Kolosiami 1:14 - Sumi Naga CL (Re-edited) Bible (BSI)

¹⁴ Pa launo ningu ye xachilekulu, axine qhikütsü ithulue.

BAIBEL (BSI)

¹⁴ pa gholono ninguye xachile kulupushi axine pevetsukeu anie.

Sümi Tiqhelimi Bible

¹⁴ pa vechewo ningu ye xachilekulupu shi axiné pevetsü keu ani.

Kolosiami 1:14 Referans Kwoze

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

IBRIMI 9:22

Kuchou no Ayezah qholo ye thokha aji pesü shikimthe che, eno aji pelemo keloye axine qhikütsü kühake.

IBRIMI 9:12

Pa ye anetsü ngo aneti ji pesü ilomoe, ikemu pa ampi ji pesü ghuthu khavino kümtsü ghenguno Shishe Akimthe-a lo ilo no lhokta xachile kulupu pesü ni tsüke.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

MATTHEW 20:28

Timi Nu thotsü huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

LESHELE 130:4

Ikemu O lau ye akipimi qhikütsü ani, tishino O sümsa peniye ke.

1 John 2:12

Anuliqo, ni ye nongu lau ye ani, kughengu Khristo je lono nongu xine ye qhive tsüae.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

1 Tim. 2:6

pa no pa ampi pesü kümtsü ghenguno xakipheme shi tsüve, tino atüqhüdo achipi lono ashepe shi tsüke.

Kolosiami 2:13

Nongu khunoqo axine eno aphighüyiko ghamo keu lo thi ache keno, Alhou no ni xine kümtsü qhive tsüno Khristo gholono xüputhu tsüke,

Ephesiami 4:32

Lakhino lakhi lau amlo qhaqhilei eno mtshaivü lo, Alhou no Khristo vecheo nongu kipimi qhivetsü ketoi nongu lakhino lakhi kipimi qhitsü kilelo.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Apostolmi 10:43

Pa pülü kemi kümtsü no pa je vecheo axine qhikütsü ithulue pi tungkupmi kümtsü no pa shepe shipüani.”

Kolosiami 3:13

Lakhino lakhi lau kheakulu shino mopi kepu aghi namu akipimi pevetsü kilelo, Ampeu no nongu kipimi qhive tsüke toi nongu ghi lakhino lakhi kipimi qhitsü masae.

Apostolmi 2:38

Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Piyeküsü 14:4

Timi hipaqo ye totimi sasü kikivi püamo kemi, kughengu panongu ye athathe aphie. Ambeti no khile khile wumu papeche keqo ye hipaqo ke. Hipaqo ye timi kümtsü gholono Alhou eno Ambeti lau amsüu xathi shi xachile luve keqoe,

Luke 5:20

Kughou Jisü no panoqo küpülü ithulu keno, pa no pi, “Athiküzüu, o xine qhive tsüae.”

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.