Jude 1:8 - Sumi Naga CL (Re-edited) Bible (BSI)

⁸ Titoi timi hipaqo ghi pano samo pükhüpe aphimpi shipixi, yepemi milive eno ajuküvüpu timiqo thaigha ke.

BAIBEL (BSI)

⁸ Titoi, timi hipaqoye pano samo-pumo akelauye pano phimpi shou axine shiwuve cheni; panonguye Alhou yehpe lakha cheni eno kunguu akimthe jukuvumiqo thaigha cheni.

Sümi Tiqhelimi Bible

⁸ Tipau tho lono, alhou kümthami hipaqo ye panongu samoqo kumto pükhü pesü panongu likhi panongu phimpi shikuchube, kükagha milive eno kungugha lo küamiqo shou pipütha puku cheni.

Jude 1:8 Referans Kwoze

IBRIMI 13:17

Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.

1 Peter 2:17

Timi kümtsü gihulo, aküsami küpülümi kimiye lo. Alhou msalo. Yepetou gihulo.

1 Tim. 1:10

kipti toti dolo mithekumo, kiptimi no kiptimi sasü shupu kemi, timi kügha sawo aqüaxe shiche kemi, kimkimi, akimki shepe shikemi, eno kiu kiumu kuchou kükütsü nguno bidelau akemi ghenguno ayezah mla püani,

Apostolmi 23:5

Paul no pi, “Athiküzümiqo, pa ye achinetou kepi ni ye mthae, kughengu ishi yepüani, ‘Timiqo shou yepemi vilo alhoksa tsa pimoni.’”

YETSAPIU 10:20

O kükümsü lonomu akükau ghusho kevilo, momu o chebo lonomu kinimi ghusho kevilo, kughengu aghau ngo achishibo kupu lhoxü no o tsa pesü pive tsü nani.

IPEKULU 22:28

“No ye Alhou thaigha moni, momu now timi sakiphemi ghusho moni.

1 Kor. 3:17

Khunono Alhou chineki kütsaveni keno Alhou no pa kütsave nani. Kughengu Alhou chineki ye akimthe eno nongu no tipau chineki ke.

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

Apostolmi 7:39

Ni puasüqo no pa gholuni ke pulomo no pa kopheve, eno pano mlo ye Egypt lou idewove.

Apostolmi 7:27

Ikemu pama dolo akumou shi akeu no Moses tuha puwuve no pi, ‘Khuu no o pesü ni yepeu eno xaküthau shive akea?

Luke 19:14

Ikemu pa ghakhumi no pa mithi chekehu aghinimi khami pa thiu no puwu no atsape ishi tsü, ‘Ningu ye timi hipau pelo ni shou ayepe penishi amoe.’

AHOLE 30:17

Apu jukünatha eno aza thaigha chekeu nhethi ye akhila lo aghaqo no mighijo pewuve tsünani eno küzüva lhuquqo no chuve nani.

AHOLE 30:11

Timi khami ye papu ghusho eno eno paza akishe tsü chemoe.

AKIKIHI 16:3

Panongu no Moses ngo Aaron zülo kumqo luve püzü pama vilo pi, “Nokujo ye ihulovae! Kughengu ahohomi kümtsü no akimthemi ke eno Ampeu ye ningu kümtsü gholo anie. Tighenguno nokujo ye kushiye nokujo likhi nokujo pesü AMPEUw ahohomi kütamiqo nguno akiqheu kepi pükha ani kea?”

BOTHUBO 3:5

Kughengu Alhou no ithi anike kughou nokujo no hipau chuni keno, nokujo nhethi ye khaqhive nani, eno nokujo ye Alhou toi, akivi ngo alhoksa ithive nani.”

Luke 12:11

Kughou timiqo no nongu sünhepe sinagog lo, momu yepemi eno küghaküthami lau sawuni keno, nongu ye kishi nongu süshoni momu kiu pini kelapi amlo kütakihi kevilo,

Luke 11:25

Pa no ighi kelo aki huye khuve no kithikiyi aghi.