KUKAMI AKINIU 2:19 - Sumi Naga CL (Re-edited) Bible (BSI)

¹⁹ Mishighüna lo timiqo no Elisha lau wuno pi, “Julo, ni mpeu no ithulu anike mishighüna hipau ye alokepu shi ani ikemu azü no alomoe eno ayeghi no athi pithimoe.”

BAIBEL (BSI)

¹⁹ Timi khami Jerikho lono Elisha lau wuno ishi pi, “Akijeu, nono ithianike, hiye aphughi jukivi lakhi, ikemu azuye alhoksae eno tighenguno timi alho vimoe.”

KUKAMI AKINIU 2:19 Referans Kwoze

IPEKULU 23:26

Totimi khumu ala lono hauvemo momu anuha shimo nani; I no nongu xüpushu tsü nani.

ZAKINIU 28:11

Ampeu no nongu puasüqo tsünike tushoqhi keu yeghi lo kinikülü kupukuno shi nongu tsü nani, no tianuli kughuko tsü, pichepighi lhoxü lo eno tüxatini kümgha tsü nani.

AKIKIHI 12:11

Pa no Moses vilo pi, “O, I mpeu, nino mbomzü shi axine shiveke ghenguno ni ghime kevilo.

IPEKULU 15:23

Kughou panongu no Marah lo ighi keno, panongu ye azü yemlave kughengu tipa zü ye khumtsai ke; tighenguno tipa-a pesü Marah kutsüe.

IPEKULU 7:19

Ampeu no Moses vilo pi, “Aaron vilo pi lo, ‘O küsü ikhipe Egypt lo azüghi, aghoki, azüla, ayizükucho, eno pano zükikhe kümtsü shou chho puwolo, tishianguno tipaqo pelo aji ilhou khave peni, eno Egypt yeghi kümtsü lo aji likhive peni, asü tughuko ngo atu tughuko lo azü akeqo ghi aji ilhouve peni.’”

KUKAMI ATUGHIU 16:34

Pa küka ghuloki lono Bethelmi Hiel no Jericho shiqhe kithe. Ampeu no Nun nu Joshua vecheo pipüa ketoi Hiel no aboqha mla akelono pa nu anoghiu Abiram küxü kühave, eno pa no khagho mla akelono pa nu anipau Segub thive.

HOSIYA 9:14

Panoqo tsülo, O Ampeu— No ye kiu pesü tsüni kea? Ala lono hauve keu tita eno qhai keu kichhi panoqo tsülo.

KUKAMI ATUGHIU 18:7

Obadiah no wuche kelono Elijah no pa sasü kusholu. Obadiah no Elijah michiluve no pa gi pishiqho luve no pi, “Hi ye no kema, I mpeu Elijah?”

JOSHUA 6:26

Tile Joshua no ashoqhi lakhi shi, “Khuu no Jericho phughi hipau shiqhe kithe nike ithughini keno, Ampeu no angusü pa shou apeniu. “Aboqha tu ye pa nu anoghiu küxü shouno shosü peni, khaghoqo ye pa nu anipau küxü shouno süqhe peni.”

JOSHUA 6:17

Mishighüna ngo tile akeqo jeli kümtsü Ampeu mlla keu kiqishi kütsave niae. Kütüqhaliu Rahab eno khunoqo li gholo li kilo ani keno tipaqo likhino xü nani kughengu li no niw pukujumi küsü tsüke.

1 Tim. 5:17

Akukuho lo kichimi, akhoto no akükütsü eno shiküka lo ichheime chekeqo, khunono akivishi ayepe cheni keno, panongu ye ajume küghüsü no ithulu küzüe.

KUKAMI ATUGHIU 18:13

Jezebel no Ampeuw tungkupmi heqhi akelo I no pano 100 pesü amqo kini shino atuki lo küsüve no asho ngo azü panongu tsükeu ghili I mpeu vilo pimphi keshea?

KUKAMI AKINIU 2:18

Tithiu Elisha no Jericho lo akelono panongu no pa lau ideighi, pa no panongu vilo pi, “Ni ye nongu vilo ‘Wu kevilo’ pike kumo?”

KUKAMI AKINIU 2:20

Pa no pi, “Abohu kithe lo amti süno I lau süghilo.” Panongu no ti süghitsü.