KUKAMI ATUGHIU 12:20 - Sumi Naga CL (Re-edited) Bible (BSI)

²⁰ Kughou Israelmi kümtsü no Jeroboam ye Egypt lono ideighivae pi keu chilu keno, panongu no pa kupuwu no aqo hoho lono pa pesü Israelmi kükau shive. Judah shiaye likhi no David laghami pape wuve.

BAIBEL (BSI)

²⁰ Kughou Israilmino Jeroboam ye Ijip lono ide ighivae pikeu chilukeno panonguno timiqo hoholo pa kusuno pa pesu panongu kukau shiluve. Juda lagha lono ighikeqo likhino David polo kughukomi sasu aghokulu shi ngove.

KUKAMI ATUGHIU 12:20 Referans Kwoze

KUKAMI ATUGHIU 11:32

(ikemu I qeu David eno Israel shiaye dolono I no kishelu keu Jerusalem ghenguno, pa pelo ashiaye lakhi qhilu peni),

KUKAMI ATUGHIU 11:13

Tishimu Ni ye kükaqha kubove tsümo nani, ikemu I qeu David eno I no kishelu keu Jerusalem phughi ghenguno I no ashiaye lakhi pesü o nu tsü nani.”

HOSIYA 11:12

Ephraim no akimki pesü I süho, eno Israel lagha no pishikiqhi pesü I boluvae, ikemu Judah ye Alhou gholo chechephi eno Akimtheu lau pükhükulupu shi anie.

HOSIYA 8:4

Panongu no kükami kishe kemu I vecheo shimoe. Panongu no sakiphemi süsü kemu Ni ye ithimoe. Panongu no pano ampi kütsani ye panow ghükayi ngo ameshoyi pesü ajulhoqo mlae.

KUKAMI ATUGHIU 12:17

Rehoboam no Israelmi Judah mishighünaqo lo akemi shou ayepe.

KUKAMI ATUGHIU 11:36

Eno pa nu lau I no ashiaye lakhi tsüni, tishikeu lono I qeu David kuluqhe ye I no I je ghenguno kishelu keu phughi Jerusalem lo I zülo ache penie.

SAMUEL ATUGHIU 10:24

Samuel no timi kümtsü vilo pi, “Ampeu no khuu kisheve akeno nongu ye pa ithulu anima? Timiqo dolo khumu pa toikeu kühae.” Eno kümtsü no ighamku, “Akükau axüpushu peniu!”

KUKAMI ATUGHIU 11:26

Ephraimmi Zeredah lo küami Nebat nu Jeroboam ye Solomon qeu, pa za ye Zeruah, li ye chimemi. Pa ghi Solomon hebide ithughi.

KUKAMI AKINIU 17:21

Kughou Ampeu no David kibo lono Israel kopheve keno, panongu no Nebat nu Jeroboam pelo akükau shivepe. Jeroboam no Israelmi pelo Ampeu pape pemono aloqhi axine shipe.

SAMUEL AKINIU 20:2

Ikehu Israelmi kümtsü no David qhive no Bikhri nu Sheba pape wuve. Ikemu Judahmi ye Jordan lono Jerusalem kutolo akumtoshi panongu kükau pape wuve.

KUKAMI ATUGHIU 11:35

Ikemu I no pa nu u lono kükaqha luvetsü no ashiaye chighi pesü o tsüveni.

KUKAMI ATUGHIU 11:37

I no o pesü Israel kükau shipeni eno o ngulho no lunishike thaqhü alughi kümtsü shou ayepelu peni.