KUKAMI ATUGHIU 10:22 - Sumi Naga CL (Re-edited) Bible (BSI)

²² Kughengu akükau ye Hiram zükilu gholo pa zükilu kutomo ache eno ampe aküthükü lo paw Tarshish zükiluqo no ameshoyi, ghükayi, akühahu, ashuki, eno awughidu, ishi xapu ighiche.

BAIBEL (BSI)

²² Pano zukilu azughilo Hiram zukilu gholo chewu kuqhalu kepu ghi ae. Ampe akuthuku loye pa zukilu shuna, tsandiyi, akuhahu ammutu, eno ashuki ishi xapusu ighiche.

KUKAMI ATUGHIU 10:22 Referans Kwoze

KUKAMI ATUGHIU 22:48

Jehoshaphat no Tarshish zükilu kutomo mlano Ophir lono ameshoyi süghi peniye puwu kemu wumlave, kughengu Ezion-geber lono zükiluqo shipüsave ke.

LESHELE 72:10

Tarshish lo kükami eno azüghimkü lo küxümi no sükusho süqha pa tsü pelo; Sheba eno Seba lo kükami pelo agho peighi pelo!

LESHELE 48:7

Kipela mülhü vecheo Tarshish zükilu kubo pinyive tsüe.

BOTHUBO 10:4

Javan nuliqo: Elishah, Tarshish, Kittim, eno Dodanim.

ISAIAH 66:19

Eno I no panoqo gholo amchipu lakhi tsü nani. Eno panoqo gholo ghüluve kemi khami I no shiyeqo lau puwu nani eno I juküvü ghili pesü hipaqo lau pi nani, ti ye shexilika peche kemi shiye Tarshish, Pul eno Lud, eno I jekipi chimla aphikemi, azüghimkü lo akeqo Tubal ngo Javan qhalo.

ISAIAH 60:9

Kughengu azüghimkü yeghi ye Ni ighini keu laju nani; Tarshish lono zükiluqo paghi ighive nani; Tileno nongu tianuli aghacheu no saighi nani, eno panow ameshoyi ngo ghükayi ghi pesü ighi nani, eno ti ye Israelmiw Akimthe Mpeu je ghenguno saighi nani, kughengu Pa no nongu jukighilepu shive tsüe.

ISAIAH 23:10

O Tarshishmiqo, itehi ye lakükhapu kühave ake Nile toi no yeghi vechesü alu chiwulo.

ISAIAH 23:6

Igha qalo, O azüghimkü lo küamiqo, Tarshish lo povelo!

ISAIAH 23:1

Tyre ghenguno pimhelu keu tsape. O Tarshish zükiluqo, igha qalo, kughengu Tyre lo aki ngo zükilu kungo-a kütsalevae! Cyprus yeghi lono pano lau hi kütüghü ani.

ISAIAH 2:16

Tarshish zükilu eno jukivi zükilu kümtsü kütsave nani.

YEKIKITHI AKINIU 9:21

Kughengu akükau zükiluqo no Hiram qemi gholono Tarshish lo wuche. Ampe aküthükü lo paw Tarshish zükiluqo no ameshoyi, ghükayi, akühahu, ashuki, eno awughidu xapu ighiche.

JONAH 1:3

Ikemu Jonah no Ampeu zülono Tarshish küdau poveni ke wuve. Pa no Joppa lo iqi no Tarshish lo wu cheghi keu zükilu ithulu. Ikehu pa no ame tsüve no Ampeu zülono pove ghi tilau panoqo gholono Tarshish lo wuveni keu shie.

AMUS 3:15

I no süsü ki gholono mütsü ki ghi kütsave tsü nani, akühahu ki kuboleve tsü eno akighiki xaleqhive tsü nani,” ipi Ampeu no shuphe.

EZEKEL 27:12

“O küakini jeli kutomo achekeu ghenguno Tarshish no o sasü lhidi shiche: panongu no ghükayi, ayi, ayipa eno aküsayi pesü ow tinhemgha kilhisho cheke.

JOB 39:13

“Ostrich ghau no alokivishi achishibo xakho cheni, ikemu ti ye azüghau chishibo eno pa mhi toi kushuo keshea?

KUKAMI ATUGHIU 10:18

Akükau no akühahu kükalakhü ghi kije mla eno thakimtheve keu ameshoyi no küzüve.

KUKAMI ATUGHIU 9:26

Akükau Solomon no Edom yeghi lo Akuhu Züghi mkülo Eloth phivilo Ezion-geber lono zükilu kütsasa mlae.

KUKAMI ATUGHIU 10:21

Solomon jukhu kümtsü ameshoyi no mla, eno Lebanon Ghasü Kilo qhikeu khu ajukhu kümtsü ameshoyi no mlae. Ghükayi no shikeu nhemgha lakhimu qhimoe, kughengu Solomon ghuloki lo ghükayi ye ameküküha shi kihive.

EZEKEL 27:15

Dedan timiqo no o sasü lhidi shiche. Azüghimkü ghakhu kutomo no ow kütavi kilhikishi-a shiche; panongu no ame tsüno akühahu ngo tsübuike sü o lau peighi che.

KUKAMI ATUGHIU 22:49

Tileno Ahab nu Ahaziah no Jehoshaphat vilo pi, “I qemi pelo o qemi gholo wu pelo,” ikemu Jehoshaphat no pulo move.