KUKAMI AKINIU 5:15 - Sumi Naga CL (Re-edited) Bible (BSI)

¹⁵ Tileno pa no paw timi kümtsü sasü Alhou timi lau ideighi no pa zülo puthugho no pi, “Julo, I no ithivae, Israel lo kumo aye, ayeghi kümtsü lo Alhou kühae; tighenguno itehi kimiyeno agho hipau o qeu launo ikhilu tsülo.”

BAIBEL (BSI)

¹⁵ Tishike lono pano pawu timi kumtsu sasu Elisha lau ide ighieno pi, ‘Alhou kutauye kuha ikemu Israilmi Lhou likhi anipi ino ithivae; tighenguno akijeu, kimiyeno agho hipau ilauno ikhilutsulo.’ ”

KUKAMI AKINIU 5:15 Referans Kwoze

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

2 Kor. 9:5

Ikehu nongu no agho tsünike piqhi püakeu kuto aghi penike azünatha ghi athiküzümi hakite masa kepi I no kümsülue, tishianguno ti ye tsüve keu theli lo lakuju kühano pulopinyi keu gho shi kuto peniye ke.

Rommi 10:10

Kughengu amlo no pülü lupe eno Alhou lau achipikalupe cheni, eno akichi no piphetsü no xaluvepe cheni.

DANIEL 3:29

Tighenguno I no xaküthaza lakhi mla ani: ashiaye, shiye, momu atsa jeli khunono Shadrach, Meshach, eno Abednego noqo Lhou lachile keu tsa pini keno, timi tipau phiau sütha pinyive tsüni, eno pano kiqo kütsave tsüni, kughengu hitoi xaluni keu lhou kütau ye kühae.”

ISAIAH 45:6

tishianguno kipelau no kulolau kutolo I nguno kütami ye khumu küha kepi timiqo pelo ithi peniye ke; Ni ye Ampeu, eno kütami ye khumu kühae.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

KUKAMI AKINIU 5:8

Ikemu kughou Israel kükau no pa phiküzü süxüve keu Alhou timi Elisha no chilu keno, pa no akükau lau pi puwu, “No ye kushiye o phiküzü süxüve ani kea? Timi hu I lau puwulo, tishianguno pa no Israel lo tungkupu akeu ithi nani.”

KUKAMI ATUGHIU 18:36

Avela kümllagho do lono tungkupu Elijah no akümlla-khache phivilo ighi no pi, “O Ampeu, Abraham, Isaac eno Jacob Lhou, No ye Israel Lhou, ni ye O qeu eno O zakütsü lono hipaqo shi ani kepi ishi tsala lono panongu pelo ithilu pelo.

SAMUEL ATUGHIU 25:27

Itehi o qeu no I mpeu lau agho süghi akeu pesü ow apumi khunoqo I mpeu pape cheni keno tipaqo tsüni.

JOSHUA 9:9

Panongu no pa vilo pi, “Ningu ye aghakhu kushuo lono cheni, kughengu ningu ye no Lhou Ampeu ghili chiluvae. Pa no Egypt lo kiu shikeno ti kuchopu chiluvae,

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

BOTHUBO 33:11

Kimiyeno Iw kükümgha o lau peighi akeu ikhilu tsülo, kughengu Alhou no I lau küpüqhiyi tsüno ni ye kupukuno shi anike.” Ikehu pa no qhüiniju keu kiqi lono Esau no luvetsü.

JOSHUA 9:24

Panongu no Joshua khochile, “Nino tishiveke, kughengu Ampeu o Lhou no Pa qeu Moses vecheo Azah tsükeu no ayeghi hi kümtsü nongu tsüni eno hipa yeghi lo küghüna akemi kümtsü nongu nhethe lono kütsavelo pike.

SAMUEL ATUGHIU 9:7

Ikehu Saul no pa qeu vilo pi, “Ikemu nikujo no wu aye, pa lau kiu pewuni kea? Kughengu nikujow süqhu lo asho kühavae, eno Alhou timi lau agho pewu kepu kühae. Nikujo ye kiu ani kea?”

KUKAMI ATUGHIU 13:7

Tileno akükau no Alhou timi vilo pi, “I gholo aki lo ighi no chusholo, eno I no asaxü o tsüni.”

KUKAMI AKINIU 19:15

Pa no Ampeu zülono inikhu no pi: “O Ampeu, Israel Lhou, Cherubim shou iqa akeu, ayeghi lo kükaqha kümtsü shou O likhi no Alhou ke; Nono kungugha ngo ayeghi lhoke.

KUKAMI AKINIU 19:19

Ikehu O Ampeu, ni Lhou, kimiyeno pa u lono ni xaphe tsülo, tishianguno ayeghi lo kükaqha kümtsü no O likhi no Ampeu Alhou kepi ithi nani.”