KUKAMI AKINIU 4:1 - Sumi Naga CL (Re-edited) Bible (BSI)

¹ Tungkupmi loji lo milakhi nipu achimeu no Elisha vilo ighamku pi, “O qeu, I kimi ye thivae, eno nono ithi anike o qeu ye Alhou sümsa chekemi, ikemu pa no timi lakhi pi puakeu huno ighi püzü I nu pama aqemi shi penike sawuve niye ani.”

BAIBEL (BSI)

¹ Tungkupumi gholo milakhi nipu achimeu no Elisha lau wuno pi, “Akijeu, ikimi thivae! Nono ithi anike paye Alhou sukumsami lakhi ikemu pano timi lakhi pih puakeu huno ighipuzu ikimi pih tsumla aye inu hipama aqemi shipenike sawuvetsuni pi ani.”

KUKAMI AKINIU 4:1 Referans Kwoze

MATTHEW 18:25

Ikemu pa no api lochile mla kepu shive kehu, ampeu ye aqeu hu jeve penike azah tsü, eno pa gholono anipu, atianuli eno pa no kiu ache keno, qhoi süküqha püzü love penikeu shi.

KUKAMI AKINIU 2:3

Bethel lo tungkupmi loji no Elisha lau ipeghi no pi, “Ampeu no ishi tsala lono o launo o mpeu sawuve niye akeu no ye ithi anima?” Elisha no khochile, “Iyei, ni ye ithi ani, qümüi shilo.”

Piyeküsü 19:5

Eno kükalakhü lono asütsa lakhi no ishi pi, “Nongu Alhou qemi, Pa msaqhiyi chekemi, kijemi kitilami kümtsü no ni Lhou sheqhelo.”

MATTHEW 18:30

Ikemu pa no milive no pa küsau aqeu huno api lomoke kutolo akughuki lo khathave.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

MALAKI 3:16

Ampeu sümsa chekemi lakhino lakhi sasü küptsae. Ampeu no amlo tsüqhiyi shino panoqo tsa chiluvae, eno Pa zülo Pa sümsa no gihu chekemi ye kümsüchilekulu kaku lakhi lo yesüve tsüe.

LESHELE 147:11

ikemu khunono Pa sümsa eno Paw iqemokeu kikimiye shou pükhü cheni keno Ampeu ye pano lau alokiqi acheni.

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

LESHELE 103:11

Kughengu atsütsü no ayeghi nguno qhemghai ketoi, Pa gihu chekemi lau Paw iqemokeu kikimiye kije ani;

SAMUEL ATUGHIU 22:2

Aghime kitikhi lo akemi, api kupumi, eno kukhukimji shi akemi kümtsü no pa gholo hekütsü luve. Eno pa no panoqo zatsüu shive. Tile pa gholo timi 400 qhalo ae.

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

Apostolmi 13:26

“Athiküzümi, Abraham nuli, eno nongu Alhou sümsa chekeqo, xakulupu tsape hipau ningu lau puwuve tsüae.

MATTHEW 18:35

Ikehu nongu no amlo lono no thiküzümi kipimi peve tsümo aye, I Pu kungugha lo akeu no hitoi nongu lakhikhi lau shinani.”

JEREMIYA 34:14

‘Ampe tsüni shekha lo Hebrewmi khunoqo o lau jesüve no ampe tsügho o qeve akeno no ye panongu kuqho pheveni; o kümlapu lono no ye pa pelo ililaive peni.’ Ikemu no puasüqo no I tsa inimo eno panongu kini mu I lau kugho puwomoe.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

YETSAPIU 8:12

Kixikilami no ghuthu 100 kutolo alhoksa mlano xüaghi namu, I no ithi anike khuu no Alhou msani keno, pau pavi nani, kughengu pa no Alhou msaighü acheni.

NEHEMIA 10:31

Ashiayeqo no tüxatini na athi namu Sabbath tsala momu akimthe tsala lono jeniye süghi aye, ningu ye Sabbath tsala momu akimthe tsala loye pano launo qhümoni. Ampe akütsüniu lo ningu ye alu chimoni eno apiagha kümtsü qhive tsüni.

NEHEMIA 7:2

I no I thiküzüu Hanani ngo akighiki lo angh Hananiah pama pelo Jerusalem lo ayepe penike bemakho tsüve, kughengu pama ye kütami nguno Alhou sükümsami ke.

KUKAMI AKINIU 4:38

Kughou aghakhu lo püqümiye akeno, Elisha no Gilgal lo ighi. Tungkupmi loji no pa zülo iqa akelo, pa no pa qeu vilo pi, “Ali kije lono akulhozü shipe panongu piyelo.”

KUKAMI AKINIU 2:5

Jericho lo tungkupmi loji no Elisha lau ipeghi no pi, “Ampeu no ishi tsala lono o launo o mpeu sawuve niye akeu no ye ithi anima?” Elisha no khochile, “Iyei, ni ye ithi ani, qümüive lo.”

KUKAMI ATUGHIU 20:35

Ampeu zakütsü lono tungkupmi loji lo milakhi no pa küsau vilo pi, “I heqhilo.” Ikemu pa no tishimoe,

KUKAMI ATUGHIU 18:3

Ahab no kükaki jukükütsüu Obadiah ku. (Obadiah ye shishe Ampeu sümsa che,

ACHINE 25:48

pa jeve aghi namu pa thiküzümi no qhüchile luve kepu chipiu aphike.

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

LESHELE 115:13

Kitilami shi aghina kijemi shi aghi namu Ampeu sümsa chekemi ye Pa no kümghatsü nani.

KUKAMI AKINIU 6:9

Ikemu Alhou timi no asütsa Israel kükau lau pi puwu, “A-a tipau katha kevilo, kughengu Syriami no tilau iqi cheni.”

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

RUTH 1:3

Ikemu Naomi kimi Elimelech ye thive eno li ye anu kini sasü chime ache.

KUKAMI AKINIU 2:7

Tungkupmi loji pano lhopungu ghi pama papesü kümtsa wuve eno pama no Jordan mkülo puthugho akelo, panongu ghi putou puthugho ae.

KUKAMI AKINIU 2:15

Kughou Jericho lono ighi kemi tungkupmi loji no pa ithulu keno, panongu no pi, “Elijah nguagha Elisha shou ikughivae.” Tishino panongu no pa sasü kushoni ke ighi no pa zülo pishiqho.

AHOLE 22:7

Kinimi no kumlhomi qhasü cheni, eno akünami ye pünatsü akemi qüaxemi ke.