KUKAMI ATUGHIU 13:2 - Sumi Naga CL (Re-edited) Bible (BSI)

² Ampeu tsa vecheo timi huno ishi akiptia pipütha, “O akiptia, akiptia, Ampeu no ishi piani: ‘Julo, David lagha lono anu lakhi Josiah ipikeu punu nani. Pa no atoghiqo lo achinemi ghiqhipe o kiptia shou no aghashi nani, eno timi saghiqo piti nani.’”

BAIBEL (BSI)

² AMPEU zahkutsu vechewono ti tungkupu huno akumlla kiptia piputhave: “O akiptia, akiptia, ipi AMPEU no ishi pi: Anu lakhi, khuu je Josiya kupani keno David lagha lono punu nani. Pano nongu achinemiqo ghiqhive nani, khunoqo asuatu kumllami kiptia lono akumllagho tsu ani keno eno pano nongu timiqo saghi piti nani.”

KUKAMI ATUGHIU 13:2 Referans Kwoze

EZEKEL 36:1

“Timi nu, no ye Israel lo naghutoqo lau tungkuptsa pilo, O Israel lo naghutoqo, Ampeu tsa inilo.

Luke 19:40

Ikemu pa no khochile, “I no piani, hipaqo no inaqhoive aye, atuqou no ighamku ipeghi niae.”

EZEKEL 38:4

I no o tutsüghüve nani eno o mükhü lo ayikuho süvetsü nani, no eno ow ghüshimi, khurshi ngo khurshimi, aqokitikhi kije, aghünanu qhoi xapusü azüto kije-kitila eno azütakikihi xapu akemi kümtsü I no sünhe saipeghi nani.

EZEKEL 36:4

tighenguno, O Israel lo naghutoqo, Ampeu Alhou tsa inilo: Ampeu no naghutoqo ngo atoghiqo, aghokitiqo ngo akhilaqo, küghüküghalei akeqo ngo pighive keu mishighünaqo, khikhi shiye hokümxa lo akeqo no küthakügha shi ani keno tipaqo vilo ishi piani,

JEREMIYA 22:29

O ayeghi, ayeghi, ayeghi, Ampeu tsa inilo!

ISAIAH 58:1

“Ighamku lo, Süchile kevilo; afuko toi o ghügha süqhelo; Iw timiqo lau panongu xine shuphe tsülo, Jacob lagha lau panongu xine shuphe tsülo.

ISAIAH 46:10

I no abothu lono ashekha vehu sheshue, mulho lono shikupu mphikeu tsa ishi piqhi püani, ‘I kimji kupulo ye mtotoi ani, eno I no I kukughu kümtsü shikupu nani.’

ISAIAH 42:9

Julo, wovekeu vehuqo ye shikupuvae, eno itehi ye I no akithe vehuqo shuphe ani; tipaqo no ipeghi mphi lono, I no nongu vilo piani.”

ISAIAH 1:2

O atsütsü, inilo, O ayeghi, akini xükholo; kughengu Ampeu no pi ani: “I no atianuliqo tucho no saputhu, ikemu panoqo no I hebide ke.

YEKIKITHI AKINIU 34:1

Josiah ye ampe tache shi akelono ayepelu eno Jerusalem lono ampe shighi lakhi ayepe.

KUKAMI ATUGHIU 13:32

Kughengu Ampeu tsa vecheo pa no Bethel lo akümlla-khache ngo Samaria lo mishighünaqo lo qhemghai ke-a akeqo lau müsüini püakeu kümtsü shikupu nani.

ZAKINIU 32:1

“O kungugha, I no atsa pinike inilo, eno ayeghi ghi I tsa inilo.

YEKIKITHI AKINIU 34:3

Kughengu pa yepe mpe akütacheu lo, ti ye apulhothe shi aphi lono, pa ye pa sü David Lhou mllauve, eno ampe chighiakiniu loye pa no Jerusalem ngo Judah lo qhemghaike-a, Asherim, küxütha keu julho, eno ayi julhoqo kütsave tsü.

JEREMIYA 1:2

pa lau Ampeu tsa Amon nu Josiah, Judah kükau yepe mpe chighiaküthüu lono ighi.