KUKAMI ATUGHIU 11:26 - Sumi Naga CL (Re-edited) Bible (BSI)

²⁶ Ephraimmi Zeredah lo küami Nebat nu Jeroboam ye Solomon qeu, pa za ye Zeruah, li ye chimemi. Pa ghi Solomon hebide ithughi.

BAIBEL (BSI)

²⁶ Kutami lakhi akukau Solomon mithi ithughipe keuye pa qholo kijemi lakhi Nebat nu Jeroboam, Efraim lo akeu Jereda lono ighikemike. Pa zaye achimeu Zerua ke.

KUKAMI ATUGHIU 11:26 Referans Kwoze

YEKIKITHI AKINIU 13:6

Ikeghi David nu Solomon qeu Nebat nu Jeroboam no pa mpeu sasü kumjo ani,

KUKAMI ATUGHIU 12:2

Kughou Nebat nu Jeroboam no ti chilu keno (pa ye Solomon msano Egypt lo pove keu tikutolo tilau ngoae), pa no Egypt lono ideighive.

KUKAMI ATUGHIU 11:28

Jeroboam ye ighono shitsami kehu Solomon no pa kümla küka ithulu no pa pelo Joseph laghami shou anguka lono mla akemi shou ampi shipe.

KUKAMI ATUGHIU 11:11

Tighenguno Ampeu no Solomon vilo pi, “Nono hitoi xüuve no Iw puloshoqhi ngo pimheyeqo pemove akeke I no kükaqha kubove tsüno o qeu tsüveni.

SAMUEL AKINIU 20:21

Ti ye kuchou kumoe. Ikemu Ephraim ato yeghi lono milakhi Bikhri nu Sheba huno akükau hebide ithughi anie. Pa likhi ikhiphe tsüvelo, eno I no mishighüna lono idechile woveni.” Topumi huno Joab vilo pi, “Julo, aliwo lono pa kütsü vepiqi o tsüni.”

SAMUEL ATUGHIU 1:1

Ephraim toghi lo Ramathaim-Zophim ipikeu phu lo timi lakhi ache, pa je ye Elkanah. Pa ye Jeroham nu, Elihu nu, Tohu nu, Zuph nu, Ephrathami lakhi ke.

RUTH 1:2

Pa je ye Elimelech, pa nipu je no Naomi, eno pa nu pama je no Mahlon ngo Khilion. Panongu ye Judah lo Bethlehem, Ephrathami ke. Panongu ye Moab ghakhu lo wuve no tilau acheuve.

YEKIKITHI ATUGHIU 2:19

Kughou Azubah thive keno, Caleb no Ephrath luve no anu lakhi Hur ithulu.

KUKAMI ATUGHIU 21:22

I no o kibolomi ghi Nebat nu Jeroboam kibolomi toive tsüni, eno Ahijah nu akükau Baasha toive tsüni, kughengu nono Israelmi sasü axine lo ilove keu no I mlo shikighideve tsüae.

KUKAMI ATUGHIU 16:3

Julo, I no Baasha eno pa kibolomi xupe pühave tsüni, eno Nebat nu Jeroboam lau shike toi o lau ghi shitsüni.

KUKAMI ATUGHIU 15:30

Hi ye Jeroboam no Ampeu, Israel Lhou mlo shikighide tsükeu lono ke, pa no axine shive no Israel ghi axine shipeke.

KUKAMI ATUGHIU 14:16

Jeroboam xine huno Israelmi pelo axine shivepe kehu Pa no Israel qhive nani.”

KUKAMI ATUGHIU 9:22

Ikemu Solomon no Israelmi ye aqüaxe shi peithamoe; panongu ye paw ghüshimi, kijemi, ghüshimi zatsümi, kepten, khurkulu zatsümi, eno khurshimi kiqi lono peithae.

SAMUEL ATUGHIU 17:12

David ye Bethlehem, Judah lo Ephrath laghami Jesse nu. Jesse ye anuli tache ache. Saul ghuloki lo Jesse ye ampe no kutomo shive kehu layemi shive.

BOTHUBO 35:16

Tithiu panongu no Bethel lono chesü wuve. Panongu no Ephrath tonike kushuo kumo lo, Rachel ye küaküzü do tove no apunu küsü süuve.

KUKAMI ATUGHIU 11:25

Pa ye Solomon küxü tivilo Israel ghümi shiche, eno Hadad toi pa ghi Israelmi ghüza cheke. Pa ye Syria lo ayepe eno Israel mithi cheke.

XAKUTHAMI 12:5

Gileadmi no Ephraimmi u lono Jordan lo azü kakütha-a hakholuve tsü. Eno Ephraimmi khuana no panongu vilo, “I pelo katha ikulu pelo,” ipi aye, Gileadmi no pa vilo pi, “No ye Ephraimmi keshea?” Eno pa no “Moe” ipi aye,

YEKIKITHI AKINIU 9:29

Solomon no kütau kiu mla keno, hukuthu lono ashekha kutolo, tungkupu Nathan xülhe, Shilohmi Ahijah tungkuptsa, eno Nebat nu Jeroboam ghenguno Iddow kungunhetsü lo yepüani ke kumo keshea?