KUKAMI AKINIU 7:5 - Sumi Naga CL (Re-edited) Bible (BSI)

⁵ Ikehu züghüi ake lono panongu no ithu Syriami ghazü lo wuve, ikemu panongu no aghazü phivilo ighi kelo khumu kühave aghi.

BAIBEL (BSI)

⁵ Ikehu, zughughui akelono panonguye ithuveno Siriyami ghazulo wuve, ikemu panonguno tipa alo ighikelo, khuumu ithumla.

KUKAMI AKINIU 7:5 Referans Kwoze

ZAKINIU 28:7

“Ampeu no aghümi nongu leighi kemi nongu zülono theqhive tsü nani. Panongu no ala lakhi lono nongu leighi namu ala tsüni lono pove nani.

EZEKEL 12:12

Kükapuu khuu panoqo gholo ani keno pa no züghüive kemtsa pa bighi lo pa kho xapuqhe luve no wuve nani. Panongu no tipau lono pa saipe niye atupikiye chhupho ilo nani. Pa no pa gi küzüluve nani tishino pa ye pa nhethi tsükho pesü ayeghi hipau jumoni ye shi nani.

SAMUEL ATUGHIU 30:17

David no kijiliu no huthusü thoghiu avela kutolo panongu sasü aghüshi, apumi 400 khunoqo sayeshi lo ikuno pove keno tinguno alau ye lakhimu poka mlae.

ZAKINIU 32:30

Ampeu no panongu phevemo aye eno pano Tuqu no pano jepuwu moaye, kishino milakhi no qhethonhe halelu, eno mikini no qhethonhe chighi hale luni kea?

ZAKINIU 32:25

Aki khalau azütakikihi no akithi süghi nani; alou no shithüghüi keu anani, apumi ilimi eno anga kughunu ngo asa kümpami lau aphiphi shi hitoi shi nani.

ACHINE 27:26

“Ikemu lhoxü piti tüghüu ye Ampeu saje kehu khumu tipau pesü ikhiphe tsümoni; amishi na ambe namu Ampeuw ke.

ACHINE 27:8

Khuana no kumlhomi kehu ame tsümla aye, pa ye achinemi lau saghini, eno timi tipau no kutolu kepu qhemi lono achineu no ame betha tsüni.

KUKAMI AKINIU 7:4

Ningu no, ‘Ningu mishighüna lo iloni,’ ipi aye püqümiye no mishighüna lo ani, eno ningu ye tilauno thive nani. Ningu no hile iqa anamu tighi thive nani. Ikehu ningu Syriami ghazü lo wuni shilo. Panongu no ni püxütsü aye ningu ye xülu niae; ni heqhive namu ningu ye thive niae.”

KUKAMI AKINIU 7:6

Kughengu Ampeu no Syriami ghüshimi pelo khurshi ngo khurkulu eno ghüshimi kutomo chekeu ghügha toi chilupe kehu panongu dolono ishi pikile, “Julo, Israel kükau no Hittimi ngo Egypt kükami pelo ningu sasü aghüshi penike piqevae.”