JOYIL 2:21 - Sumi Naga CL (Re-edited) Bible (BSI)

²¹ “Msa kevilo, O ayeghi; amlokiqi shino alovi lo, kughengu Ampeu no thime kije shive tsüae!

BAIBEL (BSI)

²¹ ‘Aluzaqo, musa ichi kevilo, ikemu alokivishi amloqilo kughengu AMPEU no nongu ghenguno hikumtsu shivetsuake.

JOYIL 2:21 Referans Kwoze

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

ISAIAH 35:1

Yenguyi eno qhaike yeghi no alovi nani eno axamunu toi pule nani;

SAMUEL ATUGHIU 12:16

Tighenguno itehi inaqhoi puthugho lo eno thime kije hipau Ampeu no nongu nhethe lo shiniye akeu julo.

ZEKHARIA 8:15

hipa ghuloki lo ghi I no Jerusalem ngo Judah lagha lau akivi süghini ye kughuvae; msa kevilo.

JOYIL 2:20

“I no ahuumi hape nongu launo putou qhai eno yenguyi keu yeghi lo puwuve nani, paw amihemi pesü kipela züghi lo eno ashekhami no kulola züghi lo vesüve nani; Pa kumo no tsümüna ipeghive nani, kughengu pa no alhoksa kümla kije shive kehue.

SAMUEL ATUGHIU 12:24

Ampeu sümsake likhi shilo eno nongu mlo kuchopu no pükhü kulupu shi Pa qelo. Kughengu Pa no thime kije kiu nongu ghenguno mlatsü keno kümsüju lo.

ZAKINIU 4:32

“Wove keu tsala lo nongu punu mphilo tsalaqo lhejulo, Alhou no ayeghi lo timi lhoke tsala lono ishi kutolo lhekide julo, eno kungugha halau no halau kutolo lhejulo, khilemu hitoi ke kümla kije shipüani kemo kea, momu chilu püani kema?

LESHELE 98:8

Aghokiqo pelo panoqo u kukhu pelo; atoghiqo pelo kümtsa alokivi shi

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

HOSIYA 2:21

“Tipani I no khochile nani, Ampeu no shuphe ani, I no atsütsü khochile nani, panoqo no ayeghi khochile nani,

ISAIAH 44:23

O atsütsü, ale phelo kughengu Ampeu no hi shivae; O aqokutho, ighamku lo! O naghuto, O aghasü eno asübo kümtsü alokivi le phelo! Kughengu Ampeu no Paw timi Israel xalu eno ajekipi shinani.

ISAIAH 55:12

“Kughengu nongu ye alokivi lono ipeve nani ke; eno aloino keu lono saipeve nani; naghutoqo ngo atoghi nongu zülo akeqo no vekipighi ale phenani, eno aluza lo asübo kümtsü no panongu u kukhu nanie.

LESHELE 71:19

O Alhou, O chipiu mikucho ye kungugha kutolo to ani. No khuu thime kije mlave akeno, O Alhou, O toike khuu ania?

JOYIL 2:26

“Nongu no kupukuno shi chuno aghapiqilu nani, eno Ampeu nongu Lhou khuu no akümzapu shi nongu lau mla keno, Pa je sheqhe nani. Eno Iw timi ye khilemu shikukujo kitheve monani.