KUKAMI ATUGHIU 1:6 - Sumi Naga CL (Re-edited) Bible (BSI)

⁶ Pa pu David ye khilemu pa mlo shipüsa ghi, “No ye kushiye hikithipu shi ani kea?” ipi pa sakiyi moe. Pa ye ighono ahi kivimi, eno Absalom shelono punue.

BAIBEL (BSI)

⁶ Papu David ye khilemu pa mlo shipusaghi “Noye kushiye hikithipu shi cheni kya?” pi ghuthu lakhimu pa sakiyi jumphie. Paye ighono phuithai jukivimi lakhi; paye Absalom thikusho ke.

KUKAMI ATUGHIU 1:6 Referans Kwoze

SAMUEL ATUGHIU 3:13

I no pa vilo asheshu püanike I no pülhapuju ghenguno pa kibolomi ghimeni ye ani, ti ye axine pa no ithi akeu ghenguno ke, kughengu pa nuliqo no Alhou thaigha ighivae, eno pa ye panoqo ghasü move.

AHOLE 29:15

Akihepusü ngo shikümzü keu no alokütsü tsücheni, ikemu atianuli kighileve aye akukujo pesü paza tsüani.

AHOLE 22:15

Itimi mlo loye alhoaye lono mbomzü shikeu acheni, ikemu sakiyi keu küsü huno tipau hapheve tsü cheni.

YEKIKITHI ATUGHIU 3:2

Absalom, paza no Maacah, Geshur kükau Talmai nga; Adonijah, paza no Haggith;

SAMUEL AKINIU 14:25

Tipa ghuloki lo Israel lo timi khumu pa ju kivi ghenguno Absalom toi akishe ithulu keu kühae. Pa pukhu lono akütsü kutolo pa ye tukutiye kühae.

SAMUEL ATUGHIU 10:23

Tile panongu no posü wuno tilau no pa saluve. Kughou pa no timiqo dolo puthugho keno, timi kümtsü pa bighi qhou likhi shi aghi.

SAMUEL ATUGHIU 9:2

Pa ye anu lakhi apumi ajukivi Saul ipikeu ache. Israel lo pa nguno ajukivi kütami ye khumu kühae. Kümtsü pa bighi qhou likhike.

KUKAMI ATUGHIU 2:22

Akükau Solomon no paza khochile, “No ye kushiye Adonijah ghenguno Abishag iniju ani kea? Pa ghenguno kükaqha vehumu qhüiniju lo, kughengu pa ye I mu, eno pa gholo achineu Abiathar ngo Zeruiah nu Joab ani.”