KUKAMI ATUGHIU 11:33 - Sumi Naga CL (Re-edited) Bible (BSI)

³³ kughengu panongu no I pheve no Sidonmi lholiu Ashtoreth, Moab lhou Chemosh, Ammonmi lhou Milcom mllauve, eno David toi mono panongu no I laghi lo chemove, achipiu shimove, eno I yezahqo pemove ke.

BAIBEL (BSI)

³³ Ino hishi akeuye Solomon no imiliveno inami lhou hipaqo mllaveke ghenguno: Sidonmi lhouliu Astarti, Muab lhou Khemos, Ammunmi lhou Milkom. Solomon ye igholumovae; pano mla pimi auve, papu David toi mono paye iyezahqo eno ahza kutsu pemovea.

KUKAMI ATUGHIU 11:33 Referans Kwoze

KUKAMI ATUGHIU 11:9

Ampeu no Solomon shou amlo ideve, kughengu pa no ghuthu kini Ampeu, Israel Lhou khuu pa zülo ipeghi keno, Pa launo tsüghüve.

HOSIYA 4:17

Ephraim ye ajulho lau kime luve ake pa likhi qhivelo.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

KUKAMI ATUGHIU 3:14

O pu David toi nono I gholu, I yezah eno azakütsü pelu no I laghi lo cheche aye, I no o xüpushu tsüni.”

AKIKIHI 21:29

O Moab, no ye ahasapuae! O Chemosh, nongu ye kütsavae! No lhou no nopuqo pelo kupokichemi shive peae, eno nongaqo pelo Amorimi kükau Sihon kughumi shive peae.

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”

KUKAMI ATUGHIU 11:34

Ikeghi ni ye Solomon launo kükaqha kupuju lutsü mono pa no xüake tivilo pa pelo kape nani. Hi ye I qeu David, I no kishelu keu eno I zakütsü eno I yezahqo pelu keu ghenguno ke.

KUKAMI ATUGHIU 14:8

eno David lagha lono kükaqha kothape o tsü. Ikeghi no ye I qeu David toi shimoe, pa ye I zakütsüqo pelu eno pa mlo kuchopu no I pape no I zülo kiu no achipi keno tilikhi shie.

JEREMIYA 48:7

Kughengu nono o kümla ngo o kinikülü shou pükhübe kehu no ghi leluve nani; Chemosh ye haphe sawuve nani achinemi ngo hiyampemi ghi sawuve nani.

JEREMIYA 48:13

Tishino Israelmi no Bethel lhou shou pükhübe chekeu jupe kujove ketoi Moab ye Chemosh jupe kujove nani.

ZEFANIA 1:5

aki kütsüqa lono atsütsü lo aqokitikhi zülo qhoqhü chekemi, Ampeu zülo itsaqi eno tushoqhi ani kemu Milcom vecheo ghi tushoqhi chekemi,

KUKAMI ATUGHIU 11:4

Pa no muchomi shiuve kelo pa nipuqo no pa sasü kütau lhouqo lau wuve, eno pa pu David no amlo kuchopu Ampeu pa Lhou tsüche ketoi, pa ye tishi move.

KUKAMI AKINIU 1:3

Ikemu AMPEUw kungumi no Tishbe lono ighikeu tungkupu Elijah vilo pi, “Ithulo eno akükau Ahaziah ghinimi sasü kusholo, eno panongu vilo pilo, ‘Israel lo Alhou kühave akesheno nongu ye Ekron lhou Baal-zebub kushoni ye wu cheni kea?

KUKAMI AKINIU 21:22

Pa ye Ampeu pa puasüqo Lhou milive eno Ampeu yezah lo chemove.

JEREMIYA 2:11

Shiye lakhi ye alhou kumomu pano lhouqo kilive cheni keshea? Ikemu Iw timiqo ye pano jekipi pesü ala küha keu küsükilivae.