Kolosiami 3:1 - Sumi Naga CL (Re-edited) Bible (BSI)

¹ Tsala Khristo gholono nongu xüputhu püaghi aye, kungugha khile Khristo no Alhou u ajeu iqa ani keno, tilau thime akeqo shou nongu mlo belo.

BAIBEL (BSI)

¹ Nonguye Khristo gholono xuputhu puaghi aye, khilehi Khristo no Alhou u-ajeu akuka lakhulo iqa anikeno, ti kungughalo akeqo thime shou nongu mlo belo.

Sümi Tiqhelimi Bible

¹ Tishiaye nongu ye Khristo gholo xüputhuvea ke ghenguno, nongu mlo pesü kunguu Khristo no Alhou u ajeu iqa akeu thimeqo shou belo.

Kolosiami 3:1 Referans Kwoze

Rommi 8:6

Ashi küdau amlo tsükeu ye akithipue, ikemu Aghungu küdau amlo tsükeu no aküxüpu eno alokiqipu ke.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

2 Kor. 4:18

Ikehu ningu ye ithukulu thime shou kumono ithukümla thime shou jupuku acheni. Kughengu ithukulu thimeqo ye ado ikhonhei ghengu likhi, ikemu ithukümla thimeqo ye lhokta ghenguno ke.

Kolosiami 3:2

Ayeghi lo thimeqo shou kumono kunguu thimeqo shou kümsü pukulo.

MATTHEW 6:20

ikemu nongu ghenguno khile apila ngo ayisa no shipüsalu chemo eno küpkami no hepho ilo xülemla keno, kungugha lo nongu kini pekütsü lo.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

Luke 12:33

Nonguw tinhemghaqo jepe aveküsami tsülo. Nongu ampi sala kungugha lo pepüha moni keu kinibo, khile küpkami no ighimla eno apila no tsapüha mla keno, tilau pighi lulo.

LESHELE 16:11

Nono aküxüpu laghi I pelo ithilupe; O zülo alokivi no chhitoi ani; O u ajeu ye pülhapuju alokiqi acheni.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

Luke 22:69

Ikemu itehi Timi Nu ye Alhou küka kumto u ajeu küghüqa niae.”

Kolosiami 2:20

Khristo gholono nongu no ayeghi lo aghawuqo lau thive aghi aye, kushiye itehi ghi ayeghi laumi toi ayezah qhoqhü ghi—

IBRIMI 8:1

Ningu no pi akeu tsa akhotou ye hike: ningu ye kungugha lo Kükanguagha lakhü ajeu iqa akeu chinetou hitoike ani,

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

IBRIMI 10:12

Ikemu kughou Khristo no axine ghenguno alhokuthu ghenguno pephe tsüve keno, pa no Alhou u ajeu iqave,

MATTHEW 26:64

Jisü no pa vilo pi, “Nono pivae. Ikemu I no nongu vilo piani, hinguno hilauye Timi Nu no Akumtou u ajeu iqa no atsütsü lo khüngküsü lono ipe cheghi keu nongu no ithulu nani.”

Ephesiami 4:10

Khuu no aqhou iqi keno Pa no kunguu yepu-yesü hechesü ti kümtsü shepichhi tsüniye akiqhe-a lo ikue.)

Mark 14:62

Jisü no khochile, “Iyei, eno nongu no Timi Nu Aküka kughushuu u ajeu iqa no kungugha lo khüngküsü lono chekeu ithulu nani.”

IBRIMI 1:13

Itaghi Alhou ye Paw kungumi dolo khuu vilo ishi pi püania, “I no o ghümi pesü o pukhu kinepu-a shitsü moke kutolo I u ajeu iqalo”?

Apostolmi 2:34

Kughengu David ye kungugha lo ikumo ikemu pa ampi no pike, “‘Ampeu no I Mpeu vilo pi, I u ajeu iqalo,

Luke 20:42

Kughengu David ampi no Leshele kaku lo ishi pi püanie, “‘Ampeu no I Mpeu vilo pi, “I no o ghümi pesü o pukhu kinepu-a shitsü moke kutolo Iw ajeu iqalo.”’

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

Mark 12:36

David ampi no Aghungu Kimthe vecheo ishi shuphe keghi, “‘Ampeu no I Mpeu vilo pi, “I no o ghümi pesü o pukhu qholo qhitsü moke kutolo I u ajeu iqalo.”’

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

Apostolmi 7:55

Ikemu pa ye Aghungu Kimthe no chhitoipe atsütsü lo jupuku no Alhou juküvü ithulu, eno Alhou u ajeu Jisü puthugho akeu ithulue.

MATTHEW 22:44

“‘Ampeu no I Mpeu vilo pi, “I no o ghümi pesü o pukhu qholo qhitsü moke kutolo I u ajeu iqalo.”’

AHOLE 15:24

Lotsü-loghümi ye aqhou Kithigha laghi lono tsüghüsü kunguu aküxüpu lalo wuve cheni.

LESHELE 110:1

Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”

YETSAPIU 10:2

Alokütsümi mlo no ajeu küdau pa sawu cheni, ikemu mbomzümi mlo ye piyiu tsüghüve cheni.

Ephesiami 5:22

Anipuqo, Ampeu lau toi nongu kimiqo qhoqhü lo.