Kolosiami 1:13 - Sumi Naga CL (Re-edited) Bible (BSI)

¹³ Pa no aküzü yekipeqha lono ningu xaphelu no petsüghü sawo Pa qhuu Nu yekipe lo ighike.

BAIBEL (BSI)

¹³ Kughengu pano akuzuno qhasupe akeu lono ningu xapheluke eno Anu pano qhuyivulai chekeu yehkipe qholo ningu sasu ighike,

Sümi Tiqhelimi Bible

¹³ Kughengu pa no àküzǘ kükaqha lono ningu xaphelu no pa no kimiye chekeu Nu kükaphu lo ningu sasü ighike,

Kolosiami 1:13 Referans Kwoze

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Ephesiami 5:8

kughengu ghuthu lakhi lo nongu ghi aküzü lo ache, ikemu itehi ye Ampeu lau aküvü lo auve akehu aküvü nuliqo toi chechelo.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

Ephesiami 6:12

Kughengu ningu ye timi sasü kumono yepemi, atomi, hi aküzü yeghiqha eno atsütsü lo aghaküsa ghawu kükaqo sasü küpüghü ani.

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

Ephesiami 4:18

Pano kükümsü ye aküzü lo ani, eno amlo kümka lono kiumu ithini shimo kehu mbomzü shi Alhou no tsükeu küxü lono kütüta shivae.

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

1 John 3:14

Ningu ye akithi hechesü aküxüpu lo ipeghivae pi ithi ani, kughengu ningu no athiküzümi kimiye acheni ke. Khunono kimiye kile chemo keno akithipu lo anie.

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

1 John 2:8

Tishimu I no nongu lau hipau ye akeu ye azakütsü kithe ghike, ti ye Khristo küdau pina nongu küdau pimu kuchoue, kughengu aküzü ye wove chea eno kuchou küvü huno phuphushi ayae.

2 Peter 1:11

Kughengu hitoi shikeu lono nongu pelo ni Mpeu eno Xakuluu Jisü Khristow lhokta yekipe lo ilolu penike nongu ghenguno akulaghi ililai shi khaqhitsü nani.

Luke 13:24

“Müamzü no mghüghüi keu hukikha lono iloni keu shilo. Kughengu I no piani, kutomo no ilo niye pükapütsa nani kemu shimla nani.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

Luke 22:53

Kughou I no tsalakipe nongu gholo achineki lo akeno nongu ye I küghamoe. Ikemu hi ye nongu tüqhüdo ae eno aküzü küka ake.”

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

ISAIAH 53:12

Ikehu I no kiqhe-kighemi gholo asaje kothape Pa tsü nani, eno pa ye akumtomi gholo asaje anani, ti ye pa no pa ngulho ikhiphe pesü akithi lo tsüve kehu eno axine shive kemi gholo Pa kihisüve kehue; pa no timi kutomo xine puluve tsüke, eno panoqo xine pevetsü penike inikhu ke.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

John 3:35

Apu no Anu kimiye eno thokha kümtsü pesü pa u lo süvetsü.

ISAIAH 60:2

Julo, aküzü no ayeghi nhaluve nani, eno aküzü kutho no timiqo nhaluve nani, ikemu Ampeu no nongu shou yepüvü nani; eno Pa juküvü nongu shou akeu ithulupe nani.

2 Kor. 11:14

Akümza akepu kühae, kughengu Satan ghi aküvü lo kungumi ghilishi cheni.

Ephesiami 5:5

Nongu no hi thebeilu nani ke küsalhami, mithekumomi momu alakimnemi (ti ye, ajulho kümllau) ye Khristo eno Alhou yekipe amheghi ithulumo nani.