KUKAMI ATUGHIU 14:9 - Sumi Naga CL (Re-edited) Bible (BSI)

⁹ Ikemu no ye o züumi kümtsü nguno alau axine kije shivae eno I milive no o sala kütau lhou ngo ayi julho mlakeu lono I mlo shikighide tsüke.

BAIBEL (BSI)

⁹ Noye ozuu ayehkipemi nguno alau axine kije shiva. Noye imiliveno asu-atu julho eno ayino shisukeu julho shino mllauvekeu huno imlo shikighideve tsuae.

KUKAMI ATUGHIU 14:9 Referans Kwoze

EZEKEL 23:35

Tighenguno Ampeu Alhou no ishi piani: Nono I kümsümave eno I pesü o thiu qhiveke ghenguno no ampi no o salha ngo kütüqha keu shekichile xapu masa nani.”

LESHELE 50:17

Kughengu shikümzü sakiyi keu nono mithi eno I tsa peve cheni.

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

YEKIKITHI AKINIU 11:15

Jeroboam no qhemghaike-a lo ane ngo amshiti mla keqo ghenguno pa chinemi süsüve.

KUKAMI ATUGHIU 12:28

Ikehu akükau no akükümsü luno ameshoyi mishiti julho kini mla, eno timiqo vilo pi, “Nongu ghenguno ado shulo Jerusalem lo wu ighivae. O Israel, nongu lhou Egypt lono nongu saipeghi keu julo.”

IPEKULU 34:17

“Nongu ye ayi pesü kiukiu lhou mu mla moni.

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?

EZEKEL 8:17

Pa no I vilo pi, “O timi nu, no ye hipau ithuluve akema? Israel laghami no aphikümqhüpu hilehi shi akeu ye thime aghulo lakhi kesheno panongu ye ngukangugha jeli ghi pesü no ayeghi hipau shepichhi eno itaghi I xukutho no alau I mlo shikighide ani kea? Julo, panongu ye ihulo keu shi I thaigha auvae.

EZEKEL 8:3

Pa no au jukimihi lakhi I küdau chhophe eno I kütsüsa lono ni pugho luve, eno Aghungu no ayeghi ngo kungugha dolo I sünheqhe luve no Alhouw kungunhetsü lono Jerusalem khagho kulaghi lo achebo alou ahuu küdau akeu lo anhekushu julho lakhü, khipau no anhekushu xukutho akeno tilau I sasü ighi.

LESHELE 106:29

panongu no pano kümla vecheo Ampeu mlo shikighide, ikehu püsa lakhi panoqo dolo ighive.

LESHELE 78:40

Panongu ye yenguyike-a lo ghuthu khije Pa hebide eno asayeli lo Pa mlo ghujuve tsü kela!

LESHELE 78:56

Ikeghi panongu no Shishe Akiqheu Lhou hebide eno Pa peju no Pa yezah papemoe,

YEKIKITHI AKINIU 33:6

Pa nuli küghape Hinnom Nu Khila lono piti mlla, eno asakiqhi, küdüu, asheazü tsa kipimi, tumumi, eno kithixashemi peitha. Ampeu zülo shishe axine shikeu lono pa no Ampeu mlo shikighide tsü.

KUKAMI AKINIU 23:26

Tishimu Ampeu no pa loghu khikhi Judah shou puku keno, tipau lono ideighi moe, kughengu Manasseh no ala thokha lono Pa xukutho ke.

KUKAMI AKINIU 21:3

Kughengu papu Hezekiah no qhemghaike-a kütsave tsükeqo pa no shiqhe kitheve, pa no Baal kümlla-aqo mla, Israel kükau Ahab no mlake toi Asherah julho mlae, eno atsütsü lo aqhi ayepu kümtsü mlla ke.

KUKAMI ATUGHIU 16:31

Nebat nu Jeroboam toi xükeu ye züla ketoi pa no Sidon kükau Ethbaal nonga Jezebel luve no Baal mlla eno huthuuve.

KUKAMI ATUGHIU 15:34

Pa ye Ampeu zülo axine shi, eno Jeroboam küxü gholau no xüno pa xine lono Israel ghi axine shipeke.

KUKAMI ATUGHIU 14:22

Judah timiqo no Ampeu zülo axine shikeu lono Ampeu mlo shikighide tsü, eno pano puasüqo nguno alau axine shive.

KUKAMI ATUGHIU 14:16

Jeroboam xine huno Israelmi pelo axine shivepe kehu Pa no Israel qhive nani.”

XAKUTHAMI 5:8

Kughou alhou kithe kishe keno aphughi khagho lo aghükishi ighive. Israelmi 40,000 gholo azüto momu angu ithulu keshea?

ZAKINIU 32:21

Panongu no alhou kumo keu pesü I pelo anheshupe; panongu no ajulho pesü I mlo shikighide tsüe. Ikehu I no pano pelo kiumu kumo kemi jupe anheshu peni; mbomzü shiye sawo pano mlo shikighide tsüni.

ZAKINIU 9:24

I no nongu ithi ke tsalani no ishi kutolo nongu ye Ampeu hebide acheni.

KUKAMI ATUGHIU 15:29

Pa no akükau shive kemtsa Jeroboam kibolomi kümtsü pithive tsü. Ampeu no Shilohmi Pa qeu Ahijah vecheo pikeu kiqi lono Jeroboam kibolomi lakhimu ghümono kütsa khave.

KUKAMI ATUGHIU 16:25

Omri no Ampeu zülo achipi kumo shi, eno pa züumi nguno alau axine shike.

KUKAMI ATUGHIU 16:30

Omri nu Ahab ye pa züumi kümtsü nguno alau Ampeu zülo alhoksa shi xüe.

KUKAMI ATUGHIU 16:33

Eno Ahab no Asherah julho ghi mlae. Pa ye pa züumi Israel kükami kümtsü nguno alau Ampeu Israel Lhou mlo shikighide tsüe.

KUKAMI AKINIU 3:3

Tishimu Nebat nu Jeroboam xine khikhino Israel pelo axine shivepe keno, pa no ti pape eno tipaqo launo wuvemoe.

LESHELE 78:58

Kughengu panongu no pano lhou pesü Pa xukutho ke; pano julho kümlla huno Pa pelo anheshuve peke.

JEREMIYA 7:18

Atianuliqo no asü kiche cheni, apu noqo no ami shi ani, eno topumiqo no asho kunu ani, atsütsü kükaliu ghenguno mülüike sho mla ani. Panongu no I mlo shikighide tsüniye kütau lhouqo lau atsaizü kümllagho lephe ani.

JEREMIYA 32:18

Nono qhethonhe lau iqemokeu kikimiye piye cheni, ikemu apuaza no pimive kelo pano tianuliqo lau aghime süghi cheni, No ye kije eno akughushu Lhou, O je ye aqokitikhi MPEU ke,

ACHINE 19:4

I qhive no ajulho mlla kevilo; ayi pesü alhou julho shisü no tipaqo mlla kevilo: Ni ye Ampeu nongu Lhou ke.

KUKAMI ATUGHIU 15:30

Hi ye Jeroboam no Ampeu, Israel Lhou mlo shikighide tsükeu lono ke, pa no axine shive no Israel ghi axine shipeke.

NEHEMIA 9:25

Panongu no aliwo kuptu phughiqo, aghüma yeghi, thime kivi akeu kiqo, azükikhe chhu püakeu, atsailu, olive ghutu, axathibo kupukuno shi akeqo kümtsü hakholu. Panongu no aghapiqi chu no O kivi lo alopiqilu.

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.