KUKAMI AKINIU 8:12 - Sumi Naga CL (Re-edited) Bible (BSI)

¹² Hazael no pi, “I mpeu ye kushiye qa ani kea?” Pa no khochile, “Kughengu nono Israelmi lau akümla lhoksa shiniye akeu I no ithivae. Nono pano liwo pitive tsü nani, azütakikihi no panow apumiqo ghiqhive nani, itimiqo aleqhi shi vedaqhive nani eno topumi mishipu akeqo kive ghixüve tsü nanie.”

BAIBEL (BSI)

¹² “Noye kushiye qa anikya, akijeu?” ipi Hazael no iniju. “Kughengu nono Israil timiqo lau ighono kumsa kimshipu mlani keu ino ithuluve ake ghenguno qa anike,” ipi Elisha no pi. “Nono Israilmi wu aghukhuaqo amisu pitivetsu nani, lhothemi kivimiqo ghiqhivetsu nani, panongu nuliqo ayeghilo qodave nani, eno topumi mishi chekeqo akuchughi ghixuvetsu nani.”

KUKAMI AKINIU 8:12 Referans Kwoze

HOSIYA 13:16

Samaria no li xine xapu nani, kughengu li no Alhou hebideke; panongu ye ghüyi lono wonani; pano tianuliqo ye chisheda pinyi heqhive nani, eno mishipu akemi totimiqo kive xüleve tsü nani.

NAHUM 3:10

Ikemu li ye haküghütsüve kemi shive no akughu lo sawuve; li nga kughunuqo ye alapa kümtsü lo aleqhi shi heqhi khave tsüe; liw gihuküzümi ghenguno asaqhi, eno akhotomiqo ye ayikichhe no tshü sawuve.

KUKAMI AKINIU 15:16

Tipa ghuloki lo Menahem no Tiphsah eno tile xüküami eno Tirzah lono huthusü tipa lughi kümtsü kütsave tsü, kughengu panongu no pa khaqhi sümoke. Tighenguno pa no ti kütsave eno tile totimi mishipu chekeqo po ghixüleve tsüe.

KUKAMI AKINIU 13:3

Ampeu no Israelmi shou amlo ideve no Syria kükau Hazael eno pa nu Ben-hadad pama u lo ishokibe Israelmi phesüve tsü.

KUKAMI AKINIU 12:17

Tipa ghuloki lo Syria kükau Hazael no Gath sasü aghü shino leluve. Ikemu kughou Hazael no Jerusalem küdau pa gi kugho puwo keno,

AMUS 1:13

Ampeu no ishi piani, “Ammonmi xine küthü ghenguno eno bidi ghenguno, Ni ye aghime süchilemo nani; kughengu panongu no Gilead lo mishipu akemi po ghileve tsü, tishino pano lughi pekho niye ke.

ISAIAH 13:16

Panoqo nipu shipütha, aki xüve tsü eno angakughunuqo pano nhethe lono chisheqhi nani.

KUKAMI AKINIU 13:7

Jehoahaz ye pa gholo ghüshimi kihi kelo khurshimi lhopungu, khurkulu chighi eno apukhu lono chewuni kemi 10,000 likhive, kughengu Syria kükau no panongu kütsave eno ayeghimkhu toi kughulhove tsüke.

HOSIYA 10:14

ikehu now timi shou aghüshi ghügha ipeghive nani, eno now sükusho-aqo kümtsü kütsaleve tsü nani, aghüshi tsala lo Shalman no Beth-arbel kütsale akelo; azanoqo ye atianuli gholono mukhumuno shive nani.

ISAIAH 13:18

Pano süzü no lhothemi kaqhi nani; akichhelo kupu eno itimiqo shou mu kimiyeqhiyi keu piyemo nani.

KUKAMI AKINIU 4:28

Tile li no pi, “Ni ye I mpeu vilo anu khu keshea? Ni ye, ‘I pishiqhi kevilo’ ipike kumo?”

KUKAMI ATUGHIU 18:13

Jezebel no Ampeuw tungkupmi heqhi akelo I no pano 100 pesü amqo kini shino atuki lo küsüve no asho ngo azü panongu tsükeu ghili I mpeu vilo pimphi keshea?

KUKAMI ATUGHIU 19:17

Hazael zütakikihi lono pokalu keqo no Jehu no pithive nani, eno Jehu zütakikihi lono pokalu keqo no Elisha no pithive nani.

KUKAMI AKINIU 13:22

Jehoahaz ghuloki lo Syria kükau Hazael no Israelmi ghime che.

KUKAMI AKINIU 12:18

Judah kükau Joash no pa züu Judah kükami Jehoshaphat ngo Joram eno papu Ahaziah no akimthe kümllagho tsükeu, paw akimthe kümllagho gholono Ampeu kilo akini pekükütsü chebo, akükau kilo ameshoyi aghikeu kümtsü pesü Syria kükau Hazael tsü puwuve. Tileno Hazael ye Jerusalem lono idewove.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.