Kolosiami 3:3 - Sumi Naga CL (Re-edited) Bible (BSI)

³ Kughengu nongu ye thivae, eno nongu küxü ye Khristo gholono Alhou lau küsüvae.

BAIBEL (BSI)

³ Kughengu nonguye thive ake eno nongu kuxuye Khristo gholono Alhou no kusupe anie.

Sümi Tiqhelimi Bible

³ Kughengu nongu ye thivae, eno itehi nongu küxü ye Khristo gholo no Alhou no küsüpe qhivae.

Kolosiami 3:3 Referans Kwoze

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

Rommi 6:2

Kiu gholau nomu kumoe! Ningu khunoqo axine küdau ye thive akeno kishi püzü itaghi tipau lo xüni kea?

Kolosiami 2:20

Khristo gholono nongu no ayeghi lo aghawuqo lau thive aghi aye, kushiye itehi ghi ayeghi laumi toi ayezah qhoqhü ghi—

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

Rommi 5:10

Kughengu nino Alhou ghümi shi ache kelo thotsü Pa Nu kithi vecheo ni pelo Alhou lau külashilu püaghipe aye, itehi ye nino külashi luve akeke itaghi alaushi Pa küxü vecheo ni xalu nani.

2 Kor. 5:14

Kughengu Khristo kikimiye no ningu bothape ani kehu ningu no ishi xathavae: milakhi no kümtsü ghenguno thive, ikehu kümtsü pa gholono thivae;

John 5:21

Kughengu Apu no kithimi xüputhu no aküxü tsü ketoi, Anu ghi aküxü pesü khuno tsünishi keno tsü nani.

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 14:19

Ado kitila thiu ayeghilomi ye ni ithumlave nani, ikemu nongu ye ni ithulu nani. I no xü ani kehu nongu ghi xü nani.

1 Peter 3:4

ikemu nonguw jukivi ye alolo nongu mpi kuchou akeu huno shilo, tino akümtsha eno iqünhei keu ghunguw shipüsa kümlapu jukivi, Alhou zülo ighono akughupu ke.

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

Kolosiami 3:4

Khristo, khuu nongu küxü keno, pa no ipeghi kelo, nongu ghi ajuküvü lono pa gholo ipeghi nani.

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

Kolosiami 2:3

Khristo lau alokütsü eno akighithi kini khuki kümtsü küsüpe püani.

John 5:40

ikeghi nongu ye aküxüpu ithuluni ke I lau ighi chemoe.

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

FILIPIAMI 4:7

Eno Alhouw aloino keu khikhi timiw vethakulu nguno alau keno, tino Khristo Jisü küdau no nongu mlo eno nongu kükümsü khekuto anani.

1 Kor. 15:45

Ishi yepüake toi: “Timi atüghüu Adam ye aküxüküa shi lhoke”; ikemu ashekhau Adam ye aküxüküa Ghungu ilhouve.

1 Kor. 2:14

Ashilo küxümi ye Alhou Ghungu launo ighikeu ikhilu chemoe, kughengu ti ye pa ghenguno mbomzü ke, eno tipaqo ye aghungu lono kimchilu cheni kehu pa ye tipaqo vethalu chemoe.

Rommi 5:21

ikehu, axine no akithipu lo ayepe ketoi, küpükini no Alhou mikucho vecheo ni Mpeu Jisü Khristo küdau no lhokta küxü tsünike ayepe nani.

Kolosiami 1:5

kughengu kuchou tsape, atsakiviu nongu lau atüghüshi ighi kelo tino nongu sala kungugha lo lajupu kike püatsü anie pi nongu chiluke.

2 Kor. 5:7

kughengu ningu ye ithukulu lono kumono aküpülü lono checheni.

Rommi 6:11

Tihutoi, nongu ampi ghi axine küdau ye thive akemu Khristo Jisü gholono Alhou lau xü anipi kihilo.

Ephesiami 3:9

eno thime kümtsü pulhosü keu Lhou lau tiqheli kümtsü lo küsü püache keu tuqhou kukughu ye kiu keno timi kümtsü zülo pephe tsüniye ke,

1 Peter 4:2

tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.