KUKAMI ATUGHIU 14:10 - Sumi Naga CL (Re-edited) Bible (BSI)

¹⁰ Tighenguno julo, I no shiküpsa Jeroboam kibo lo süghi no pa lagha lo kiptimi, aqüaxemi na ililai akemi namu, I no pithive tsüni. Timi no amishiba piti pühave ketoi I no Jeroboam lagha piti pühave tsüni.

BAIBEL (BSI)

¹⁰ Tipau ghenguno olagha lau shikupsa sughinia eno olagha lono ighikemi kiptimi kumtsu muchomi lono itimi kutolo heqhi pithivetsu niae. Okibolomi kumtsu shipuhave tsuni eno tipaqoye amishiba mukhu toi fupewu khavepe nani.

KUKAMI ATUGHIU 14:10 Referans Kwoze

KUKAMI AKINIU 14:26

Kughengu Israelmi aqüaxemi na, ililai xükemi kümtsü no shishe ime akeu Ampeu no ithuluve; eno Israel kuphuni keu khumu kühave.

KUKAMI ATUGHIU 21:21

Julo, I no o shou amhekiqi puwu nani. I no Ahab lagha lo kiptimi thaqhü, aqüaxemi ililai kemi kümtsü püghave tsüni.

ZAKINIU 32:36

Ampeu no Paw timi lolo aküka kühave keu, eno aqüaxemi na ililai kemi namu kühave keu ithulu kelono Paw timiqo xaphelu nani eno Pa qemiqo kimiyeqhiyi nani.

MALAKI 2:3

Julo, I no nongu tianuli lomipi no nongu kümllagho tübatüzü pesü nongu gi nudatsü nani, eno tipau gholono nongu peve nani.

ZEFANIA 1:17

I no timiqo lau aghime süghini, tino panongu ye anhethi kighichemi toi chewu nani, kughengu panongu no Ampeu shou axine shike; panongu ji ye amkhu toi pele nani, eno akumo no tübatüzü toi nani.

AMUS 3:6

Mishighüna lo afuko igha aye timiqo ye msa moni keshea? Ampeu no puwumo kelo mishighüna lo kütsakungo keu ighini keshea?

EZEKEL 26:4

Panongu no Tyre tupikiye kütsave nani eno li qogheqo kuboleve tsü nani, I no li yeghi muxulepe atuqu kümsa shivetsü nani.

JEREMIYA 8:2

Tipaqo pesü panongu no kimiye eno huthu chekeu, panongu no pape eno mlla nike phu chekeu khetsünhe, aqhi, eno ayepuqo zülo ikhiphe nani. Tipaqo ye xukumqo momu qhove monani, ikemu amishiba toi ayeghi chhigha shou anani.

ISAIAH 14:23

“I no Babylon pesü achequ sala shivetsü nani, eno ayizükucho kughulhove no kütsakungo keu chhophe pesü khule nani,” ipi Aqokitikhi MPEU no shuphevae.

ISAIAH 14:19

ikemu no ye icheve keu süloka toi o kumoki kühano khalau vephevae, azütakikihi lono ikiqive no aqokutho lo iqive chekemi kumo no o nhape apukhu no akumo neda keshi auvae.

ISAIAH 5:25

Tighenguno Ampeu loghu no Paw timiqo shou ikughi, panoqo shou Pa u chho no ghimeqhi kelo naghutoqo no ithathuve; akithi kumo no alaghila lo tübatüzü toive. Ikeghi Ampeu mlokighide ye iqü mono ghime ae.

LESHELE 83:10

panongu ye Endor lono kütsave ayeghi lo tübatüzü paphi shive.

JOB 20:7

pa ye alhokupuju ghenguno pa ba toi hauve nani; pa ithulu püakeqo no, ‘Pa ye khila wuve akea?’ ipi nani.

KUKAMI AKINIU 21:13

I no Samaria ghime keu kimghi eno Ahab kibo shou akimghi tu peitha keu pesü Jerusalem mighi nani. Timi no akhu ajukhu isü keshi, I no Jerusalem isü nani eno pishiqhope qhive nani.

KUKAMI AKINIU 9:37

eno Jezebel sükumo no Jezreel luza lo tübatüzü toi apanaghave no khunomu, Hi ye Jezebel, ipi mlave nani.’”

KUKAMI ATUGHIU 16:11

Kughou pa no kükalakhü lo iqaluve no ayepe thu keno, pa no Baasha kibolomi kümtsü pithive tsü. Pa no kiptimi thaqhü eno pa küsami kümtsü pithi khave.

SAMUEL ATUGHIU 25:34

Kughengu Israel Lhou xü anike mtsüqheino o ghüzave niye akeu lono Pa no I hakhalue, nono mtazü I sholu moke aye, kuchou no thanau Nabal kilo kiptimi lakhimu püxü moni cheke.”

SAMUEL ATUGHIU 25:22

Tsala thanau paw kiptimi lakhimu qhive aye, Alhou no David ghümi lau shikeu nguno alau I shou shipeni.”

SAMUEL ATUGHIU 2:30

Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.

KUKAMI ATUGHIU 13:34

Axine hi no Jeroboam kibo shou ikughive, eno tipa ghenguno pa kibo ye ayeghi lono kütsa khave.

KUKAMI ATUGHIU 16:3

Julo, I no Baasha eno pa kibolomi xupe pühave tsüni, eno Nebat nu Jeroboam lau shike toi o lau ghi shitsüni.

JEREMIYA 32:18

Nono qhethonhe lau iqemokeu kikimiye piye cheni, ikemu apuaza no pimive kelo pano tianuliqo lau aghime süghi cheni, No ye kije eno akughushu Lhou, O je ye aqokitikhi MPEU ke,