Kolosiami 3:4 - Sumi Naga CL (Re-edited) Bible (BSI)

⁴ Khristo, khuu nongu küxü keno, pa no ipeghi kelo, nongu ghi ajuküvü lono pa gholo ipeghi nani.

BAIBEL (BSI)

⁴ Nongu kuxu kuchouye Khristo ke, eno kughou pano ipeghini keno tileno nongu ghi pa gholo ipeghi nani eno pa kimthe jukuvupu kusaje nani!

Sümi Tiqhelimi Bible

⁴ Khristo khuu nongu küxü kuchou keno kughou pa no ipeghini keno nongu ghí ajuküvü lono pa gholo ipeghi nani.

Kolosiami 3:4 Referans Kwoze

John 11:25

Jisü no li vilo pi, “Ni ye Xüchilekulu eno aküxüpu ke, khunono I shou pülübeni keno, pa ye thive namu xüluve nani,

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

FILIPIAMI 3:21

thokha kümtsü Pa qholo süghi lupe keu küka pesü pa no ni phimpi pesü pa juküvü phimpi toi kilive tsü nani.

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.

1 John 2:28

Tishiaye atianuliqo, Pa lau kimepe achelo, tishianguno kughou Pa no ipeghini keno ningu ye akukujo lono itshü ilomo nani, ikemu Pa ikighi lo amlo kumto shilu nani

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

1 Kor. 15:43

Aphimpi ye juküsapu shi qhove cheni; ikemu jukighilepu shi xüputhu nani. Miqemlei qhove cheni ikemu akumtoshi xüputhu nani.

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

1 John 5:12

Khukhumu Anu pesü paw shiluve keu ye aküxü ani; khukhumu Anu pesü paw shimo keu ye aküxü kühae.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

MATTHEW 13:43

Ikemu amikuchomi ye panongu Papu kükaqha lo khetsünhe toi vünani. Khuu no akini ani keno pa no chilulo.

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 14:3

I no wuno nongu sala a-a kutotsü kethiu, I no ideighi no I gholo nongu sawu nani, tishikeu lono I no khile ani keno nongu ghi tile anani.

LESHELE 17:15

I ghengu ye, I no achipiu mikucho lono O gilo juni; kughou I no ithughini keno, O kimihi lono I ghapiqi luni.

2 Tim. 1:1

Alhou pulou vecheo eno Khristo Jisü lau aküxü akeu tsünike tushoqhi püakeu kiqi lono, Khristo Jisüw apostol Paul no,

1 Thes. 4:17

Tileno ningu xüakemi ye amülhü lono Ampeu sasü kushoni ke panongu gholono kümtsa khüngküsü lo sünhe saikuve nani, eno ningu ye pülhapuju Ampeu gholo acheuve nani.

1 Kor. 1:7

tishianguno ni Mpeu Jisü Khristo pephe piyeni keu khe akelo, nongu ye aghungulo gho kiumu mikheve amoe.

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

LESHELE 73:24

Ow mijekütsü no I la kichetsü, eno ashekha lo Nono ajuküvü lono I saluve nani.

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

1 Tim. 6:14

ni Mpeu Jisü Khristo ipeghi ke tsala kutolo, ayezah tukutiye shimono eno nguku kepu qhimono papelo.

Apostolmi 3:15

Nongu no aküxü Mpeu khuu Alhou no akithi lono xüputhuve keno, pa pithive. Ningu no tipau thopimi ke.

Luke 17:30

Ikehu Timi Nu pepheni keu tsala lo ghi titoi nani.

Rommi 8:18

Kughengu I no thebei kiqiphelu akeu no itodolo aghime akeqo ye kiu lonomu ningu lau pephe niye akeu juküvü sasü kimhelu kepu kühae.

Rommi 8:19

Kughengu pulhoküsü kümtsü no khekulhoshi Alhou nuliqo pephe niye akeu huqhe ani.