KUKAMI AKINIU 16:15 - Sumi Naga CL (Re-edited) Bible (BSI)

¹⁵ Akükau Ahaz no achineu Uriah azah tsü, “Akümlla-khache akijeu lono inaqhe kipti kümllagho ngo avelau athi kümllagho eno akükauw akipti kümllagho, athi kümllagho, timiqow akipti kümllagho, athi kümllagho, atsaiji kümllagho pitilo. Tipau shou akipti kümllagho ji, aghakishi kümllagho ji kümtsü lepuku lo. Ikemu alazayi kümlla khache ye I no ighiju kepushi I ghenguno qhilo.”

BAIBEL (BSI)

¹⁵ Tishino pano Uriya ahza tsu: “Iwu akumlla kiptia hipau lono inaqhe piti mllachekeu eno kijiliu tuxatini kumlla shipesu akukau eno timiqo ghenguno piti mllakeu eno tuxatini kumlla shitsulo eno timiqo ghenguno aji kumlla shilo. Tipau shou tughashi jih khikhi pesu aghakishi shive akeno lesulo. Ikemu alazayi no shikeu kumlla kiptia ye ighenguno qhitsulo, ino tipau lono chinini.”

KUKAMI AKINIU 16:15 Referans Kwoze

KUKAMI AKINIU 18:4

Pa no qhemghaike-aqo hephove tsü, atsükuchoqo tulave tsü, eno Asherah hepholeve tsü. Pa no alazayi pighi julho (tipau pesü Nehushtan ipiche) khipa lau Israelmi no tipa ghuloki kutolo akümllagho pesü tsüche keno, tighi atachu shi kuboleve tsü.

KUKAMI ATUGHIU 8:64

Tipa tsalani no, akükau no achineki zülo akikhala mtau ghi ikhiphetsü. Tileno pa no akipti ngo athi eno külakishi kümllagho lo atha pesü mlla, kughengu akimthe-a zülo alazayi akiptia ye akipti kümllagho ngo athi-kümllagho eno külakishi kümllagho lo atha pesü mllani keu ye müghülo ke.

HOSIYA 4:12

Iw timiqo no asü tachu launo kighinikile jucheni, eno panongu qheküsü no tungkuptsa pitsü cheni. Kughengu asalha ghawu no panongu saküghüzüve ake, eno panongu ye kütüqha aniye pano Lhou phevae.

DANIEL 12:11

Tsalakipe kümllagho ikhipe wuve kelono aphikümqhüpu julho no küghüküghaleive tsüni keu kutolo atsala 1,290 anani.

DANIEL 11:31

Pa launo ghüshimi ipeghi nani eno achineki ngo aliwo shipüthave nani, eno akipti kümllagho ikhipe wuve nani. Panongu no aphikümqhüpu khipau no küghüküghaleive tsü keno tipau shiqhe nani.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

DANIEL 9:21

I no akighini shi ake lono Gabriel, timi khuu kungunhetsü atüghüu lono I no ithulu püa keno, pa no mtazü avelau ghakishi ghuloki lono I lau yeighi.

ISAIAH 2:6

No Ampeu ye kuchou no Ow timi Jacob laghami kileqhivae, kughengu panongu ye kipelau küdüu lhoaye eno Philistiami toi tuumi pülü keu no chhivae, panongu no inaghami sasü au küküsü luvae.

YEKIKITHI AKINIU 33:6

Pa nuli küghape Hinnom Nu Khila lono piti mlla, eno asakiqhi, küdüu, asheazü tsa kipimi, tumumi, eno kithixashemi peitha. Ampeu zülo shishe axine shikeu lono pa no Ampeu mlo shikighide tsü.

YEKIKITHI AKINIU 29:35

Akipti kümllagho kutomo tsükeu gholo külakishi kümllagho ghenguno atha ae, eno akipti kümllagho gholo atsaizü kümllagho ghi ae. Hitoi Ampeu kilo akümlla huthu kitheve.

YEKIKITHI AKINIU 29:32

Panongu no amshitsü lhotsüni, ambetsü 100, eno ambeti 200 akipti kümllagho lo süghi; hi kümtsü Ampeu lau akipti kümllagho shike.

KUKAMI AKINIU 16:14

Alazayi kümlla-khache Ampeu zülo achekeu khikhi achineki zülo paw akümlla-khache ngo Ampeu ki küma dolo ache keno, pa no ti ikhipe akümlla-khache ahuu qhive.

KUKAMI AKINIU 3:20

Thanau inaqhe aghakishi kümllagho ghuloki lo Edom küdau no azü qoighi no aghakhu kümtsü pichhive tsü.

KUKAMI ATUGHIU 3:4

Akükau no Gibeon lo aghashi niye wu, kughengu tino aghakishi-a kije ke; Solomon no tileno ghuthu qhethonhe akipti kümllagho tsüche.

BOTHUBO 44:5

Hi ye I mpeu no shoche keu jukhu, eno hipau pesü pa no chini chenike kumo keshea? Hipau shikeu lono nongu ye küsakügha shivae.’”

KUKAMI AKINIU 16:16

Achineu Uriah no akükau Ahaz no azah tsüke toi thokha shive.

KUKAMI ATUGHIU 7:23

Hiram no alazayi no azütughuko mla ti ye akijelau aunhekipshe 15, akiqhelau aunhekipshe tsüni tüxa, eno aliho homxa aunhekipshe 45.