JOSHUA 6:26 - Sumi Naga CL (Re-edited) Bible (BSI)

²⁶ Tile Joshua no ashoqhi lakhi shi, “Khuu no Jericho phughi hipau shiqhe kithe nike ithughini keno, Ampeu no angusü pa shou apeniu. “Aboqha tu ye pa nu anoghiu küxü shouno shosü peni, khaghoqo ye pa nu anipau küxü shouno süqhe peni.”

BAIBEL (BSI)

²⁶ Tipa ghulokilo Joshua no ashoqhi tsa lakhi pe timiqo lau kutughuve. “Khuno Jerikho phughi mlakithenike pukaputsani keno AMPEU no angsu pa shou apeni. Khuno aboqha tu shosuni keno panu kiptimi anoghiu puhave peni. Khuno aliwoqo mlanikeno panu anupau puhave peni.”

JOSHUA 6:26 Referans Kwoze

KUKAMI ATUGHIU 16:34

Pa küka ghuloki lono Bethelmi Hiel no Jericho shiqhe kithe. Ampeu no Nun nu Joshua vecheo pipüa ketoi Hiel no aboqha mla akelono pa nu anoghiu Abiram küxü kühave, eno pa no khagho mla akelono pa nu anipau Segub thive.

Apostolmi 19:13

Jewmi khami iqhoiqi aghawu haphe chekeqo ghi tüghaküsa ghungu akeqo shou Ampeu Jisü je kuno haphe ghi pi, “Paul no pikülha chekeu Jisü je lono I no azah o tsü ani.”

MATTHEW 26:63

Ikemu Jisü no inaqhoi ngove. Achinetou no itaghi pa vilo pi, “Aküxüpu Lhou je lono I no ashoqhi tsa o vilo piani, no ye Alhou Nu Messiah kemo keno ni vilo pilo.”

MALAKI 1:4

Tsala Edom no, “Ningu ye kütsalevae ikemu ningu no tipaqo shiqhe kitheni,” ipi aye, aqokitikhi Mpeu no, “Panongu no shiqhe anamu I no xaleqhive tsü nani, panongu pesü ‘küsakügha ghakhu,’ eno ‘pülhapuju Ampeu mlokighide ye timi hipaqo shou ani,’ ipi nani.”

KUKAMI ATUGHIU 22:16

Ikemu akükau no pa vilo pi, “Ni ye ghuthu khije nono Ampeu je lono pi kelo, kuchou nguno kütau ye pipemo nike o pelo ashoqhi shipeni kea?”

KUKAMI AKINIU 2:4

Tileno Elijah no Elisha vilo pi, “Elisha, hile ngo aghilo, kughengu Ampeu no Jericho lo I puwu ani.” Ikemu pa no khochile, “Ampeu xüani eno no ampi xüani, ni ye khilemu o phemoe.” Tighenguno pama kümtsa Jericho lo wuve.

JOSHUA 16:7

Janoah lono Ataroth ngo Naarah lo iqi no Jericho tove no Jordan lono kishekha.