Kolosiami 1:16 - Sumi Naga CL (Re-edited) Bible (BSI)

¹⁶ Kughengu pa vecheo kungugha lo eno ayeghi shou, ithukulu eno ithukümla, kükalakhü, kükaqha, yepemi, kükagha kipemi—thokha kümtsü pa vecheo eno pa ghenguno lhoke.

BAIBEL (BSI)

¹⁶ Kughengu pa su-puzu kungughalo, ithukulu, ithukumla, akuka lakhu, ayehkipe qha, ayehkipemi eno ayehkipeqo namu kumtsu Alhou no lhopheke. Thwokha pano lho eno pa vehupu ghenguno lhopheke.

Sümi Tiqhelimi Bible

¹⁶ Kughengu pa vechewo thime kümtsü lhophe ke: kungugha lo eno ayeghi shou thimeqo, ithukulu eno ithukümla, aküka lakhü momu ayekipeqha momu ayekipemi momu kükagha pe akemi shi aghí namu; thime kümtsü pa vechewo eno pa ghenguno lhosü tsü.

Kolosiami 1:16 Referans Kwoze

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

John 1:3

Pa vecheo thokha lho eno Pa sümo keloye kiumu lho püamoe.

1 Kor. 8:6

ikeghi ningu ghenguno Alhou ye lakhi likhi, Pa ye Apu, thokha Pa launo ighi eno Pa ghenguno ningu ye xüani, eno Ampeu lakhi likhi, Pa ye Jisü Khristo, Pa vecheo thokha ani eno Pa vecheo ningu ye xüani.

IBRIMI 2:10

Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.

YEKIKITHI ATUGHIU 29:11

Aküka kumto kuloghi, ajuküvü, tokulu, akükanguagha ye Ow ke, O Ampeu, kughengu atsütsü eno ayeghi lo akeu thime kümtsü Ow ke. Ayekipe ghi Ow, eno O pesü kümtsü shou yepeu shiküzüe.

IBRIMI 1:2

ikemu hi ashekha ghuloki loye Pa no khuu vecheo ayeghiqha pulhosü no thime kümtsü shou amheghi kiyighiu shi peniye kishephe keno, Pa Nu vecheo ningu pütsae.

Ephesiami 1:10

Ti ye ado achipi lono kungugha eno ayeghi lo Pa no pulhosü keu kümtsü pesü Khristo lau kütshükime tsünike kughu püakeu ke.

ISAIAH 44:24

Ampeu khuu no atita lono nongu lhophe keno, nongu Xachilekuluu no piani: “Ni ye Ampeu, I no thokha kümtsü lhophe ke, I likhi no atsütsü sükhope qhi, I likhi no ayeghi xakhope qhie.

AHOLE 16:4

Ampeu no mla püakeu kümtsü akimji ani, kixikilamiu ghi küghakütha tsala ghenguno qhipüani.

Kolosiami 1:15

Pa ye ithukümla Lhou jukimihi, pulhoküsü kümtsü dolo amsüu.

Kolosiami 2:10

eno nongu ye pa launo chhikhoi luvae, pa no ayekipe eno kükagha kümtsü shou akütsü ke.

ISAIAH 43:21

Timi tipaqo ye I no I sala shi lhophe keqo, tishianguno panongu pelo I sheqhe shipili peniye ke.”

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

FILIPIAMI 2:10

ikehu kungugha eno ayeghi lo ngo ayeghi qhou akemi kümtsü no Jisü je kukelo qhoqhünhe masa nani,

Kolosiami 1:20

eno ayeghi lona kungugha lomu Anu vecheo thokha Pa lau alupekili niye kros lono pa ji pele keu vecheo külashi tsüe.

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

Kolosiami 2:15

Pa no yepemi ngo aküka jeli liluve tsüno panongu shou toluve keu vecheo ikhikiphe shi panongu shikujove.

Ephesiami 6:12

Kughengu ningu ye timi sasü kumono yepemi, atomi, hi aküzü yeghiqha eno atsütsü lo aghaküsa ghawu kükaqo sasü küpüghü ani.

Rommi 8:38

Kughengu I no mtsüqheilu anike akithi na aküxü namu, kungumi na yepemi namu, itehi akeu thimeqo na ighini keu thimeqo namu, aküka jeli na,

NEHEMIA 9:6

“O likhi no Ampeu ke; Nono kungugha eno atsütsü, aqhi ayepu, ayeghi eno tile thokha thime, azüghi eno alou thokha thime, kümtsü lhoke; Nono ti kümtsü püxüpe qhike; eno kungugha lo aküka jeli no O mllae.

John 1:10

Pa ye ayeghi lo ae, eno ayeghiqha ye Pa vecheo lhoke, ikeghi ayeghi lomi no Pa ithimoe.

Rommi 9:5

Alhouw tushokiqhi pekibe ighi keu ye panongu puasüqo ke, eno ashi kiqi lono pini aye, pano kuhu-aghü lono Khristo ighi, Pa ye kümtsü shou Alhou, alhokupuju sheqhe akepue, Amen.