JOYIL 1:19 - Sumi Naga CL (Re-edited) Bible (BSI)

¹⁹ O Ampeu, I no O ku anie. Kughengu ami no yenguyike-a lo achu kümza-a pitive tsüae, eno ami mili no aluza lo asübo kümtsü pitileve tsüae.

BAIBEL (BSI)

¹⁹ O AMPEU, ino ovilo ighamukuke, kughengu achukumzapu eno asuboqoye amino tipaqo pitive keshi thi zummuyi khavae.

JOYIL 1:19 Referans Kwoze

JEREMIYA 9:10

“I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

AMUS 7:4

Ampeu Alhou no kiu I piye keno hike: julo, Ampeu Alhou no ami pesü küghakütha shiniye kusü ae, eno ami no akuthoku kije eno ayeghiqha pitile ae.

MICAH 7:7

Ikemu I ghengu ye, ni ye Ampeu lau jupuku anani; ni ye Alhouw xakulu khe nani; I Lhou no I sütsa chilu tsü nani.

Luke 18:7

Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?

JOYIL 2:3

Ami no panoqo züuno piti eno ami mili no pano thiuno iqü. Panoqo zülo ayeghi ye Eden ghutu toi ikemu pano thiu ye küghüküghaleike sayeqha toi kiunomu tipaqo zülo povemlae.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

Luke 18:1

Jisü no pa khopemi pelo alomtshü mono alhokuthu inikhu peniye panongu vilo kimghikipiye hipau pi.

JEREMIYA 14:4

Ayeghi shou ghuqhi tsümove kehu tino ikoghegheive, alukichimi no kujove eno pano kütsü nhaluve.

AMUS 1:2

Amos no pi: “Ampeu no Zion lono ighamku Jerusalem lono Pa sütsa süqhe; atsüni kümtsha-aqo no mloqa eno Carmel toghi no ighüyivae.”

JEREMIYA 3:9

Kughengu kütüqha keu ye mthüthei ikhilue, li no ayeghi shipixive, asüatu sasü salhauve.

JEREMIYA 9:9

Hi ghenguno Ni ye panongu ghime moni keo? Shiye hitoi keu shou amkhü lumoni keshea? ipi Ampeu no sheshu.