Kolosiami 2:7 - Sumi Naga CL (Re-edited) Bible (BSI)

⁷ pa gholo akuhu qüsü no shiqhe pukulo, eno nongu shikave ketoi aküpülü shikumto luno shikimthikütsü no qochili alo.

BAIBEL (BSI)

⁷ Pa gholono nongu kuhu qusulo, nongu kuxu shiqhepuku chelo, nongu kutsupiyeve ketoi akupululo mutotoi thuwululo eno shikimthi keuno qochili alo.

Sümi Tiqhelimi Bible

⁷ Pa gholo nongu kuhu qüsülo eno nongu küxü shiqhepuku chelo, eno nongu kütsü pìyeve ketoi aküpülü lo akumto shilo eno shikimthi keu no qochili alo.

Kolosiami 2:7 Referans Kwoze

Ephesiami 3:17

tishianguno aküpülü vecheo Khristo no nongu mlo lo ngolu peni, eno kikimiye lo akuhu qüsüpe mtotoi luno nongu no

JEREMIYA 17:8

Pa ye azü phivilo asübo shosü püakeu toi, ti ye aghoki lo azü no akuhu pütsütsü cheni, akülü tsala ighimu msamoe, pa nipa ye xüthilei acheni, ti ye züha mpe lomu mlomoe, ti ye axathi pithi tave chemoe.

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

2 Thes. 2:17

Pa no akümla eno atsa kivi pesü nongu mlo lokughuno tsüno shikumto tsü apeniu.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

Ephesiami 5:20

Alhokuthu lo thokha kümtsü ghenguno ni Mpeu Jisü Khristo je lono Apu Alhou lau shikimthi tsülo,

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

LESHELE 92:13

Panongu ye Ampeu kilo asübo shosü püake toi nani panongu ye ni Lhou chineki lo ikoishe nani.

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

1 Thes. 5:18

atüqhüdo kümtsü lo shikimthi tsülo, kughengu Ampeu Khristo Jisü gholo hi no nongu ghenguno Alhou pulou ke.

Luke 6:48

pa ye timi lakhi no aki shikelo ayeghi thonhei chhusü no atu shou aboqha shike toike. Kughou atshünazü ighi keno, züqozü ghoki no aki tipau lo chhepuku kemu ti ye akivishi mlapüa kehu süküghütha mlae.

Ephesiami 4:21

Nongu ye mtsüqheino Pa ghili chiluvae, eno kuchou huno Jisü lau aketoi Pa launo nongu shika puthu luvae.

Jude 1:20

Ikemu kimiye chekeqo, nonguw shishe akimthe küpülü shiqhe puku eno Aghungu Kimthe lono inikhu keu vecheo,

2 Kor. 1:21

Alhou no ningu eno nongu pesü Khristo gholo kütshükime lupe, Pa no ningu nukishe,

Jude 1:12

Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;

1 Kor. 1:8

Pa no ashekha kutolo nongu shikumto no ni Mpeu Jisü Khristo tsala lo küqü mono aghi penani.

IBRIMI 13:9

Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.