KUKAMI AKINIU 20:5 - Sumi Naga CL (Re-edited) Bible (BSI)

⁵ “Ideilo lo eno Iw timiqo sakipheu Hezekiah vilo pilo, Ampeu O sü David Lhou no ishi piani: I no o kighini chiluvae; I no o nhezü kipiji ithuluvae. Julo, I no o shipivi tsüni. Atsala aküthüu lo no ye Ampeu kilo wu nani,

BAIBEL (BSI)

⁵ Hezekiya lau idewolo pi, paye AMPEU timiqo shou ayehkipeuke eno pa vilo ishi pilo, “Ni, AMPEU osu David Lhou no okighini chiluvae eno onhezu kipiji ithuluvae. Ino oshipivive tsuni eno noye atsala kuthu dolono Achinekilo wulu nani.

KUKAMI AKINIU 20:5 Referans Kwoze

SAMUEL ATUGHIU 9:16

“Thoghiu hipa ghuloki lo I no Benjamin yeghi lono timi lakhi o lau puwu nani, eno pa pelo Israel lo Iw timiqo shou sakipheu shi penike nono pa nukishe lo. Pa no Philistiami u lono Iw timiqo xalu nani. I no Iw timiqo ithuluvae, kughengu panoqo ghügha ye I lau ighivae.”

ISAIAH 38:5

“Hezekiah lau wuno pilo, Ampeu, o sü David Lhou no ishi piani: I no o kighini chiluvae; I no o nhezü ithuluvae. Julo, I no o küxü lo ampe chighipungu süküpha tsüni.

LESHELE 39:12

“I kighini chilu tsülo, O Ampeu, eno O kini kugho puwo I ghügha chilu tsülo; I no anhezü piji akelo inaqhoive kevilo! Kughengu ni ye O gholo kupokichemi lakhi ke, I puasü kümtsü toi shoinami lakhi ke.

KUKAMI AKINIU 19:20

Tileno Amoz nu Isaiah no Hezekiah lau pi puwu, “Ampeu, Israel Lhou no ishi piani: Nono Assyria kükau Sennacherib ghenguno I lau inikhu keu I no chiluvae.

LESHELE 126:5

Khunono anhezü kipiji lono xusü cheni keno alokivishi ghile hulu nani!

LESHELE 147:3

Pa no amlo ipopinyi kemi shipivi eno pano zaku khatsü cheni.

LESHELE 56:8

I tukuchoqhi keu ye Nono kihipe ani; I nhezü kipiji ye O külabo lo süpüani. Tipaqo ye Ow kaku lo anike kumo?

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”

John 5:14

Athiuno Jisü no achineki lo timi hu ithulu no pa vilo pi, “Julo, no ye vivae! Hinguno hilau ye kiuala alhoksa o shou ighi pemoni ke axine shikithe kevilo.”

Luke 1:13

Ikemu kungumi huno pa vilo pi, “Msa kevilo, Zechariah, kughengu o kighini chiluve tsüae, o nipu Elizabeth no anu lakhi punu nani, eno nono pa je John kutsü nani.

MATTHEW 22:32

‘Ni ye Abraham Lhou, Isaac Lhou, eno Jacob Lhou ke.’ Pa ye küxümi Lhou kethono kithimi Lhou kumoe.”

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

SAMUEL ATUGHIU 10:1

Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

IBRIMI 2:10

Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.

LESHELE 65:2

O No khuu akighini chilutsü cheni keno, O lau timi kümtsü no ighi nani.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

ISAIAH 38:22

Hezekiah ghi ishi pipüae, “Ni ye Ampeu kilo iqholu nanie pikeu michipu kiu anani kea?”

SAMUEL AKINIU 5:2

Wovekeu lo, Saul no ningu shou akükau shi akelo ghi, nono Israel ghüshiqo lo saphe ighike. Eno Ampeu no o vilo pi, ‘Nono Iw timi Israelmi kheu shi nani, eno nono panongu yepeu shi nani.’”

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

YEKIKITHI AKINIU 34:3

Kughengu pa yepe mpe akütacheu lo, ti ye apulhothe shi aphi lono, pa ye pa sü David Lhou mllauve, eno ampe chighiakiniu loye pa no Jerusalem ngo Judah lo qhemghaike-a, Asherim, küxütha keu julho, eno ayi julhoqo kütsave tsü.

YEKIKITHI AKINIU 13:12

Julo, Alhou no ni sakipheu shino ni gholo ani, eno Pa chinemi no aghüshi fuko pesü nongu sasü aghü shinike kuniye kutope ani. O Israel nuliqo, Ampeu nongu puasü Lhou sasü aghüshi kevilo, kughengu nongu ye tomla nani.”

Luke 18:10

“Timi kini inikhuni ke achineki lo iqho, lakhi no Pharisee eno lakhiu no zame küqhau.

KUKAMI ATUGHIU 9:3

Ampeu no pa vilo pi, “I no o kighini eno nono khukeu chiluvae. Nono aki khikhi shiqhe keno tipau shikimtheve tsüae eno alholo ghenguno I je tile qhivae. I nhethi ngo I mlo ye ado kümtsü lo tile aniae.

KUKAMI AKINIU 20:4

Ikelo Isaiah no küghaki amtau veche ipe mphi lono, Ampeu tsa pa lau ighi:

LESHELE 107:20

Pa no Pa tsa piqhi eno panoqo shipivi tsüe, eno kütsakungo keu lono panoqo xaphelue.

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

IPEKULU 3:9

Ikehu itehi julo, Israelmi ghügha I lau ighivae, eno aghime khipau pesü Egyptmi no panoqo qaqhi ani keno tighi I no ithuluvae.

KUKAMI AKINIU 22:19

kughou I no a-a hipau eno hile xüküami püghave no ghushoveni keu nono philu keno, nono o mlo pebide eno kuchuni püzü o phimini süxü no I zülo mloqa kehu, Ni ghi ti chiluve tsüae, ipi Ampeu no sheshu ani.

LESHELE 6:10

I ghümi kümtsü kujove nani eno shishe avesave nani; panongu ye idewove nani eno paikhavi shikujove nani.

LESHELE 34:18

Ampeu ye amlo itamjui akemi kupunu ani eno aghungu lo chishedape akemi xalu cheni.

LESHELE 56:9

Tishiaye kughou I no inikhuni keno tipau tsalani I ghümiqo ye idechile wove nani. I no hi ithi anike Alhou ye I ghenguno anie.

LESHELE 65:3

Kughou akipimi no ni mhoqhiveni keno Nono niw hekibide qhukimthe tsü cheni.

LESHELE 119:26

Kughou I no I laghiqo O vilo pi keno, Nono I khochile tsüe; O yezah I shika piyelo!

ISAIAH 19:22

Ampeu no Egypt ghime nani kemu panoqo shipivi nani, panongu no Pa lau ideighi no kimiyeqhiyi penike qhüiniju kelo Pa no chilu tsüno panongu shipivi nani.