KUKAMI AKINIU 5:13 - Sumi Naga CL (Re-edited) Bible (BSI)

¹³ Ikemu pa qemi no pa vilo pi, “I pu, tungkupu no o vilo kushokütsü tsa pinamu no ye shiveni cheke kumo? Pa ye o vilo, ‘Qhuve no mithe luve lo,’ ipike kumo keshea?”

BAIBEL (BSI)

¹³ Pa qeuno pa vilo ighino pi, “Akijeu, tsala tungkupuuno kiwala kushokutsupu ovilo shilo pi aghikepu aye nono shimomu take. Ikemu pano ovilo okutoshino wupuzu qhuvelo eno viluvelopi anike ghenguno tishiju kepue.

KUKAMI AKINIU 5:13 Referans Kwoze

KUKAMI AKINIU 6:21

Kughou Israel kükau no panongu ithulu keno, pa no Elisha vilo pi, “I pu, I no panongu heqhive nio? I no panoqo heqhiveni keshea?”

Piyeküsü 7:14

I no pi, “Nono ithi anie, akijeu.” Pa no I vilo pi, “Hipaqo ye küsakushu kije hechesü ipeghi luve kemie. Panongu ye Ambeti ji lono panow chijeboike phi ishikimthepe metsüghoi luvae.

KUKAMI AKINIU 13:14

Tipa ghuloki lo kughou Elisha no akithi küsü süuve keno, Israel kükau Joash no iqi no igha qa, “I puo, I puo! Israelmiw khurkulu eno khurshimi!”

KUKAMI AKINIU 2:12

Elisha no ti ithulu no ighamku, “I pu, I pu! Israel khurkulu eno paw khurshimi.” Pa ye Elijah ithulu move. Tishino pa no pa phiküzü süxüla kini shive.

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

Titus 3:5

Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

Apostolmi 22:16

Imaye no ye kiu khe ani kea? Ithu no Pa je lono baptiz shiluve no o xine qhuvelo.’

1 Kor. 4:15

Kughengu nongu no Khristo küdau no lapiyemi kihikhakümla aghimu nongu ye apu kutomo kühae. Kughengu atsakiviu vecheo I no Khristo küdau no nongu papu shilue.

1 Kor. 1:27

Ikemu alokütsümi shikujo niye Alhou no ayeghi lo kiu no mbomzü keno ti kishelu; eno akumtomi shikujo niye Alhou no ayeghi lo kiu no miqemlei keno ti kishelue.

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

John 13:8

Peter no pa vilo pi, “No ye khilemu I pukhu qhumo nani.” Jisü no pa khochile, “I no o pukhu qhutsümo aye, no ye I gholo kuloji amoe.”

MATTHEW 23:9

Eno ayeghi lo khuu vilomu ‘Apu’ ipi kevilo, kughengu nongu ye kungugha lo akeu Apu lakhi ani.

MALAKI 1:6

“Anu no apu gihu, eno aqeu no ampeu gihu cheni. Tsala I no apu lakhi shi aghi aye, I gigihupu ye khile ani kea? Eno tsala I no ampeu shi aghi aye, I sümsa keu ye khile ani kea? ipi aqokitikhi Mpeu no nongu achinemi, khunoqo no I thaigha cheni keno tipaqo vilo pi. Ikemu nongu no pi, ‘Ningu ye kishi O jukünatha kea?’

ISAIAH 1:16

Nongu ampi qhuve eno shikimthe lulo; I nhethe lono nongu kümla lhoksa pevelo; alhoksa kümla tavelo,

LESHELE 51:7

Ayilobo pesü I shikimthe tsülo, eno ni ye mithelu nani; I qhukimthe tsülo, eno ni ye mürasü nguno metsüghoive nani.

LESHELE 51:2

I kipimi lono I qhukimthe tsülo, eno I xine lono shikimthe tsülo!

KUKAMI AKINIU 8:9

Ikehu Hazael no Damascus lono mlaphe keu thime kivi sayeshi lhobidi xapipe no Elisha lau wu. Kughou Hazael no pa lau ighi no pa zülo puthugho keno, pa no pi, “O nu Ben-hadad Syria kükau no I puwu no pi ani, ‘Ni ye aküsü hipau lono viluve nanima?’”

KUKAMI AKINIU 5:10

Elisha no atsapemi puwu no pi, “Jordan lo wuno ghuthu tsüni qhuvelo eno no ye athoputho luve no mithe luve nani.”

KUKAMI AKINIU 5:3

Li no li mpeliu vilo pi, “I mpeu pelo Samaria lo ache keu tungkupu lau wu penishi nolae! Pa ye pa pügha shipivive tsü nanie.”

KUKAMI ATUGHIU 20:31

Pa qemi no pa vilo pi, “Julo, Israel kükami ye kimiyekini kepi nino chilue. Ni pelo kumshophi no apo khave eno akighi no akütsü khapu no Israel kükau lau wu pelo. Pa ye o küxü pükhatsü luvike.”

KUKAMI ATUGHIU 20:23

Syria kükau qholo kijemi no pa vilo pi, “Pano lhouqo ye atoghi lhou kehu ningu nguno akumtou kena. Ikemu nino panongu sasü aqa lono aghüshi aye, mtsüqheino pano nguno akumtou shinani.

BOTHUBO 41:43

Paw khurkulu akiniu lo pa pelo ikupe. Eno pa zülono panongu no pi, “Qhoqhünhe lo!” Tishino Pharaoh no Egypt yeghi kümtsü shou pa süküsü shive.

John 9:7

eno pa vilo pi, “Wulo, Siloam zükucho lono qhuvelo.” (Siloam kiqi ye Puwu). Timi huno wu püzü pa nhethi qhuve no ithulu ghi ideighi.

SAMUEL ATUGHIU 24:11

Julo, I pu, ow chijeboike phishe I u lo ani. I no mtsüqhei o phishe gholuve tsüno o heqhi move keu ye I lolo akipimi momu pishikiqhi kühae pi o pelo ithi eno ithulu peniye ke. Nono I küxü luve tsüniye phucheni kemu ni ye o lau axine shi püamoe.

SAMUEL ATUGHIU 28:23

Pa no milive no pi, “Ni ye chumoe.” Ikemu pa qemi no atopuu gholono pa qhüiniju, ikehu pa no panoqo tsa luve. Ikehu pa no ayeghi lono ithu alüpa lo iqave.

SAMUEL ATUGHIU 9:10

Saul no pa qeu vilo pi, “Alovae; shilo, nikujo wuni.” Ikehu mishighüna khipau lo Alhou timi akeno pama no tilau wuve.