KUKAMI AKINIU 2:8 - Sumi Naga CL (Re-edited) Bible (BSI)

⁸ Tile Elijah no paw hebephi xaqhive eno liküzüpe azü lo hesü; ikelaye azü no kikije kini shi kophave eno pama no katha kulupu qhemi ayeghi qhaive.

BAIBEL (BSI)

⁸ Tileno Elija no pa phi chijeboboi keu phikuzu xaqhive eno kuqhuchheveno azulo hesu; ikelauye azuno kikije kini shive eno Elisha pamaye aghoki hukukuu qhaikeu yeghilo ipeluve.

KUKAMI AKINIU 2:8 Referans Kwoze

KUKAMI ATUGHIU 19:19

Ikehu Elijah ye tileno wuve no Shaphat nu Elisha sasü kusholu. Elisha ye amshitsü tüna chighikini sasü alu hokide aghi, eno pa no chighiakiniu sasü cheghi. Tile Elijah no pa lau ighi no paw hebephi xape Elisha shou bevetsü.

KUKAMI AKINIU 2:14

Pa no Elijahw hebephi pesü liküzü no azü lo hesü eno pi, “Elijah Lhou, Ampeu khile ani kea?” Kughou pa no azü lo hesü keno, azü no hula hila kikije kini shive eno Elisha no katha ikuve.

IBRIMI 11:29

Aküpülü lono Israelmi no ayeghi lo chekeshi Akuhu Züghi katha, ikemu Egyptmi no titoi shiniye kelo azü no pano pütsü qhive.

ISAIAH 11:15

Ampeu no Egypt züghi lo azücheku qhoi puthovetsü nani, eno Pa tuthu shukuthui keu pesü Pa u no Euphrates ghoki shou kihi puku kelo aghokiti tsüni shive nani, eno timiqo no apukhuqho xapusü katha luve nani.

KUKAMI ATUGHIU 19:13

Kughou Elijah no ti chilu keno, pa no paw hebephi xape pa gi nhave no khalau ipeghi eno ti atuki kulaghi lo puthugho. Ikelo asütsa no pa vilo pi, “Elijah, no ye hile kiu shi ani kea?”

Piyeküsü 16:12

Kungumi akütsüghou no pa bohu pesü Euphrates ghoki kije lo leqhi, ikelo kipelau no kükami chekeqo ghenguno ala shetsüni kehu tipau zü qhaive tsü.

IBRIMI 11:37

Atu pesü panongu veqhi, amta lono xapho kini shive, azütakikihi no ghiqhive. Panongu ye ambe ngo ane yiko pepusü itsüche, aqüagha, shikighime, peitha püsa,

IPEKULU 14:29

Ikemu Israelmi ye azüghi mta lo qhaike yeghi lono chesü wuve, azü huno pano u ajeu ngo piyiu aliwo kuptu shivetsü.

SAMUEL ATUGHIU 28:14

Pa no li vilo pi, “Pa ju ye kiu toi kea?” Li no pi, “Muchomi lakhi ipe cheni, eno pa ye chijeboike phimini pepu ani.” Saul no ti ye Samuel kepi ithive no pa gi ayeghi lo pishiqhope agigihu tsü.