KUKAMI AKINIU 18:17 - Sumi Naga CL (Re-edited) Bible (BSI)

¹⁷ Assyria kükau no Tartan, Rab-saris, ngo Rabshakeh, gholo ghüshimi kütsasa Lachish lono Jerusalem lo akükau Hezekiah lau puwu. Kughou panongu no Jerusalem lo ighi keno, panongu no Aphikighishimi Luza kuwula lo azüla khikhi azükhe lashou lono ighi ani keno tile wu.

BAIBEL (BSI)

¹⁷ Asiriya kukauno Lakis lono paw ghushimi kutomo hapesu Jerusalem lo Hezekiya le penike puwu; tiye pa qholo ighono atomi zahtsuu kuthuno sasu leupeke. Kughou panonguno Jerusalem lo ighikeno aphimini mlachekeu kumlamiqono ngochekeu laghi pukhaluve khile ahuu achekeu zukikhe lono azu luakeu zulalo ngove.

KUKAMI AKINIU 18:17 Referans Kwoze

ISAIAH 20:1

Assyria kükau Sargon no puwu keu zatou no Ashdod lo ighi püzü ti leluveke mpe lo

ISAIAH 7:3

Ampeu no Isaiah vilo pi, “O nu Shear-jashub nokujo Ahaz sasü kusholu kepushi Aphikighishimi Luza kuwula lo azüla khikhi azükhe lashou lono ighi ani keno tipau shekha lo wulo.

KUKAMI AKINIU 20:20

Hezekiah kümla küghütha kütau eno pa kumto ghili kümtsü eno pa no kishi ayizükucho mla eno azüla ghesü no azü sasü mishighüna lo ighi keno, tipaqo ye Judah Kükami Yekikithi Kaku lo yepüani ke kumo keshea?

ISAIAH 36:2

Pa no Lachish lono Rabshakeh gholo ghüshimi aqo kije hape Akükau Hezekiah lau puwu. Panongu no Aphikighishimi Luza kuwula lo azükhe lashou züla lo ngove.

YEKIKITHI AKINIU 32:9

Tithiu Sennacherib no paw ghüshimi sasü Lachish khasü akelono pa qemi hape Jerusalem lo Judah kükau Hezekiah eno Judahmi kümtsü vilo pi puwu,

KUKAMI AKINIU 14:19

Jerusalem lono Amaziah pithive niye kuchughu thuve kehu pa ye Lachish lo pove, ikemu panongu no timi puwu no, tilau no pa heqhive.

KUKAMI AKINIU 18:16

Tipa ghuloki lo Hezekiah no Ampeu chineki hukikha ngo ahukikha tsükuchoqo lo ameshoyi no küzü püakeu kümtsü lhape Sennacherib tsü puwuve.

KUKAMI AKINIU 19:6

Isaiah no panongu vilo pi, “Nongu mpeu vilo pilo, ‘Ampeu no ishi piani: Assyria kükau qemi no I thokügha tsa pikeu nongu no chiluke ghenguno msa kevilo.

KUKAMI AKINIU 19:23

O tsapemi vecheo nono Ampeu thoghavae, nono pi, ‘Iw khurkulu kutomo akeu sasü I no naghuto kütsüqa lo ikuvae, Lebanon ghasü kutolo wuvae, I no cedarbo akushuu buqhi, asahubo akighicheu buqhi ke; tile akungo-a akuthou lo iloe, aghasü akiviu-a lo wujuvae.

YEKIKITHI AKINIU 12:4

Pa no Judah lo aliwo kumto mishighünaqo leluve eno Jerusalem kutolo ighive.