KUKAMI AKINIU 25:3 - Sumi Naga CL (Re-edited) Bible (BSI)

³ Aqhi abidiu, atsala atokuu lo aphughi lo püqümiye akumou shive eno aghakhu lo timiqo ye kiumu chukepu kühave.

BAIBEL (BSI)

³ Tipau mpelo aqhi abidiu lo atsala atokuu ghulokilo, puqumiyekeu ighono shilukusa ighi eno timiqoye kumu chukepu kuhave,

KUKAMI AKINIU 25:3 Referans Kwoze

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 7:15

Azütakikihi ye ashou ani; püsa ngo püqümiye no alou ani. Khuu no aluza lo ani keno azütakikihi lono thive nani, eno khuu no mishighüna lo ani keno püqümiye ngo püsa no munove nani.

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

JEREMIYA 52:6

Aqhi abidiu atsala atokuu lo aphughi lo püqümiye akumou shive no timiqo ye achuqupu kühave.

JEREMIYA 38:2

“Ampeu no ishi piani: Khuu no mishighüna hipau lo ngo ani keno azütakikihi, püqümiye, eno püsa lono thive nani, ikemu khuu no Chaldeami lau wuni keno xünani. Pa ye aghüshi lono aküxü pükhalu nani.

ACHINE 26:26

No chuqupu laghi I no hekhave tsü kelo, totimi chighi no amiphoki lakhi lono asho shino aphiphi shi kije nani, nongu no tipau chukhave namu müzüthi nani.

ZEKHARIA 8:19

“Aqokitikhi Mpeu no piani: Judah lo küami ghenguno aqhi abidiu, apunguu, akütsüniu eno achighiu lo kümvü keu ye alokivi, amlokiqi eno alophalei keu ghulhuqo shi nani. Tighenguno kuchou eno külakishi kimiyelo.

EZEKEL 5:10

Tighenguno apunoqo no pano nuli shi chu nani, eno anuliqo no pano papuqo shi chu nani. I no aghime nongu lau süghi nani, eno nongu khukhumu xülu keu ye I no amülhü la lo hale puwuve nani.

JEREMIYA 39:2

Zedekiah yepe mpe chighiaqhaqhiu, aqhi abidiu atsala atokuu shiake lono aliwo hepho iloghive.

JEREMIYA 37:21

Ikehu Akükau Zedekiah no azah tsüno Jeremiah pesü akhemi bokütha lo qhive. Tishino mishighüna lo asho kühave moke kutolo tsalakipetsü asho kümla laghila lono ashopa lakhi süwo pa tsüche. Ikehu Jeremiah ye akhemi bokütha lo ngove.

KUKAMI AKINIU 6:24

Ghulo kütau Syria kükau Ben-hadad no paw ghüshimi kümtsü hekütsü sasü iqho Samaria khasü luve.

KUKAMI AKINIU 6:25

Panongu no khasü luve kehu Samaria lo püqümiye kije ighive, eno khurha kütsü lakhi lo ghükayi 80, amiqhi ba yetsüni tushoqü lakhi lo ghükayi 5 lono jeuve.

KUKAMI AKINIU 25:2

Eno Zedekiah yepe mpe chighiaqhaqhiu kutolo mishighüna khasüve.

ISAIAH 3:1

Kughengu julo, aqokitikhi Mpeu no Jerusalem ngo Judah lono timi no pükhüpe ache keu asho eno azü qhoi pewu cheae,

JEREMIYA 19:9

I no pano pelo pano pu-angaqo shi chupe nani, aghümi eno pano küxü luve tsünike phuighi kemi no pano khasü luve kelo aveküsa lono panongu no pano kisüghümi shi chunani.’