KUKAMI ATUGHIU 1:37 - Sumi Naga CL (Re-edited) Bible (BSI)

³⁷ Ampeu no I mpeu akükau gholo acheke toi Solomon gholo ghi apeniu, eno pa kükaqha ye I mpeu akükau David nguno akijeu shilu peniu.”

BAIBEL (BSI)

³⁷ AMPEU no ni kijeu kukau gholo aighi ketoi Solomon gholo ghi alupeniu, pa kukaye onguno akijeu eno kinikulu shilu peniu.”

KUKAMI ATUGHIU 1:37 Referans Kwoze

KUKAMI ATUGHIU 1:47

Tinguno alau akükau qemi no ni mpeu akükau David lau ighi no toshe pa tsüno pi ani, ‘O Lhou no Solomon je pesü o nguno ajekipi shitsü peni eno pa kükalakhü no o nguno akijeu shitsü peniu!’ Akükau David no pa züa lono pulove ghi pishiqho.

SAMUEL ATUGHIU 20:13

Ikemu I pu no o ghüza niye kümsüpu aghi no I no o vilo pimove eno o pelo pojolu pemo aye, Ampeu pelo Jonathan lau hinguno alau shipeniu. Ampeu no I pu gholo acheke toi o gholo apeni.

JOSHUA 1:17

Ningu no thokha lo Moses gholu cheke toi o gholuni. Ampeu o Lhou pelo Moses gholo acheke toi o gholo ghi apeniu.

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

LESHELE 89:27

I no pa pesü anu anoghiu shitsü nani, ayeghi lo kükami nguno akiqheu shipe nani.

LESHELE 72:8

Pa kükaqha ye azüghi lono azüghi kutolo apelo, eno Aghoki lono ayeghi shekha kutolo apelo!

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

YEKIKITHI AKINIU 1:1

David nu Solomon ye pa kükaqha iqhikumto luve, eno Ampeu pa Lhou no pa gholo akehu pa pesü shishe kije shivetsü.

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

KUKAMI AKINIU 2:9

Kughou pama no kathave keno, Elijah no Elisha vilo pi, “O launo I sawuve mphi lono no ye I pelo kiu shitsü penishi ani keno khulo.” Elisha no pi, “Kimiyeno o nguagha kini küghüsü no I tsülo.”

SAMUEL AKINIU 24:3

Ikemu Joab no pi, “I mpeu akükau nhethi no ithulu ghi itehi timi akeu nguno ghuthu aqheno piqi Ampeu o Lhou no küphatsü peniu, ikemu kushiye I mpeu akükau ye hipau lo azüvü ani kea?”

IPEKULU 3:12

Pa no pi, “Ikemu I no o gholo anani, eno I no o puwu akeu shi hi no o ghenguno amchipu shi nani: kughou nono timiqo Egypt lono saipeghini keno, no ye naghuto hipau lono Alhou qe nani.”

KUKAMI ATUGHIU 1:36

Tileno Jehoiada nu Benaiah no akükau khochile, “Amen! I mpeu akükau Lhou, Ampeu no tishitsü peniu!

YEKIKITHI ATUGHIU 29:25

Ampeu no Solomon pesü Israelmi kümtsü zülo ighono kije shitsü eno pa züu Israel lo kükami khuu laumu tsüjumo keu kükanguagha pesü pa shou betsü.