luvie.”

MATTHEW 8:29

Paikhavi pama no igha thuve, “O Alhou Nu, no ye ni lau kiu shikepu ani kea? Ado tomphi lono no ye ni ghimeni ke ighive akeshea?”

AKIKIHI 5:15

pa ye anipu ghenguno barley shomkhu ahu lakhi pesü li sasü achineu lau ighini. Pa ye ashomkhu lo thazü momu axokütsüngü mukhu pesü kitemoni, kughengu ti ye pülüküpsa ghenguno athi kümllagho, axine kümsükulu kümllagho ke.

KUKAMI ATUGHIU 12:22

Ikemu Alhou tsa no Alhou timi Shemaiah lau ishi ighi:

KUKAMI ATUGHIU 17:17

Hipa thiu atopuu, aki mpeu, nu ye ighono sükütüve no atuthu kühave.

KUKAMI ATUGHIU 17:19

Pa no li vilo pi, “O nu I tsülo,” Eno pa no li u lono anu khape kunguu chebo khile pa no ngo akeno, tilau pa züa lo püzüve.

KUKAMI ATUGHIU 20:28

Alhou timi huno ighi no Israel kükau vilo pi, “Ampeu no ishi piani, ‘Syriami no, “Ampeu ye atoghiqo lhou kethono akhila lhou kumoe,” ipi kehu I no hi aqokitikhi kümtsü pesü o u lo süve tsüni, eno nono Ni ye Ampeu kepi ithi nani.’”

BOTHUBO 44:16

Judah no pi, “Ningu ye I mpeu vilo kiu pini kea? Ningu ye kiu tsa pini kea? Momu ningu ye kishi ningu saphu luni kea? Alhou no o qemiqo kipimi phuphe luvae: julo, ningu ye I mpeu qemiae, ningu eno khuu pulukho lono ajukhu ithulu keno, ningu kümtsü o qemiae.”

XAKUTHAMI 13:6

Totimi huno li kimi vilo pi, “Alhou timi lakhi I lau ighi, pa jukelo Alhouw kungumi toi ighono qhivütsünyi. Pa ye khila no ighi keno ni ye iniju move eno pa ghi pa je I vilo pimoe.

KUKAMI AKINIU 1:9

Ikehu akükau no ghüshimi lhopungu shou kepten gholo paw ghüshimi lhopungu Elijah lau puwu. Elijah no atoghi kütsüqa lo ake lono pa no ighi no pi, “O Alhouw timi, akükau no, ‘Hilau iqighi lo,’ ipi ani.”