JOYIL 2:19 - Sumi Naga CL (Re-edited) Bible (BSI)

¹⁹ Ampeu no Paw timiqo khochile no pi, “Julo, I no nongu lau athi, atsaizü, eno thazü puwu tsü ani, nongu no aghakiqi shilu nani; eno Ni ye nongu pesü shiyeqo zülo atichepu shive pemoae.

BAIBEL (BSI)

¹⁹ AMPEU no pawu timiqo putsachile pi, “Itehiye ino athi ngo atsayiji eno oliv teli nongu tsuni cheni eno nonguye aghakiqi shi nani. Ashiayeh kutamiqoye nongu jukunatha kithemo nani.

JOYIL 2:19 Referans Kwoze

EZEKEL 34:29

I no panoqo ghenguno akighiche ghutu tsü nani tishikeu lono panongu ye pano yeghi lo akhüava shimo, eno shiyeqow küthakügha xapumo nani.

EZEKEL 36:15

I no nongu pelo shiyeqow küthakügha chilu pemove nani, nongu ye ashiayeqow küthakügha xapu move nani eno no shiye pelo küpxalu pemo nani, Ampeu Alhou no asheshu.”

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

JOYIL 2:24

“Aniqa lo athi no chhive nani; atughukoqo lo atsaiji ngo thazü no yeli-qole nani.

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

JOYIL 1:10

Aluzaqo ye kütsavae, ayeghi no mloqa ani, kughengu athi ye kütsa khavae, atsaiji no qhaivae, thazü no hailovae.

HOSIYA 2:15

Tilauno I no li tsailu tsüchile nani eno Achor Khila pe lajupu hukikha shitsü nani. Tilauno li lhothe ghuloki lo toi, Egypt yeghi lono ipeghi kelo toi li no khochile nani.

EZEKEL 39:29

Kughou I no Israel kibolomi shou I ghungu lepukuni keno Ni ye panoqo launo khilemu I gi küsüve monani ipi Ampeu Alhou no asheshu.”

ACHINE 26:5

Now ghile no pofushi atsaithi ghile kutolo pekütsü khamla nani, eno atsaithi ghile no ghixu kutolo pekütsü khamla nani. Nongu ye kupukuno shi chusho no sükusho lono no yeghi lo xülu nani.

HOSIYA 2:21

“Tipani I no khochile nani, Ampeu no shuphe ani, I no atsütsü khochile nani, panoqo no ayeghi khochile nani,

HOSIYA 2:22

eno ayeghi no athi, atsaiji eno thazü khochile nani, tipaqo no Jezreel khochile nani,

ZAKINIU 11:14

Pa no nongu yeghi ghenguno atusho kiqi lono, tixi eno ghixu tsütsüghu tsü nani, tishianguno nongu no athi, atsaizü eno thazü ililai ithulu nani,

RUTH 1:6

Tileno li no li mukishiu pama sasü Moab ghakhu lono idewo niye kutove, kughengu Ampeu no Paw timiqo xuju no achuqupu tsü anie pi li no Moab luza lono chilue.

EZEKEL 36:29

I no now mithekumo lono nongu xalu nani. I no ashothi kupukuno shi nongu tsü nani eno püqümiye kiumu nongu shou bemo nani.

EZEKEL 36:30

I no asübo lo axathi eno aluza lo tüxatini kupukuno shi ikoishe lupe nani, tishikeu lono nongu ye khilemu shiyeqo gholo püqümiye kukujopu shimo nani.

ZEKHARIA 8:12

Kughengu külakishi xusüni keu do ighi nani. Atsaibo no axathi pithi nani, ayeghi no tüxatini ipeghi lupe nani, eno atsütsü no atsüzü tsü nani. Ghükulumi hipaqo pelo thime hi kümtsü ithulupe nani.