KUKAMI ATUGHIU 10:25 - Sumi Naga CL (Re-edited) Bible (BSI)

²⁵ Ighi kemi kümtsü no agho jeli ghükayi, ameshoyi, aphimini, myrrh thazü, tsüngqüikeu mukhu, khurshi, khurgha, ishi ampe atsütsü pa tsüche.

BAIBEL (BSI)

²⁵ Pa lau ighikemi kumtsuno agho pesu ighino pa tsuche-tiye tsandiyi, shuna, chijeboboi keu phi, aghunanu, vekutsungu keu, khurshiqo, akhokupu khurshi. Hitoi ampe ishokive pa tsucheke.

KUKAMI ATUGHIU 10:25 Referans Kwoze

MATTHEW 2:11

Panongu no aki alou ilo anu gholo paza Mary ithulu, tileno panongu no itsaqi pa mlla. Tishino panongu no agho jeli puche keqo ameshoyi, tsüngqüikeu mukhu, eno müsüghüta ikhiphepe pa chhe.

EZEKEL 27:14

Beth-togarmah lono panongu no khurshi, aghükishi khurshi, eno khurha pesü ow tinhemghaqo kilhisho che.

ISAIAH 66:20

Panongu no aghakhu kümtsü lono nongu thiküzümi akümllagho Ampeu tsükeu shi ghi sasü ideighi nani. Panongu no tipaqo sasü I kimthe toghi Jerusalem lo ighi nani. Eno Israelmi no athi kümllagho bohu kimthe lono Ampeu kilo pesü ighike toi, timi hipaqo ye khami no khurshi shouno, khami no khurkulu shouno, khami no tinhemgha puche keu shouno, khami no khurgha shouno, khami no sayeshi shouno ishi xapusü ighi nani, ipi Ampeu no piani.

ISAIAH 36:16

Hezekiah tsa ini kevilo. Kughengu Assyria kükau no ishi piani: Nongu u peqhepe ipeghi no I sasü visho shivelo. Tishiaye nongu no pütüta tsaibo eno mububo lono xochulu nani eno pütüta zükikhe lono yelu nani,

LESHELE 72:15

Pa pelo axüshu pelo; Sheba meshoyi pa tsü peniu! Pa ghenguno tamono akighini shi apeniu, atsala kupuju pa ghenguno kükümgha inikhu tsü apeniu!

LESHELE 72:10

Tarshish lo kükami eno azüghimkü lo küxümi no sükusho süqha pa tsü pelo; Sheba eno Seba lo kükami pelo agho peighi pelo!

JOB 42:11

Tithiu pa thiküzü chelimi eno püzüu pa ithi chekemi kümtsü no pa lau ighi no pa ki lono kümtsa aghulhu shi. AMPEU no pa shou ado lhoksa pukutsü keu ghenguno panongu no amloksa pa piye no pa lokughuno tsü. Eno panongu lakhi khino pisa ngo ameshoyi nguthi pesü pa tsü.

ESTHER 8:14

Tighenguno akükau no piputo keu kiqi lono aghinimi no khurshi kümthü khikhi akükau kümlapu lo peitha cheni keno tipaqo lo ikuve no mtazü wuve. Xaküthaza ye Susa lo akighiki lono tsüpuwue.

ESTHER 8:10

Pa no Akükau Ahasuerus jelono ye no tipau lo akükauw jedapu nguthi no chishidave. Tishino pa no akükauw khurshiki lono kishephe keu khurshi, ti ye akükau kümlapu lo peitha chekeu khurshi kümthüqo lono yesü külha puwu,

EZRA 2:66

Panow khurshi 736, khurgha 245,

YEKIKITHI AKINIU 26:8

Ammonmi no sükusho süqha pesü Uzziah tsü, eno pa ye ighono akumto shive kehu pa jekipi no Egypt kutolo piwove.

YEKIKITHI AKINIU 9:24

Kümtsü no agho pesü pa tsüche, ghükayi, ameshoyi, chijeboike phi, myrrh, vekujumkhu, khurshi, khurgha, ampe atsütsü kutomo pa tsüche.

KUKAMI AKINIU 17:4

Ikemu Assyria kükau no Hoshea no thechu akeu küghaluve, kughengu Hoshea no Egypt kükau So lau atsapemi puwu, eno ampe atsütsü Assyria kükau lau sükusho süqha tsüche keu tsümove ke. Tighenguno Assyria kükau no pa tshüpe akughu shive.

KUKAMI ATUGHIU 18:5

Ahab no Obadiah vilo pi, “Khurshi ngo khurgha lojilu kepu sütsüni phulu no lhoxüqo püxülu kepushi aghakhu lo azüpuki ngo akhila kümtsü lo wulo.”

KUKAMI ATUGHIU 10:10

Tishino li no ameshoyi ahu 4,000 shou, tsüngqüikeu mukhu kütsasa eno akughupu tuqo pesü akükau tsü. Sheba kükaliu no Akükau Solomon tsükeu jehi khilemu ithulu püamoe.

KUKAMI ATUGHIU 1:33

Akükau no panongu vilo pi, “I nu Solomon pelo Iw khurgha shou iqa no I qemi nongu gholo sasü Gihon lo wulo.

SAMUEL AKINIU 8:10

Toi no Akükau David ye ashiaji kiu toi ani keno iniju eno pa kümgha tsüniye pa nu Joram puwu, kughengu Hadadezer no ado akichiu lono Toi sasü aghü shiche ke. Eno Joram no ghükayi, ameshoyi eno alazayi no shikeu nhemgha pa gholo süghi.

SAMUEL AKINIU 8:2

Pa no Moabmi ghi theqhive. Pa no panoqo pelo ayeghi lo ikiqi züvepe no akighi lakhi pesü panoqo mighive. Akimghi kini shi aghi keqo thaqhü pithive, eno akimghi aküthüu ye xüluvepe. Ikehu Moabmi no David qholo xüuve eno zame süghi no tsüche.

SAMUEL ATUGHIU 10:27

Ikemu ameküküha timi khami no pi, “Timi hipau ye kishino ningu xaluni kea?” Eno panongu no pa thogha no agho kiumu pa lau peighimo. Ikemu pa ye inaqhoive.

XAKUTHAMI 3:15

Tithiu Israelmi no Ampeu lau ighamku, Ampeu no panongu xaphekuluu Benjamin limi Gera nu, Ehud puwu, pa ye au piyiu sülami. Israelmi no Ehud u lono sükusho süqha pesü Moab kükau Eglon tsüpuwu.

BOTHUBO 36:24

Hipaqo no Zibeon nuli: Aiah ngo Anah; Anah huno pa pu Zibeonw khurhaqo khekuto ake lono yenguyike-a lo azüpuki külü ithulu keue.

LESHELE 68:29

Jerusalem lo O chineki ghenguno kükami no agho O lau xapughi nani.

KUKAMI ATUGHIU 5:1

Tyre kükau Hiram no David küsau shiche kehu kughou Solomon no papu David-a lo akükau shiluvae pi chilu keno, pa no Solomon lau pa qemi puwu.