Kolosiami 3:14 - Sumi Naga CL (Re-edited) Bible (BSI)

¹⁴ Hi kümtsü nguno alau kikimiye pepulo, kughengu kikimiye no thokha kupukülai tsügha küqhatsü cheni.

BAIBEL (BSI)

¹⁴ Hipaqo kumtsu nguno alauno kikimiye pepulo, kughengu kikimiyeno thwokha, kupukulupushi tsugha kuqhatsu cheni.

Sümi Tiqhelimi Bible

¹⁴ Eno alhoaye kivi hipaqo kümtsü shou kikimiye pepulo, kughengu kikimiye no alhoaye kiviqo kümtsü kupukülai shi tsüghaküqha tsü cheni.

Kolosiami 3:14 Referans Kwoze

1 Peter 4:8

Kümtsü nguno alau, kikimiye no axine kutomo nhavetsü cheni kehu aghüiloqhiyi lakhino lakhi kimiye kilelo.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

Kolosiami 2:2

tishianguno panongu mlo shikumtolu, kikimiye lo ghoküqha luno Alhouw tuqhou kighithi, ti ye Khristo, thebei eno kupukuno shi ithikuthulu penie.

John 13:34

Azakütsü kithe lakhi I no nongu tsü ani: nongu lakhino lakhi kimiye kilelo; I no nongu kimiye ketoi nongu ghi lakhino lakhi kimiyelo.

Rommi 13:8

Lakhino lakhi kimiye kile keu pi-agha kumo aye khuu laumu api pu kevilo, khuu no kütami kimiyelu cheni keno Ayezah shikupu luvae.

Ephesiami 4:3

aloino keu kütsügha lono Alhou Ghungu no küqhakulu tsükeu püxü nike alomsülo.

1 John 4:21

Ningu no Alhou launo azakütsü ithulu keu ye hike: khunono Alhou kimiye cheni keno pa thiküzümi ghi kimiye masae.

2 Peter 1:7

Alhou ithitoi keu gholo aküsami ivükile keu pesü veqalo, eno aküsami ivükile keu gholo kikimiye pesü veqalo.

1 Tim. 1:5

Ni yezah hipau kimji ye amlo kimthe ngo kiviküsa lotsü eno amlo tsüqhiyi keu küpülü lono ipeghi keu kikimiye hu hakutho niye ke.

1 Thes. 4:9

Athiküzümi kimiye kileni keu vehu lo khunomu nongu lau ye akepu vehu kühae, kughengu lakhino lakhi kimiye kileni keu ye Alhou no nongu shikavae,

John 17:23

I no panongu lolo, eno Nono I lolo, tishikeu lono panongu ye kupukülai kubocholu peni, tishianguno ayeghiqha pelo Nono I puwu eno Nono I kimiye ketoi panoqo kimiye cheni kepi ithi penie.

John 15:12

“I zakütsü ye hike, I no nongu kimiye ketoi nongu lakhino lakhi kimiye kilelo.

1 John 3:23

Pa zakütsü ye hike: ningu ye Pa Nu Jisü Khristo jelo pülübe eno Pa no aza ningu tsüve ketoi lakhino lakhi kimiye kile masae

IBRIMI 6:1

Tighenguno ningu abothu lo Khristo ghili pekishe chekeqo nguno alau tekhoike küdau wuni nolo, akithi kümla lono xaidelu keu eno Alhou lau aküpülü belu keu boqha qhakithe moni,

Ephesiami 1:4

kughengu ayeghiqha boqha ghomphi lono Pa no Khristo gholono ningu kishelu keu ye ningu pelo Pa zülo tukutiye kühano akimthe shipeniye ke. Kikimiye lono

1 John 3:10

Khunono Alhou nuli eno khunono tüghami nuli keno hipau lono michilu ani: achipiu-mikucho pesü xümo kemi ye Alhou laumi kumo, tike kumo athiküzümi kimiyemo kemi ghi Alhou laumi kumoe.