Jude 1:7 - Sumi Naga CL (Re-edited) Bible (BSI)

⁷ Sodom ngo Gomorrah eno hokümxa lo mishighünaqo lo ghi ashupu asalha eno ashiaji pulou phukeu lono lhokta mi pesü aghime tsükeu huno kichekipiye shike.

BAIBEL (BSI)

⁷ Sodom ngo Gomora eno tipau sukumxalo aphughi akeqo kumsululo. Timi tile akeqono kungumi hupaqo toi shike, panonguno kipitimi totimi dolo mithemokeu eno chighichilai keu shike, alhomi pesu panongu shou aghime tsukeu huno kumtsu zulo kichekipiyeke.

Sümi Tiqhelimi Bible

⁷ Tipau ghola lono, Sodom ngò Gomorrah eno tipau sükümxa lo mishiphuqo ye kipito xüküpsa ngò kimthe kumo lau panongu likhi panongu pesü tsüke. Panongu vechewo no lhokta miyizü ghime kütsüw kiche-kipiye lakhi shitsü ke.

Jude 1:7 Referans Kwoze

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—

2 Peter 2:6

tsala Sodom ngo Gomorrah phughiqo pesü ayevu kughulhove tsükeu lono panoqo püghavetsü, eno pano pesü Alhou kümthami lau kiu ighi nani keno kichekipiye shi püaghi aye;

BOTHUBO 18:20

Tishino Ampeu no pi, “Sodom ngo Gomorrah shou ngukube igha keu no kije shivae eno panongu xine no kuthoküzü shive akehu,

Luke 17:29

ikemu kughou Lot no Sodom lono ipeve keno, tipani kungugha lono ami ngo atu toikeu ghuqhi no kümtsü püghave.

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

JEREMIYA 50:40

Alhou no Sodom ngo Gomorrah eno tipa sükümxa lo mishighünaqo kütsaleve kelo toi milakhimu tile küghüna kithemo nani, ipi Ampeu no sheshu.

BOTHUBO 13:13

Sodommi ye küsakügha, Ampeu shou axine kije shiche kemie.

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

ISAIAH 1:9

Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

AMUS 4:11

“Alhou no Sodom ngo Gomorrah kütsave ketoi I no nongu khami kütsavae, nongu ye amiphoki lono amsü püxü phelu ketoie; ikeghi nongu ye I lau ideighi moe,” ipi Ampeu no pi.

BOTHUBO 19:5

Eno panongu no Lot kuno pi, “Itiji o lau ighi kemi ye khile ani kea? Ningu lau pama saipeghi lo, tishianguno nino pama ithinie.”

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

ISAIAH 13:19

Chaldeami juaje eno qheküzapu, kükaqha dolo jukighilepu Babylon ye Sodom ngo Gomorrah toi Alhou no kütsaleve nani.

MATTHEW 11:24

Ikemu I no nongu vilo piani, küghakütha tsala lo Sodom yeghi no nongu nguno aghime puqhekulupu shinani.”

JEREMIYA 20:16

Timi tipau ye Ampeu no küpümo no mishighünaqo haleve ketoi pelo; pa pelo inaqhe aküqa chilu pelo eno puchou kütüghü keu sütsa chilu pelo,

AKUMLO 4:6

Kughengu Iw timi nga ghime keu ye Sodom ghime nguno akijeu, ti ye khunomu li kuphu mono ghuthu khavino kütsave.

ISAIAH 33:14

Zion lo axinemi, mithekumomi ye thüthüshi akümsa no tshüluvae. “Ningu khuu no ami lo ngoluni kea? Khuu no alhomi lo xüluni kea?”

KUKAMI ATUGHIU 22:46

Pa pu Asa ghuloki lono kiptimi kütüqha kemi haphe khakumo akeu pa no kümtsü shipühave tsü.

MATTHEW 10:15

Kuchou no I no nongu vilo piani, küghakütha tsala lo Sodom ngo Gomorrah ghimeu no tipano ghami nguno puqhekulu shinani.

2 Thes. 1:7

eno aghime sholu akemi ngo ningu lau ghi Pa no alokughuno tsü nani. Hi ye kungugha lo Ampeu Jisü, Paw kungumi akumtomi gholo pephe kelono tishi nani.

2 Thes. 1:8

Pa no amiküqü pesü Alhou mtha kemi eno ni Mpeu Jisü tsakiviu gholumo kemi shou amkhülu nani.

2 Peter 2:2

Kutomo no ashi lo pitipüza keu pape wuve no tipaqo ghenguno kütami no kuchou laghi pipütha nani.