KUKAMI AKINIU 19:21 - Sumi Naga CL (Re-edited) Bible (BSI)

²¹ Pa ghenguno Ampeu tsa ishi ani: “Li no o junu ani, li no o thaigha—Zion limi; li no o thiuno li kütsü küngü ani— Jerusalem limi.

BAIBEL (BSI)

²¹ AMPEU no pivae, “Jerusalem phughino ojunuqhi eno oshiputha anie, Sennakerib.

KUKAMI AKINIU 19:21 Referans Kwoze

AKUMLO 2:13

O Jerusalem limi, Ni ye o ghenguno kiu pini, kiu pesü o kimhe tsüni kea? O Zion limi athatheu, Ni ye o lokughuno tsü kepushi o pesü kiu kimihi shitsüni kea? Kughengu o mhekiqi ye azüghi pahi qhachhovae; khuu no o shipivi luni kea?

MATTHEW 27:39

Tipau vechesü wuche kemi no pano kütsü küngü ghi Jisü thaigha,

JEREMIYA 14:17

“Atsa hipau pesü panongu vilo pilo: ‘Putho pucho I nhethi lono tamo mithe anhezü qopelo, kughengu Iw timi ngaqo ye aghüza kitikhi shi imevae.

JOB 16:4

Tsala nono I-a lo aghike aye, ni ghi o toi piluni che, atsa kivi chijepe nongu külaqhi eno I kütsü küngüpe nongu tsüni cheke.

AKUMLO 2:15

Khunono o kathasü wu keno kümtsü no au kukhupe o tsüe; panongu no Jerusalem limi cheqhi eno akütsü küzü ghi pi: “Kupukülai keu jukivi, ayeghiqha kümtsü lokivipu, ipi chekeu mishighüna huye hi keshea?”

LESHELE 109:25

I ngukube akeqo lau ni ye küthaküghapu thime shivae; kughou panongu no ni ithuluni keno, pano kütsü küngüe.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MICAH 4:8

Eno no, O ambeloji qoghe, Zion limi toghi, azüu kükaqha o lau ighi nani, Jerusalem limi ghenguno ayekipe ighi nani.

AMUS 5:2

“Ayiliu Israel ye ithughi kümlapu shi ikiqivae; li sünhe puthuni kemi kühano li yeghi lono li qhivae.”

AKUMLO 4:21

O Edom limi, khuu Uz yeghi lo ani keno; alovi eno amloqilo; ikemu o lau ghi ajukhu ighi nani; no ye shomzüve no o phikümsa shive nanie.

AKUMLO 1:15

“Akumtomi I zülo akeqo kümtsü Ampeu no milivae; Iw apumiqo kütsa nike Pa no I lachile ghi ahoho kusüe; Judah nga athatheliu pesü atsaithi qoda keshi Ampeu no nedavae.

JEREMIYA 46:11

O Egypt limiqo, Gilead lo iqho no nukümtshau lulo! Nongu ye adou lono küsüvi kutomo peithavae, nongu ghenguno shikipivi kühae.

JEREMIYA 31:4

I no itaghi o shiqheni, eno o pesü shiqheve nani, O amikuchou Israel! Itaghi nono amqübo ikhipe alokivimi kighilhe shinani.

JEREMIYA 18:13

“Ikehu AMPEU no ishi piani: Shiyeqo gholo ighiju lo, Khuu no hitoike tsa chilu akea? Amikuchou Israel no shishe akümsapu kümla shivae.

ISAIAH 47:5

Aküzü lo inaqhoi iqavelo, O Chaldeami ayiliu; kughengu no ye khilemu kükaqhaqo kükaliu ipi moae.

ISAIAH 47:1

O Babylonmi athathelimi, iqi ayeghimkhu lo iqalo; O Chaldeami ilimiqo, ayeghi lo kükalakhü kühakeu lo iqalo! Nongu ye hinguno hilau ye mtshaminhei ke pimoae.

ISAIAH 23:12

Pa no pi, “O qodave kemi Sidonmi, no hukülü ye kühavae, ithulo, Cyprus lo wulo, tilau mu nongu ye akulhoqhi lumo nani.”

ISAIAH 23:10

O Tarshishmiqo, itehi ye lakükhapu kühave ake Nile toi no yeghi vechesü alu chiwulo.

ISAIAH 1:8

Zion nga ye atsailu lo axapiki eno akukali lo apushonha toi, khasüve keu phughi toivae.

LESHELE 137:8

O Babylon limi, kütsaveni küau, nono ningu lau mlakeu lo khuu no o lochile luni keno pa lokivipue!

LESHELE 9:14

tishianguno I no Ow shekiqhe kümtsü kümsü luni, Zion limi khagho lono I no Ow xakulu lono alovini.

LESHELE 44:14

Nono ni pelo shiyeqo tichetighepu shipe, ashiayeqo zükutunupu shivepe.