Jude 1:3 - Sumi Naga CL (Re-edited) Bible (BSI)

³ Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.

BAIBEL (BSI)

³ Kimiyechekemiqo, niye tolukivi thaqhu pukaputsa puzu ningu ghenguno xakulupu aqu shiakeu ghili pesu nongu lau yelu akeulo, nongu vilo Alhou no ghuthu khavino kumtsu ghenguno akupulupu pawu timiqo tsupe puakeu hu nonguye tipau susho masakepi qhuiniju ani.

Sümi Tiqhelimi Bible

³ Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.

Jude 1:3 Referans Kwoze

1 Tim. 6:12

Akivishi aküpülü ghüshi shilo. Lhokta küxü tsüqülu lo, thopimi kutomo zülono nono mtsüqhei piphe püakeu, o kulu keu kimji ye tike.

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

Jude 1:20

Ikemu kimiye chekeqo, nonguw shishe akimthe küpülü shiqhe puku eno Aghungu Kimthe lono inikhu keu vecheo,

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.

Titus 1:4

Aqü küpülü kiqi lono I nu kuchou shi chekeu Titus lau: Apu Alhou eno ni Xakuluu Jisü Khristow küpükini eno aloino keu tsü ani.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

2 Tim. 1:13

Khristo Jisü gholo aküpülü eno kikimiye akeu vecheo, nono I launo chilu püakeu kuchou tsaqo papelo.

1 Tim. 1:18

I nu Timothy, inahuu tungkuptsa no o miji no pi püakeu kiqi lono I no hipau za o tsüani, tishikeu lono o pelo akivishi aghüshi,

Galatiami 2:5

Ikemu ningu no asüchedo lakhimu panongu phesümoe, tishianguno kuchou tsakiviu nongu ghenguno püxüpe püatsüni kehue.

IBRIMI 13:22

Athiküzümiqo, Iw shikumtotsa initsü lopi I no nongu hakite ani, kughengu ni ye ikhonhei shi nongu lau yepuwu anike.

Apostolmi 9:22

Ikemu Saul ye alau akumto shiuve, eno Damascus lo Jewmi vilo Jisü ye Khristo kepi thebei pi kelo panongu ye pa lamlave.

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

ZAKINIU 9:10

Ampeu no atupha kini Alhou uloti no yepuku keu I tsü, eno tiküma lo yepuku püaghi keu ye, nongu no naghuto philo kumqo ke tsalani Pa no ami lono nongu vilo pikeu tsaqo ke.

1 Thes. 2:2

Ikemu nongu no ithi aketoi, Philippi lo ningu ghimeqhi eno akukujopu shi peitha namu aküpüna kitikhi lono nino Alhou lau amlo kumto shino Alhou tsakiviu nongu lau pikülha ke.

1 Kor. 15:3

Kughengu I no kiu ithulu keno ti ye ighono akhotou kepi nongu lau ikhiphe tsü: ti ye Kuchoyesü kiqi lono Khristo no ni ghenguno thive tsü,

Apostolmi 4:12

Xakulupu ye khuu lau nomu ithumla nani, kughengu ningu xaluni ke atsütsü qholo aje hinguno kütau timiqo lau tsü püamoe.”

Apostolmi 18:28

kughengu pa no Kuchoyesü vecheo akumtoshi Khristo ye Jisü kepi mishi zülono Jewmi ghechile.

Apostolmi 17:3

Khristo ye imeve no akithi lono ithughi masa kepu shive keu hepho piye no pi, “Hi Jisü khuu I no nongu lau sheshu ani keno pa no Khristo ke.”

Jude 1:17

Ikemu kimiye chekeqo, nongu ye ni Mpeu Jisü Khristow apostolmi no pichhotsü keqo kümsüchile lulo.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

1 Peter 5:12

Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

Kolosiami 1:2

Colossae lo Khristo küpülümi eno pükhükulumi athiküzümi lau: Ningu Papu Alhou launo küpükini eno aloino keu tsü ani.

FILIPIAMI 1:1

Khristo Jisü qüaxemi, Paul ngo Timothy, no Philippi lo küpülümi khunoqo Khristo Jisü laumi shino akukuho lo kichimi eno deaconmi gholo akhani keno kümtsü lau ye ani.

Ephesiami 1:1

Alhou kupulo lono Khristo Jisüw apostol Paul no Ephesus lo küpülümi Khristo Jisü sasü lakhi shive kemi lau:

Galatiami 6:11

I u no kiyethi kijeshi nongu lau ye akeu julo.

Apostolmi 28:28

Tighenguno hi ithilo, Alhouw xakulu huye Jewkumomi lau puwuvae; panongu no chilu nani.”

Apostolmi 20:27

Kughengu Alhou kimji kümtsü pesü nongu vilo pikülha nike ni ye süchile püamoe.

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

NEHEMIA 13:25

Ikehu I no tipaqo ighono sakiyi no panongu ghushoqhi, eno khami ye heqhi no asa phivetsü. Tishino I no panongu vilo Alhou je lono ashoqhi shipe, “Nongu ye khilemu nongaqo pesü pano pumi lau küla puwo moni eno nongu nu momu nongu ghi pano ngaqo sasü akibo moni.

ZAKINIU 21:9

Hitoi Ampeu zülo kiu no achipi keno ti shikeu lono pimiha ji peleve keu xine nongu dolono shipühaveni.

Apostolmi 6:7

Alhou tsa alaushi ikowove, Jerusalem lo akhopemi kikihi shishe küghüsüve, eno achinemi kutomo no aküpülü khuaye ikhiluve.

Apostolmi 9:13

Ikemu Ananias no khochile, “Ampeu, timi hipau no Jerusalem lo kishi Ow küpülümi ghime ani keno, ni ye timi kutomo launo chiluvae.

IBRIMI 6:9

Kimiye chekeqo, nino hipa gholau no pi animu nongu vehu loye hinguno akiviu—xakulupu thebei ani.

2 Peter 2:21

Timi hipaqo no amikucho laghi ithive püzü akimthe zakütsü panoqo tsükeu launo idewove keu ye inahuu no amikucho laghi ithi move keu pavini cheke.

Jude 1:1

Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani: